30
Friday September 2022

അമ്മ മഴവില്ലില്‍ മോഹന്‍ലാലും പൃഥ്വിരാജും ചേരിതിരിഞ്ഞ് നിന്ന് പോരടിച്ചപ്പോള്‍ രൂക്ഷമായത് അമ്മയിലെ ചേരിപ്പോര്. യുവതാരനിരയിലും ഭിന്നിപ്പ്. യുവ നിരയെ തള്ളി ദുല്‍ഖര്‍ മോഹന്‍ലാല്‍ ചേരിയില്‍. ‘അമ്മ’യിലെ തല്‍സ്ഥിതി ഇങ്ങനെ

കന്നാസും കടലാസും
Friday, June 8, 2018

അമ്മയിലെ ചേരിപ്പോര് മുറുകുന്നു , യുവനടന്മാർ കൊച്ചിയിൽ ഒത്തുചേരുന്നു . സ്ഥാനമാനങ്ങൾ എല്ലാം ചിലരൊക്കെ ചേർന്ന് വീതിച്ചെടുക്കുന്നുവെന്ന് യുവനിര. യുവനിരയിൽ രണ്ടു ഗ്രൂപ്പുകൾ.

പ്രമുഖനടിയെ ആക്രമിച്ച വിഷയത്തിൽ തുടങ്ങിയ കലഹം ഇപ്പോൾ തെരുവിലേക്കും വ്യാപിക്കുമെന്ന് സൂചന.

അമ്മയുടെ ഭാരവാഹികളിൽ കാണുന്ന ഏകപക്ഷീയമായ തീരുമാനങ്ങൾക്കെതിരെ യുവനിരയിലെ പൃഥ്വിരാജ്, നിവിൻ പോളി എന്നിവരെ കൂടാതെ കൊച്ചി ലോബിയുടെ വക്താവായ ഫഹദ് ഫാസിലും അണിചേർന്നതോടെ കാര്യങ്ങൾ കൈവിട്ടുപോകുന്ന അവസ്ഥയാണ്.

മുഖ്യമന്ത്രി ഇടപെട്ടിട്ടുവരെ കുലുങ്ങാതെയാണ് യുവനിരയിലെ താരങ്ങളുടെയും നടിമാരുടെ സംഘടനയുടെയും പോക്ക്. പക്ഷെ ഈ വിഷയങ്ങൾ ചാനലുകാരും ട്രോളന്മാരും ചർച്ച ചെയ്യുന്നതിൽ യുവനിരക്കും താത്പര്യമില്ലാത്തതുകൊണ്ട് ആരും ഇക്കാര്യങ്ങൾ വെളിയിൽ പറയുന്നില്ലെന്ന് മാത്രം .

പൃഥ്വിരാജ് തുടങ്ങിവെച്ച കലാപത്തിൽ സഹോദരൻ ഇന്ദ്രജിത് ആദ്യം കൂടി. പിന്നീട് പ്രമുഖ നടിയെ ആക്രമിച്ച വിഷയം വന്നപ്പോൾ മഞ്ജുവാര്യരും പാർവതിയും അടക്കമുള്ള നടിമാർ പിന്തുണ പ്രഖ്യാപിച്ചപ്പോൾ വിമത സ്വരങ്ങൾക്ക് ബലം കൂടി.

പിന്നീട് ഇന്നസെന്റും മുകേഷും മമ്മുട്ടിയും എല്ലാം ചേർന്ന് മുഖ്യമന്ത്രിയെ മധ്യസ്ഥനാക്കി കാര്യങ്ങൾ ഒരു വിധേന ഒത്തുതീർപ്പാക്കി മുന്നോട്ട് പോകുന്നതിനിടയിൽ പെട്ടെന്നാണ് വീണ്ടും അപസ്വരങ്ങൾ മുളച്ചു പൊന്തിയത്.

ഇതിന്റെ പിന്നിൽ വിമൻസ് കളക്റ്റീവിലെ ഒരു വിഭാഗം നടിമാരും അവരെ കൺട്രോൾ ചെയ്തു കാര്യങ്ങൾ നടത്തുന്ന ഒരു പ്രമുഖ സംവിധായകനുമാണ് എന്നാണ് അമ്മയിലെ മുതിർന്ന താരങ്ങൾ വിശ്വസിക്കുന്നത്.

അടുത്തുവരാനിരിക്കുന്ന രാജ്യസഭാ , ലോക്സഭാ തിരഞ്ഞെടുപ്പുകളിൽ സർക്കാരിനെ സ്വാധീനിച്ചുകൊണ്ട് വേണ്ടപ്പെട്ടവർക്ക് സീറ്റുകൾ തരപ്പെടുത്തുവാനുള്ള തത്രപ്പാടിന്റെ ഭാഗമായാണ് ഈ കൊച്ചിക്കാരൻ സംവിധായകൻ ഇത്തരം സംഘടനകളിൽ പിടി മുറുക്കിയിരിക്കുന്നത് എന്നാണ് ഇന്നസെന്റിന്റെ നിലപാട്.

മുഖ്യമന്ത്രിക്ക് സിനിമക്കാരോടുള്ള മമതയെ മുതലാക്കി കാര്യം നേടുവാനുള്ള ശ്രമങ്ങളുടെ ഭാഗമാണ് ഇങ്ങനെയാക്കെ സംഭവിക്കുന്നതെന്ന് ഇടവേള ബാബുവും പറയുന്നു .

ഇക്കഴിഞ്ഞ മാസം തിരുവന്തപുരത്തുവെച്ചു നടന്ന ബ്രഹ്മാണ്ഡ ഷോയായ ‘അമ്മ മഴവില്ലിന്റെ റിഹേഴ്സൽ ക്യാമ്പിൽ വെച്ചാണ് വീണ്ടും കലാപം പൊട്ടിപ്പുറപ്പെട്ടത്. മനോരമയുടെ ആവശ്യപ്രകാരം ഒരു പ്രത്യേക സ്കിറ്റ് അമ്മയുടെ സംവിധായകൻ തയ്യാറാക്കിയിരുന്നു.

സാധാരണ കഴിഞ്ഞ ഷാർജ ഷോയിലും കൊച്ചി ഷോയിലും ഒക്കെ പ്രധാന സ്കിറ്റിൽ എല്ലാ പ്രധാന നടി നടന്മാരെയും ഉൾപ്പെടുത്തിയപ്പോൾ ഇത്തവണത്തെ പ്രധാന സ്കിറ്റിൽ മമ്മുട്ടിയും മോഹൻലാലും ദുൽഖർ സൽമാനും പിന്നെ പിഷാരടിയും കണാരനും പാഷാണവും ധർമ്മജനും മാത്രമേ ഉണ്ടായിരുന്നുള്ളൂ. അവരൊക്കെ മമ്മുട്ടിയുടെ ആളുകളും.

ഇത് മണത്തറിഞ്ഞ പൃഥ്വിയും ചേട്ടൻ ഇന്ദ്രജിത്തും നിവിൻ പോളിയെ വിവരമറിയിച്ചു. ഇവർ മൂവരും ചേർന്ന് ഫഹദ് ഫാസിലിനെ സമീപിക്കുകയും റിഹേഴ്സൽ ക്യാമ്പിലെത്തി ബഹളം വെക്കുകയും ചെയ്തു . ഇതറിഞ്ഞ കുഞ്ചാക്കോ ബോബൻ വീട്ടിൽ ആവശ്യമുണ്ടെന്ന് പറഞ്ഞുകൊണ്ട് മുങ്ങി.

പ്രശ്നം വഷളായപ്പോൾ മനോരമയുടെയും ചാനലിന്റെയും മാനേജ്‌മെന്റ് മൊത്തം ഇടപെട്ടു. കാലം മാറി മനോരമ കേരളം ഭരിച്ചിരുന്ന കാലഘട്ടമല്ല ഇന്നിപ്പോൾ എന്നും അവരോട് പോകുവാൻ പറയു എന്നും പൃഥ്വിരാജ് ആക്രോശിച്ചു .

മോഹൻലാൽ ഇടപെട്ട് നിവിൻ പോളിയെയും ഫഹദിനെയും തണുപ്പിക്കുവാൻ നോക്കിയെങ്കിലും ലാലിനെ തട്ടിമാറ്റി നിവിൻ ബഹളം വെച്ചു. ഷോ നിർത്തിവെക്കേണ്ട അവസ്ഥ വന്നപ്പോൾ അമ്മ ഭാരവാഹികൾ ഒന്നടങ്കം യുവനടന്മാരുടെ കാല് പിടിച്ചു . ഇന്ദ്രജിത് ഇന്നസെന്റിനെ തട്ടിക്കയറി. അവസാനം മോഹൻലാൽ ചൂടായെങ്കിലും പൃഥ്വിരാജ് കട്ടക്ക് നിന്നു.

മമ്മുട്ടിക്കും മോഹൻലാലിനും ഒപ്പം ദുൽഖർ സൽമാന് സ്കിറ്റിൽ സ്ഥാനം കൊടുത്തു എന്നതാണ് യുവനടന്മാരെ രോഷാകുലരാക്കിയ സംഭവത്തിന് കാരണമായത് .

അവസാനം മോഹൻലാൽ ദുൽഖറിനെ കെട്ടിപ്പിടിച്ചുകൊണ്ട് പ്രഖ്യാപിച്ചു, ‘ആരൊക്കെ ഉണ്ടായാലും ഇല്ലെങ്കിലും ഈ സ്കിറ്റിൽ ഒരു മാറ്റവും ഇല്ലാതെ ദുൽഖറിനെ വെച്ചുതന്നെ ഞങ്ങൾ അവതരിപ്പിക്കും’ എന്ന്.

വിമൻസ് കളക്ടീവ് ഒന്നടങ്കം പൃഥ്വിരാജിന്റെ പിന്നിൽ അണിനിരന്നപ്പോൾ പ്രമുഖ നടി പാർവതി മമ്മുട്ടിയുടെ മകന് കൈകൊടുത്തു ഒപ്പം കൂടി എന്നതാണ് എല്ലാവരും ഞെട്ടിപ്പോയ സംഭവം. റീമയും രമ്യയും ഗീതുവും എല്ലാം ഇറങ്ങിപ്പോയപ്പോൾ പാർവതി മമ്മുട്ടിയുടെ കൂടെ നിന്നു.

സോഷ്യൽ മീഡിയയിലും വെള്ളിത്തിരയിലും ഏറ്റവും കൂടുതൽ ഫാൻസുള്ളവരെയാണ് ഈ സ്കിറ്റിൽ ഉൾപ്പെടുത്തിയതിന് പിന്നിലെ അജണ്ടയെന്ന് മനോരമ വ്യക്തമാക്കിയപ്പോൾ പൃഥ്വിരാജ് ഇറങ്ങിപ്പോയി. കൂടെ ഫഹദും ഇന്ദ്രജിത്തും പടിയിറങ്ങിയപ്പോൾ ഷോ നിർത്തിവെക്കണമെന്ന് പലരും ആവശ്യപ്പെട്ടു.

എന്ത് വിലകൊടുത്തും ഷോ നടത്തുമെന്ന് മോഹൻലാലും വെല്ലുവിളിച്ചു. ഇതെല്ലാം കേട്ടും കണ്ടും മമ്മുട്ടി ഒരക്ഷരം ഉരിയാടിയില്ല. അദ്ദേഹം വരെ അറിയാതെയാണ് സംവിധായകനും മനോരമയും ഇങ്ങനെ സ്കിറ്റ് പ്ലാൻ ചെയ്തത്. ജനകീയതക്കാണ് മുൻ‌തൂക്കം നൽകിയതെന്ന് ചാനൽ വ്യക്തമാക്കി.

ഇതിന്റെയൊക്കെ പിന്നിൽ കൊച്ചിയിലെ ന്യു ജനറേഷൻ സിനിമ സംഘമാണെന്നാണ് മമ്മുട്ടി പറയുന്നത്. എല്ലാവര്‍ക്കും അവരവരുടേതായ അജണ്ടകളും സ്ഥാനമോഹങ്ങളും പണത്തിനോടുള്ള ആർത്തിയും രാഷ്ട്രീയ പ്രവേശനത്തിനുള്ള വഴികളും ഒക്കെ ഒപ്പിച്ചെടുക്കുവാൻ കാണിക്കുന്ന ഒരു തരം വ്യഗ്രതയാണെന്ന് മോഹൻലാലും പറഞ്ഞു.

അവരുടെ ഓരോ സിനിമയും താഴേക്ക് പോകുകയല്ലാതെ മേലോട്ട് കയറുവാനാകാത്ത അവസ്ഥയിൽ ഷോ കാണിച്ചുകൊണ്ട് ഷൈൻ ചെയ്യുകയാണെന്നും മമ്മുട്ടിയും പറഞ്ഞു.

ഇവിടെ ജനകീയതക്കാണ് സ്ഥാനം. എല്ലാവർക്കും സ്റ്റേജിൽ ശോഭിക്കുവാനാകില്ല. അതുകൊണ്ടാണ് ഇങ്ങനെയൊരു തീരുമാനം എടുക്കേണ്ടിവന്നതെന്ന് സംവിധായകൻ സിദ്ധിക്കും പറഞ്ഞു.

എന്തുതന്നെയായാലും മലയാളസിനിമയിൽ അടുത്തുതന്നെ ഒരു പൊട്ടിത്തെറി പ്രതീക്ഷിക്കാമെന്നാണ് ‘അമ്മ മഴവില്ലി’ലൂടെ നമ്മൾ മനസിലാക്കുന്നത്. ആരൊക്കെ പോയാലും എതിർത്താലും ഷോ വൻ വിജയമായിരുന്നു. ടിവിയിലും യുട്യൂബിലും അമ്മ മഴവിൽ തകർക്കുകയാണ്.

More News

തിരുവനന്തപുരം: വിഴിഞ്ഞത്ത് സാമൂഹികാരോഗ്യ കേന്ദ്രത്തിൽ ചികിത്സ തേടിയെത്തിയ യുവതിയെ പട്ടി കടിച്ചത് കണ്ടിട്ടും പ്രാഥമിക ചികിത്സ പോലും നൽകാതെ ആശുപത്രി ജീവനക്കാർ അകത്തേക്ക് കയറി പോയെന്ന് അപർണയുടെ അച്ഛൻ വാസവൻ . ചപ്പാത്ത് സ്വദേശി അപർണ (31) യ്ക്കാണ് ദുരനുഭവം നേരിട്ടത്. രാവിലെ ഏഴേകാലോടെയാണ് സംഭവം. വീടിനകത്തുവച്ച് പൂച്ചകടിച്ചതിന് രണ്ടാംഡോസ് വാക്സീൻ എടുക്കാൻ അച്ഛൻ വാസവന് ഒപ്പം എത്തിയതായിരുന്നു അപര്‍ണ. ഒപി പ്രവര്‍ത്തിക്കുന്ന ഡോക്ടറുടെ ഡ്യൂട്ടി മുറിയായ ഐപി ബ്ലോക്കിൽ എത്തി ആശുപത്രി അധികൃതരുമായി സംസാരിച്ചതിന് ശേഷം […]

ശിവകാർത്തികേയനെ നായകനാക്കി അനുദീപ് കെ.വി സംവിധാനം ചെയ്യുന്ന റൊമാന്റിക് കോമഡി ചിത്രം പ്രിൻസ് ദീപാവലിക്ക് റിലീസ് ചെയ്യും. ഒക്‌ടോബർ 21ന് റിലീസ് ചെയ്യുന്ന ചിത്രത്തിൽ തമിഴ് ടൂറിസ്റ്റ് ഗൈഡിന്റെ വേഷമാണ് ശിവകാർത്തികേയന്. തമിഴിലും തെലുങ്കിലുമാണ് ചിത്രീകരിച്ചത്. യുക്രെയ്‌ൻ താരം മറിയ ഗ്യാബോഷ്‌കയാണ് നായിക. സത്യരാജ്, പ്രേംജി അമരൻ എന്നിവരാണ് ചിത്രത്തിലെ മറ്റു താരങ്ങൾ. ശ്രീവെങ്കിടേശ്വരൻ സിനിമാസാണ് നിർമ്മാണം. ജി.കെ.വിഷ്ണു ഛായാഗ്രഹണവും എസ്. തമൻ സംഗീത സംവിധാനവും നിർവഹിക്കുന്നു. അതേസമയം, ഏറ്റവും അവസാനം റിലീസ് ചെയ്ത ശിവകാർത്തികേയൻ ചിത്രങ്ങളായ […]

ജീവിതത്തിന്റെ മൂന്നിലൊന്നു ഭാഗവും നാം ഉറങ്ങുകയാണ്. ഉറക്കത്തിന്റെ നാലിൽ ഒരു ഭാഗം സ്വപ്നങ്ങൾക്കായി ചെലവഴിക്കുന്നു. അതായത് 2022ൽ ജീവിക്കുന്ന ഒരു മനുഷ്യന്റെ ശരാശരി ആയുർദൈർഘ്യമായ 73 വർഷത്തിൽ 6 വർഷം മാത്രമാണ് നമ്മൾ സ്വപ്നം കാണാൻ ഉപയോഗിക്കുന്നത്. എന്നാൽ ഒരു മനുഷ്യന്റെ ജീവിതത്തിൽ സുപ്രധാന പങ്കു നിർവഹിക്കുന്ന സ്വപ്നങ്ങളെക്കുറിച്ചും അവ എങ്ങനെ തലച്ചോറിൽ രൂപപ്പെടുന്നെന്നും തലച്ചോറിന്റെ ആരോഗ്യവുമായി ബന്ധപ്പെട്ട് സ്വപ്നങ്ങൾക്കുള്ള പങ്കിനെക്കുറിച്ചും വളരെ പരിമിതമായ അറിവ് മാത്രമേ നമുക്കുള്ളൂ. തലച്ചോറിന്റെ ആരോഗ്യസ്ഥിതി മനസിലാക്കാൻ സ്വപ്നങ്ങളിലൂടെ കഴിയുമെന്ന് പഠനങ്ങൾ […]

കൊച്ചി: മട്ടാഞ്ചേരിയിൽ ലക്ഷങ്ങൾ വിലവരുന്ന അരക്കിലോയോളം എംഡിഎംഎയുമായി യുവാവ് പിടിയിൽ. കൂവപ്പാടം സ്വദേശി ശ്രീനിഷ് പിടിയിലായത്. ഇയാളുടെ കൈയ്യിൽ നിന്ന് 20,000 രൂപയും പിടിച്ചെടുത്തു. മയക്കുമരുന്ന് വില്പന സംഘത്തിലെ പ്രധാനിയാണ് ശ്രീനിഷെന്ന് കൊച്ചി സിറ്റി പൊലീസ് പറയുന്നു. എറണാകുളത്ത് വ്യാപകമായി എംഡിഎംഎ ഉപയോഗിക്കുന്നുണ്ടെന്നാണ് കഴിഞ്ഞ ദിവസങ്ങളിലെല്ലാം നടന്ന അറസ്റ്റുകളിൽ വ്യക്തമാവുന്നത്. കഴിഞ്ഞ ദിവസം ആലുവ സ്വകാര്യ ബസ് സ്റ്റാൻഡിൽ നിർത്തിയിട്ട ബസുകളിൽ നിന്ന് മയക്കുമരുന്ന് പിടികൂടിയിരുന്നു. ബസ് കണ്ടക്ടർമാരായ പുളിഞ്ചോട് സ്വദേശി നിയാസ് , ഏലൂർ സ്വദേശി […]

ഡല്‍ഹി: സംസ്ഥാന മലിനീകരണ നിയന്ത്രണ ബോർഡ് ചെയർമാൻ നിയമനത്തിനെതിരെ സുപ്രീം കോടതിയിൽ ഹർജി. മലിനീകരണ നിയന്ത്രണ ബോർഡ് ചെയർമാനായുള്ള എ.ബി. പ്രദീപ് കുമാറിന്‍റെ നിയമനത്തിനെതിരെയായിരുന്നു ഹർജി. ചെയർമാനായി പ്രദീപ് കുമാറിനെ നിയമിച്ചത് നടപടിക്രമങ്ങൾ പാലിക്കാതെയാണെന്നാരോപിച്ച് തിരുവനന്തപുരം പൂജപ്പുര സ്വദേശി കെ. എസ്. ഗോവിന്ദൻ നായരാണ് സുപ്രീംകോടതിയിൽ ഹർജി നൽകിയത്. 23 അപേക്ഷകൾ ലഭിച്ചതിൽ ഹർജിക്കാരനടക്കം മതിയായ യോഗ്യതയുള്ള 17 പേരെ കണ്ടെത്തിയെങ്കിലും എട്ടുപേരെ മാത്രമാണ് ഇൻറർവ്യൂവിന് വിളിച്ചതെന്ന് ഹർജിയിൽ ആരോപിക്കുന്നു. മതിയായ യോഗ്യതയുള്ളവരെ ഇൻ്റർവ്യൂ നടത്താതെ ഒഴിവാക്കാൻ […]

പാൻ ഇന്ത്യൻ താരമായി തിളങ്ങുന്ന ദുൽഖർ സൽമാൻ ആദ്യമായി അഭിനയിക്കുന്ന ബോളിവുഡ് വെബ് സീരിസ് ഗൺസ് ആൻഡ് ഗുലാബ്സ് ടീസർ എത്തി. ഫാമിലിമാൻ വെബ് സീരിസുകളുടെ സൃഷ്ടാക്കളായ രാജ് ആൻഡ് ഡികെ സംവിധാനം ചെയ്യുന്ന സീരിസ് നെറ്റ് ഫ്ളിക്സിലൂടെയാണ് റിലീസ്. ദുൽഖർ സൽമാൻ ,രാജ് കുമാർറാവു, ഗൗരവ് ആദർശ് എന്നിവരു‌ടെ മൂന്ന് പ്രധാന കഥാപാത്രങ്ങളെ കേന്ദ്രീകരിച്ച് കോമഡി ത്രില്ലറാണ് ഗൺസ് ആൻഡ് ഗുലാബ്സ്.ടീസറിൽ ദുൽഖകർ തിളങ്ങുമ്പോൾ വൻ പ്രതീക്ഷ പുലർത്തുകയാണ് ആരാധകർ.

റിയാദ് : പ്രവാസി പ്രശ്നങ്ങളിൽ കേന്ദ്ര, സംസ്ഥാന സർക്കാരുകൾ കാര്യക്ഷമമായി ഇടപ്പെടുന്നില്ലെന്നും, പദ്ധതികൾ കേവലം പ്രഖ്യാപനത്തിൽ മാത്രമൊതുങ്ങുകയാണെന്നും ബേപ്പൂർ മണ്ഡലം ഗ്ലോബൽ കെഎംസിസി ആരോപിച്ചു. സാധാരണക്കാരായ പ്രവാസികൾ നേരിടുന്ന പ്രശ്നങ്ങൾ അനവധിയാണ്. തിരിച്ചു വന്ന പ്രവാസികൾ പലരും രൂക്ഷമായ പ്രതിസന്ധിയെയാണ് നേരിടുന്നത്. പ്രവാസി വിഷയങ്ങളിൽ കൂടുതൽ പഠനവും പരിഹാരവും കാണാൻ അധികൃതർ മുന്നോട്ട് വരണമെന്നും യോഗം ആവശ്യപ്പെട്ടു. പ്രസിഡന്റ് അഷ്‌റഫ് വേങ്ങാട്ട് അധ്യക്ഷത വഹിച്ചു. ചെയർമാൻ അബ്ദുൽ അസീസ് കറുത്തേടത്ത് ഉദ്‌ഘാടനം ചെയ്തു. വാർഷിക റിപ്പോർട്ടും വരവ് […]

കൊച്ചി: ഒക്‌ടോബര്‍ 2 ഞായറാഴ്ച കത്തോലിക്കാ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ച് കെസിബിസി. ഞായറാഴ്ചയായതിനാൽ രൂപതകളില്‍ വിശ്വാസ പരിശീലനത്തിന്റെ ഭാഗമായുള്ള പരീക്ഷകള്‍ നടക്കുന്നതിനാലും ആചാരാനുഷ്ഠാനങ്ങളില്‍ കുട്ടികള്‍ക്കും രക്ഷിതാക്കള്‍ക്കും അധ്യാപകര്‍ക്കും പങ്കെടുക്കേണ്ടതുള്ളതിനാലുമാണ് അവധി പ്രഖ്യാപിക്കുന്നതെന്ന് കെസിബിസി അറിയിച്ചു. ഒക്‌ടോബര്‍ 2 ഗാന്ധിജയന്തി ദിനത്തില്‍ അധ്യാപകരും വിദ്യാര്‍ഥികളും രക്ഷിതാക്കളും വിദ്യാലയങ്ങളില്‍ വന്ന് ലഹരിവിരുദ്ധ ബോധവത്കരണ പരിപാടി സംഘടിപ്പിക്കണമെന്ന സര്‍ക്കാര്‍ നിര്‍ദേശം മറ്റൊരു ദിവസം ആചരിച്ച് സര്‍ക്കാർ നിര്‍ദേശത്തോട് സഹകരിക്കണമെന്നും കെസിബിസി അറിയിച്ചു.

വർക്കല: അന്താരാഷ്ട്ര ടൂറിസം ദിനത്തിൽ വയോജനങ്ങൾക്ക് സൗജന്യ വിനോദ യാത്ര ഒരുക്കി സഹകരണ സ്ഥാപനമായ ചിറയിൻകീഴ് താലൂക്ക് ടൂറിസം കോ ഓപ്പറേറ്റിവ് സൊസൈറ്റിയും. കേരളത്തിലെ ഏറ്റവും വലിയ എൻ.ജി.ഒ.യും തോന്നയ്ക്കൽ സായിഗ്രാമവുമായി സഹകരിച്ച് ആണ് സായിഗ്രാമിലെ അന്തേവാസികളായ വയോജനങ്ങൾക്ക് യാത്ര ഒരുക്കിയത്. ഇവർക്കായി സമീപ മേഖലകളിലെ പ്രധാന ടൂറിസം കേന്ദ്രങ്ങളിലേക്കാണ് അന്താരാഷ്ട്ര ടൂറിസം ദിനത്തിൽ സൗജന്യ യാത്ര ഒരുക്കിയത്. വർക്കല പാപനാശം ബീച്ചിൽ ഇവർക്കായി നാടൻ പാട്ടും കലാ വിരുന്നുകളും സംഘടിപ്പിച്ചിരുന്നു. കലാവിരുന്നിനു പ്രശസ്ത നാടൻ പാട്ട് […]

error: Content is protected !!