ഇതാദ്യമായി തിളച്ചുമറിയുന്ന സൂര്യന്റെ ഉപരിതലചിത്രം വളരെ കൃത്യതയോടെ പകർത്തപ്പെട്ടിരിക്കുന്നു.
ഹവായ് ദ്വീപിലുള്ള Daniel K. Inouye Solar Telescope (DKIST) ഇക്കഴിഞ്ഞ ഡിസംബർ 10 നു പകർത്തിയതാണ് ഈ ചിത്രം. ലോകത്തെ ഏറ്റവും വലിയ സോളാർ ടെലെസ്കോപ്പാണ് ഇത്. സൂര്യന്റെ ഇതുവരെ പകർത്തപ്പെട്ടതിൽ ഏറ്റവും മികച്ച ചിത്രമാണിത്.
സൂര്യ ഉപരിതലത്തിൽ സെല്ലുകൾ ( Cellular Structure ) പോലെ കാണപ്പെടുന്ന ഓരോന്നും ഫ്രാൻസിനേക്കാളൂം വലിപ്പമുള്ളവയാണ്. ഒന്നിന് മറ്റൊന്നിലേക്ക് കിലോമീറ്ററുകളുടെ ദൂരവുമുണ്ട്.
സൂര്യനെപ്പറ്റി കൂടുതൽ പഠനങ്ങൾ നടത്താൻ Inouye Solar Telescope യൂറോപ്പ് സ്പേസ് ഏജൻസിയുടെയും നാസയുടെയും സൂര്യനെ വലയം വയ്ക്കുന്ന സോളാർ ഓർബിറ്ററുമായി ചേർന്നാണ് പ്രവർത്തിക്കുക.
ഭൂമിയിൽനിന്ന് 15 കോടി കിലോമീറ്ററകലെയുള്ള സൂര്യന്റെ രചനയും ഘടനയും മനസ്സിലാക്കാൻ ശാസ്ത്രലോകത്തിന് പുത്തൻ വഴിത്തിരിവാണ് Inouye Solar Telescope എടുക്കുന്ന ചിത്രങ്ങളും വിഡിയോകളും.