രാജു കുന്നക്കാട്ടിന് ആചാര്യ കർമ്മ രത്‌ന പുരസ്‌കാരം

തിരുവനന്തപുരം: ആചാര്യ ഫിലിം സൊസൈറ്റി ഏർപ്പെടുത്തിയ പ്രഥമ ആചാര്യ കർമ്മരത്ന പുരസ്‌കാരം രാജു കുന്നക്കാട്ടിന്. കോട്ടയം മാറ്റൊലിയുടെ ബൈബിൾ ഡ്രാമാസ്കോപ്പ് നാടകം ഒലിവ് മരങ്ങൾ സാക്ഷിയുടെ രചനക്കാണ് അവാർഡ്. ഈ നാടകത്തിന്റെ രചനക്ക് രാജുവിന്  ലഭിക്കുന്ന പതിനാലാമത്  പുരസ്‌കാരമാണിത്.

സാമൂഹ്യ,സാഹിത്യ, സാംസ്‌കാരിക രംഗത്തെ സമഗ്ര സംഭാവനക്ക് ഡോ. അംബേദ്കർ  സാഹിത്യശ്രീ ദേശീയ അവാർഡ്,പ്രവാസി രത്‌ന അവാർഡ്,രാജൻ പി ദേവ് പുരസ്‌കാരം, തോപ്പിൽ ഭാസി പുരസ്‌കാരം, ആറന്മുള സത്യവ്രതൻ പുരസ്‌കാരം,ശംഖുമുദ്ര പുരസ്‌കാരം, അയർലണ്ട് മൈൻഡ് ഐക്കോൺ അവാർഡ്, വേൾഡ് മലയാളി കൗൺസിൽ  ബെൽഫാസ്റ്റ് കലാ രത്ന പുരസ്‌കാരം,വേൾഡ് മലയാളി കൗൺസിൽ യൂറോപ്പ് സാഹിത്യ രത്‌ന അവാർഡ്,കോർക്ക്  വേൾഡ് മലയാളി കൗൺസിൽ ആദരവ്, തിരുവനന്തപുരം നവപ്രതിഭ സുവർണ്ണ ജ്യോതിസ് അവാർഡ്,  തിരുവനന്തപുരം വേദി ടു വേദിയുടെ നാടകപുരസ്‌കാരം,തിരുവനന്തപുരം സംസ്കാര സാഹിത്യവേദി പുരസ്ക്കാരം,സംസ്കാരവേദി പുരസ്‌കാരം,മൈത്രി സാഹിത്യവേദിയുടെ പ്രഥമ കലാരത്‌ന അവാർഡ് തുടങ്ങിയവ ലഭിച്ചിട്ടുണ്ട്.