സര്ഫ് എക്സല് ഡിറ്റർജെന്റ് പൌഡർ അടുത്തിടെ പുറത്തിറക്കിയ അവരുടെ ഒരു മിനിറ്റ് പരസ്യ വീഡിയോ ഒരു വിഭാഗമാളുകൾ വലിയ വിവാദമാകുകയും സോഷ്യൽ മീഡിയയിൽ #BoycottSurfExcel ട്രെൻഡ് തന്നെ നടക്കുകയുമാണ്.
Advertisment
ഉത്തരേന്ത്യയിലെ നിറങ്ങളുടെ ആഘോഷമായ ഹോളിക്കു മുന്നോടിയായാണ് അവരീ പരസ്യം പുറത്തിറക്കി യിരിക്കുന്നത്. ഇതിൽ ഒരു പെൺകുട്ടി ഹോളിദിവസം മറ്റൊരു മതസ്ഥനായ ബാലനെ നിറങ്ങൾ വാരിയൊ ഴിക്കുന്നവരിൽ നിന്നും രക്ഷപ്പെടുത്തുകയും "ഞാൻ നാമാജ് (നിസ്ക്കാരം) പഠിച്ചിട്ട് വരാം" എന്നവൻ പെൺകുട്ടിയോട് പറയുകയും " വീണ്ടും കളർ പതിക്കും" എന്നവൾ ചിരിച്ചുകൊണ്ട് അവനോട് മറുപടി പറയുമ്പോൾ പുഞ്ചിരിയോടെ തലകുലുക്കി ബാലൻ മസ്ജിദിലേക്കു കയറിപ്പോകുന്നതുമാണ് വീഡിയോയിൽ ഉള്ളത്.
ഈ വീഡിയോ ഹൈന്ദവരുടെ പുരാതനമായ ഹോളി ആഘോഷത്തോടുള്ള അപമാനമാണെന്നാണ് ഒരു കൂട്ടരുടെ വാദം. അതാണ് പുതിയ വിവാദത്തിനും സർഫ് എക്സൽ ബോയ്ക്കോട്ടിനും കാരണമായിരിക്കുന്നത്.
കഴിഞ്ഞ 60 വർഷമായി ഡിറ്റർജെന്റ് രംഗത്ത് രാജകീയമായി നിലനിൽക്കുന്ന നാമമാണ് സർഫ് എക്സൽ.1959 ൽ എക്സൽ ബ്രാൻഡുമായി ഇന്ത്യൻ മാർക്കറ്റിലെത്തിയ അവർ അതിവേഗം ജനങ്ങളുടെ വിശ്വസം പിടിച്ചുപറ്റുക യും ഡിറ്റർജെന്റ് രംഗത്ത് ഇന്ത്യയിലെ ഒന്നാം സ്ഥാനക്കാരായി മാറുകയുമായിരുന്നു.Hindustan Unilever ന്റെ മാസ്റ്റർ പ്രോഡക്റ്റ് ആണ് ഇപ്പോൾ Surf Excel.