അവർ നമ്മുടെ നേതാക്കളെപ്പോലെയല്ല, വളരെ സിംപിളാണ് ഭായ് ! 'ഡ്രിങ്ക്‌സ് ബോയ്' ആയി ആസ്‌ത്രേലിയൻ പ്രധാനമന്ത്രി

ചിത്രത്തിൽ കാണുന്നത് ആസ്‌ത്രേലിയൻ പ്രധാനമന്ത്രി സ്‌കോട്ട് മോറിസൺ (Scott Morrison) ക്രിക്കറ്റ് ഗ്രൗണ്ടിൽ കളിക്കാർക്ക് ഡ്രിങ്ക്‌സ് നല്കിവരുന്നതാണ്. നമ്മുടെ രാജ്യത്തൊക്കെ സങ്കൽപ്പിക്കാൻ പോലുമാകാത്ത കാര്യം.

ഇന്നലെ (വ്യാഴാഴ്ച) ആസ്‌ത്രേലിയയിലെ ക്യാൻബറ, മനുക്ക ഓവൽ സ്റ്റേഡിയത്തിൽ ശ്രീലങ്കയും ആസ്‌ത്രേ ലിയൻ പ്രധാനമന്ത്രി ഇലവനുമായി നടന്ന T 20 വാംഅപ്പ് മാച്ചിനിടയാണ് ഏവരെയും അമ്പരപ്പിച്ചുകൊണ്ട് 'ഡ്രിങ്ക്‌സ് ബോയ്' ആയി സാക്ഷാൽ ആസ്‌ത്രേലിയൻ പ്രധാനമന്ത്രി ഗ്രൗണ്ടിലെത്തിയത്. ഡ്രിങ്ക്‌സ് ടൈം അമ്പയർ പ്രഖ്യാപിച്ച ഉടൻതന്നെ ഏതൊരു കളിക്കാരനെക്കാളും ചുറുചുറുക്കോടെ ഡ്രിങ്ക്‌സ് ബാസ്‌ക്കറ്റുമായി അദ്ദേഹം മൈതാനത്തേക്ക് കുതിക്കുകയായിരുന്നു.

സോഷ്യൽ മീഡിയയിൽ ഇപ്പോൾ അദ്ദേഹത്തിന് അഭിനന്ദനങ്ങളുടെ പ്രവാഹമാണ്.Water Boy on duty എന്നാണ് അദ്ദേഹത്തെ ആളുകൾ വിശേഷിപ്പിച്ചത്..

ശ്രീലങ്കൻ ടീം മൂന്നു T 20 മത്സരങ്ങൾക്കായി ഇപ്പോൾ ആസ്‌ത്രേലിയയിലാണ്.ആദ്യമത്സരം വരുന്ന ഞായറാഴ്ച അഡിലൈഡ് ക്രിക്കറ്റ് സ്റ്റേഡിയത്തിലാണ്.