പഴയിടം (കവിത)

പഴമതന്‍ പേരിനാല്‍ പെരുമയെഴും
പഴയിടമൊരു കൊച്ചുഗ്രാമം..
മലയോരങ്ങളെ തഴുകിയൊഴുകിവരും
മണിമലയാറിന്‍ തീരഗ്രാമം..

നാടിനഭിമാനമാകുവാനായിന്നു..
വക്കടര്‍ന്ന മണ്‍കലംപോലൊരു പാലവും..
ആശ്രയിക്കുന്നവര്‍ക്കെന്നുമനുഗ്രഹമേകി-
ടുന്നത്യുന്നതന്റെ  ദേവസന്നിധിയും

അറിവിന്‍ ആദ്യാക്ഷരംകുറിക്കുമീ 
വിദ്യാലയവും.. നിനവും നിറങ്ങളും..
ഓര്‍മ്മകളായ് പൂത്തുലഞ്ഞുനില്‍ക്കും
മമബാല്യകാലം..

മധുരസ്മരണകള്‍ നിറമേകിനില്‍ക്കുമെൻ മനസ്സില്‍.. 
ഞാന്‍ നിന്നെയും ചേര്‍ത്തിടട്ടെ, 
പഴമചൊരിയുന്ന പഴയിടം ഗ്രാമമേ.. നീയിനി
പുതിയിടമായി  മാറട്ടെയെന്നാശംസിക്കുന്നു..!

-മണിക്കുട്ടന്‍ പഴയിടം