30
Wednesday November 2022
ദാസനും വിജയനും

സ്പോൺസർ ചെയ്യാൻ അംബാനിമാരില്ലാതെ, കോടികൾ ഒഴുക്കിയുള്ള സംഘാടനമില്ലാതെ, സഹായിക്കാൻ ഭരണമോ ഭരണകൂടങ്ങളോ ഇല്ലാതെ, നടന്നു നീങ്ങുന്ന രാഹുലിനൊപ്പം ജനം ആർത്തിരമ്പുന്നു; രാജ്യത്ത് ഏറ്റവുമധികം ആൾക്കൂട്ടം കണ്ട യാത്രയെന്ന റെക്കോർഡിലേയ്ക്ക് കുതിക്കാനൊരുങ്ങി ഭാരത് ജോഡോ ! ‘ രാഹുലാ നീ തനിച്ചല്ല .. മിത്രനെപ്പോലെ നീ …. ഈ വസുന്ധര ‘ എന്ന അനിൽ പനച്ചൂരാന്റെ വാക്കുകൾ കേരളം ഏറ്റെടുക്കുകയാണോ ? ഇത് പുതിയൊരു രാഹുൽ ഗാന്ധിയുടെ ഉദയം കൂടിയായി മാറുകയാണോ ? – ദാസനും വിജയനും

ദാസനും വിജയനും
Sunday, September 25, 2022

‘രാഹുലാ നീ തനിച്ചല്ല .. രാഹുലാ നീ തനിച്ചല്ല .. മിത്രനെപ്പോലെ നീ എത്തുന്നതും കാത്ത് നിന്നെ വിളിക്കുന്നു ഈ വസുന്ധര …’
രാഹുലിനുവേണ്ടി കരഞ്ഞു പാടിയ അനിൽ പനച്ചൂരാൻ എന്ന ഒരു നല്ല കോൺഗ്രസ്സ് മനസ്സിനുടമ ഇല്ലാതെ പോയ ഒരുഗ്രൻ യാത്രയിൽ കേരളജനത പനച്ചൂരാന്റെ ആ വാക്കുകളെ അക്ഷരാർത്ഥത്തിൽ ഏറ്റെടുത്തിരിക്കുകയാണോ  ?

ദേശീയ അന്തർദേശീയ മാധ്യമങ്ങളും , ട്വിറ്റർ ഫേസ്‌ബുക്ക് യൂറ്റിയൂബ് ഇത്യാദി സോഷ്യൽ മീഡിയ പ്ലാറ്റ് ഫോമുകളും കേരളത്തിലെ നിക്ഷ്പക്ഷരെന്ന് അവകാശപ്പെടുന്ന ചാനലുകാരും കൂലി എഴുത്തുകാരും ഓൺലൈൻ മാധ്യമ തീവ്രവാദികളും എത്രത്തോളം മറച്ചുപിടിക്കുവാൻ ശ്രമിച്ചിട്ടും കേരളത്തിലെ പ്രബുദ്ധരായ ജനത രണ്ടു കൈകളും നീട്ടി സ്വീകരിച്ച ഒരു യാത്ര ഇന്നിപ്പോൾ തൃശൂർ പൂര നഗരിയെ അക്ഷരാർത്ഥത്തിൽ ഞെട്ടിച്ചിരിക്കുകയാണ് .

ഒഴുക്കുവാൻ പണമില്ല , പണം വീശിയെറിയുവാൻ അംബാനിമാരില്ല , സഹായിക്കുവാൻ ഭരണമില്ല ഭരണകൂടങ്ങളില്ല , ഏതു സമയവും ചോദ്യങ്ങൾ ചോദിക്കുവാൻ തയാറായി കൂലിപ്പട്ടാളമായ ഇ ഡി എന്ന ഡെമോക്ലസിന്റെ വാളുകൾ തലക്ക് മുകളിൽ , സംഘാടക പാടവമില്ലാതെ ശക്തമല്ലാത്ത സംഘടന, പരസ്‌പരം കൊത്തിക്കീറുവാൻ കാത്തുനിൽക്കുന്ന നേതാക്കന്മാർ , സമയമില്ലാത്ത അണികൾ അനുഭാവികൾ എന്നിട്ടും ഒരു യാത്രയെ ഇത്രമാത്രം ജനകീയമാക്കുവാൻ ജനങ്ങൾ കാണിക്കുന്ന വ്യഗ്രത, റോഡുവക്കുകളിൽ കാത്തുനിൽക്കുന്ന കുടുംബങ്ങൾ , യാത്ര ബസുകളിൽ നിന്നും തലകൾ പുറത്തിട്ട് അഭിവാദ്യം ചെയുന്ന പെൺകുട്ടികൾ , ഏറെ പിന്നിലാണെങ്കിലും യാത്രക്കൊപ്പം നടക്കുന്ന അമ്മമാർ അമ്മൂമ്മമാർ , സിന്ദാബാദ് വിളിക്കുന്ന കുരുന്നു ഹൃദയങ്ങൾ , ഇതൊന്നും കേരളത്തിലെ മാധ്യമ സുഹൃത്തുക്കൾ കാണാതെ പോകരുത് .

കോടിക്കണക്കിന് രൂപയൊഴുക്കി ഉണ്ടാക്കുന്ന പാർട്ടി സമ്മേളനങ്ങളും , കൂലിക്ക് ആളെ വെച്ചുണ്ടാക്കുന്ന പ്രസംഗ വേദികളും കണ്ടു ശീലിച്ച നമ്മുടെ ചാനലുകാർക്കും മീഡിയ പിആർ കളിക്കാർക്കും ഈ യാത്രയെ കണ്ണിൽ പിടിക്കില്ല .


പക്ഷെ സാധാരണക്കാരന് ഈ യാത്ര അവരുടെ ജീവിതത്തിലെ ഒരു മഹാനുഭാവമാക്കി മാറ്റുവാൻ രാഹുൽ ഗാന്ധിക്ക് സാധിച്ചു എന്നത് നഗ്നസത്യമാണ് .


അധികമാരും സഹായത്തിനില്ലാതെ റോഡിലൂടെ നടക്കുന്ന ഈ യാത്രയിൽ ഓടിക്കൂടുന്ന സാധാരണ പ്രവർത്തകന്മാരും കോൺഗ്രസ്സ് അനുകൂലികളും സ്വയമേവ വാളണ്ടിയർമാരായിക്കൊണ്ട് യാത്രയെ പഴുതുകളടച്ച് ക്രോഡീകരിക്കുമ്പോൾ കോൺഗ്രസ്സ് എന്ന ഒരു ദേശീയ സംഘടനയുടെ തിരിച്ചുവരവിനെയാണ് നാം കാണുന്നത് .

ഇത്രയും ജനങ്ങൾ മനസ്സുകൊണ്ട് ആ തിരിച്ചുവരവ് ആഗ്രഹിക്കുന്നു എന്നത് ഓർക്കുമ്പോൾ അണികളിൽ സന്തോഷമില്ലാതെയില്ല . ‘ജനം ഏറ്റെടുത്തു’ എന്ന വാക്കുകൾ നാമേറെ നാളുകളായി കേൾക്കുന്നുണ്ടെങ്കിലും അക്ഷരാർത്ഥത്തിൽ ജനം ഏറ്റെടുത്ത ഒരു പ്രയാണമാണ് ഇന്ത്യ ഇന്ന് അനുഭവിച്ചുകൊണ്ടിരിക്കുന്നത് .

‘എന്റെ പ്രതീക്ഷയാണ് അയാൾ ‘ ‘ഞങ്ങളുടെ പ്രതീക്ഷയാണ് അയാളിൽ’ എന്ന് ഓരോരോ ഇന്ത്യക്കാരനും പറയുന്ന അവസ്ഥയിലേക്ക് രാഹുൽ എത്തിയിരിക്കുന്നു . രാഹുൽ ഏറെ മാറിയിരിക്കുന്നു .


അലക്കിത്തേച്ച ഖദർ ധാരികളെ മാറ്റിനിർത്തി അഴുക്കു പുരണ്ടവനെയും വർക്ക്ഷോപ്പിലെ കരിഓയിലിൽ കുളിച്ചവനെയും മാറോട് ചേർത്തുനിർത്തുമ്പോൾ എതിരാളികൾ കൊട്ടിഘോഷിക്കുന്ന ടി ഷർട്ടിൽ അഴുക്കു പുരളുന്നുണ്ടോ എന്നദ്ദേഹം ശ്രദ്ധിക്കുന്നില്ല .


ഒരു കിലോമീറ്ററോളം ഓടിയെത്തിയ അമ്മൂമ്മക്ക് ദാഹജലം പകർന്നു കൊടുക്കുമ്പോൾ മറ്റുള്ള പിആർ കമ്പനിക്കാർ വരെ ഞെട്ടിപോകുന്നു . അമ്മമാർ ചേർത്തുനിർത്തി കണ്ണീരു പൊഴിക്കുമ്പോൾ ചാനലുകാർ ഗവർണ്ണർ മുഖ്യമന്ത്രി ചക്കളത്തി പോരിനെ മുഖ്യവാർത്തയാക്കുന്നു .

കേരളത്തിലെ ഒട്ടുമിക്ക ചാനലുകാർക്കും ഓൺലൈൻ പത്രക്കാർക്കും സോഷ്യൽ മീഡിയ ഇൻഫ്ളുവൻസേഴ്‌സിനും അത്യാവശ്യം നല്ലതുപോലെ പണം എറിഞ്ഞുകൊണ്ട് സർക്കാരുകൾ ഈ പ്രയാണത്തെ മുക്കികൊല്ലുവാൻ ശ്രമിക്കുമ്പോൾ വഴിയോരങ്ങളിൽ കാത്തുനിൽക്കുന്ന ജനങ്ങൾ ഈ പ്രയാണത്തെ ഏറ്റെടുത്തുകഴിഞ്ഞു .


കേവലം ഒരു എംഎൽഎ മാത്രമുള്ള തൃശൂർ ജില്ലയിലെ യാത്രയുടെ ‘പൂരക്കാഴ്ചകൾ’ കണ്ടപ്പോൾ എങ്കിലും പലർക്കും കാര്യങ്ങളുടെ യാഥാർഥ്യം പിടികിട്ടി .


എത്ര മറച്ചുപിടിക്കുവാൻ കളിച്ചാലും അങ്ങനെയൊന്നും ഒരു നന്മയെ ഒതുക്കുവാനാകില്ല എന്നത് ഏവർക്കും മനസ്സിലായി തുടങ്ങിയിരിക്കുന്നു . ആരൊക്കെ പപ്പു എന്ന് അഭിസംബോധന ചെയ്‌താലും, ഏതൊക്കെ വാട്സ്ആപ്പ് യുണിവേഴ്സിറ്റിക്കാർ, നുണ ഫാക്ടറിക്കാർ നുണകൾ പടച്ചുവിട്ടാലും ദൈവം തമ്പുരാൻ തന്നെ വിചാരിച്ചാൽ മാത്രമേ ഒരു വ്യക്തിയെ ഇല്ലായ്‌മ ചെയ്യുവാനാകൂ എന്നതിന്റെ ഉത്തമോദാഹരണമാണ് രാഹുൽ . രാഹുൽ ആകെ മാറിയിരിക്കുന്നു .

കന്യാകുമാരിയിൽ നിന്നും പ്രയാണം ആരംഭിച്ചപ്പോൾ സംഘാടകർ വരെ പ്രതീക്ഷിക്കാതെയാണ് ജനം ജാഥയിലേക്ക് ഇരച്ചുകയറുന്നത് . പല സ്ഥലങ്ങളിൽ വെച്ചും യാത്രക്ക് വൻ പാളിച്ചകൾ സംഭവിച്ചുവെങ്കിലും അല്ലറ ചില്ലറ മുറുമുറുപ്പുകൾ ഉണ്ടായെങ്കിലും അതൊന്നും കാര്യമായ പ്രതികരണങ്ങൾ സൃഷ്ടിക്കുവാനാകാതെ , ചാനൽ ചർച്ചകളിൽ ഇടം പിടിക്കുവാനാക്കാതെ കൈകാര്യം ചെയ്തത് യാത്രയിൽ ഓടിയെത്തിയെ ജന്മനസുകളാണ് .


അക്കാര്യത്തിൽ എല്ലാ കൂലിയെഴുത്തുകാരും പകച്ചുനിൽക്കുകയാണ് . അവർക്കും ഇനിയുള്ള നാളുകളിൽ ഈ യാത്രയെ അനുകൂലിച്ചേ മതിയാകൂ .


യാത്രയെ ഏകോപിപ്പിക്കാൻ ആളുകളില്ല , വരിയിൽ നിർത്തുവാൻ വളണ്ടിയർമാരില്ല , പ്രചരിപ്പിക്കാൻ പിആർ കമ്പനികൾ ഇല്ല .. എന്നിട്ടും ജനം പിന്നാലെ കൂടുകയാണ് . അവർക്കാവുന്നത്ര നടക്കുകയാണ് , ചെരുപ്പുകൾ പോലും ഉപേക്ഷിച്ചുകൊണ്ട് .

ഒരു സോഷ്യൽ മീഡിയയെയും ആശ്രയിക്കാതെ , ഒരു ചാനലിനെയും വിശ്വസിക്കാതെ ഈ പ്രയാണത്തെ പരമാവധി ജനങ്ങളിൽ എത്തിക്കുവാൻ ജനാധിപത്യ വിശ്വാസികൾ ശ്രമിക്കണം , ശ്രമിച്ചേ പറ്റൂ , ഇല്ലെങ്കിൽ ഇന്ത്യ എന്ന മഹാരാജ്യം മ്യാന്മറിന്റെയും , ശ്രീലങ്കയുടെയും
പാകിസ്താന്റേയുമൊക്കെ അവസ്ഥയിലേക്ക് കൂപ്പുകുത്തും എന്നതിൽ സംശയിക്കേണ്ടതില്ല .

യാത്രികർക്കായി പൊറോട്ടയടിച്ചുകൊണ്ടു സഖാവ് ദാസനും
യാത്രക്കായി ടി ഷർട്ട് ഉപേക്ഷിച്ചുകൊണ്ട് കാര്യവാഹ് വിജയനും

More News

മണ്ണാർക്കാട്: ഭിന്നശേഷിക്കാരുടെ ക്ഷേമത്തിനും വികസനത്തിനുമുള്ള പദ്ധതി പ്രവർത്തനങ്ങൾ സമൂഹത്തെ ഓർമ്മിപ്പിക്കുക എന്ന ലക്ഷ്യത്തോടെ ഡിസബർ 3 ഭിന്നശേഷിദിനത്തിൽ വ്യത്യസ്ത പരിപാടികൾ നടത്തുമെന്ന് എടത്തനാട്ടുകര അഭയം ചാരിറ്റബിൾ ട്രസ്റ്റ് ഭാരവാഹികൾ പത്രക്കുറിപ്പിൽ അറിയിച്ചു. എടത്തനാട്ടുകര ചിരട്ടക്കുളം എ സി ടി വൊക്കേണൽ സ്പെഷ്യൽ സ്കൂൾ സ്കൂളിൽ ഭിന്നശേഷിക്കാരായ ശലഭങ്ങളുടെ കലാവിരുന്ന് സാഹിത്യ-കവി അരങ്ങ് ,എന്നിവ നടത്താൻ തീരുമാനിച്ചു. പരിപാടിയിൽ ജനപ്രതിനിധികൾ,അമൃത&ഫ്ലവർസ് ടീവി ചാനൽ ഫെയിം കോമഡി താരം വിഷ്ണു അലനല്ലൂർ,ഡീൽ അക്കാദമി വിദ്യാർത്ഥികൾ, ഭാരതീയ ദളിത്‌ സാഹിത്യ അക്കാദമി […]

ന്യൂഡൽഹി: ന്യൂസീലൻഡിനെതിരായ മൂന്നാം ഏകദിനത്തിലും മലയാളി താരം സഞ്ജു സാംസൺ പ്ലേയിങ് ഇലവനിൽ ഉൾപ്പെടാതിരുന്നതോടെ ടീം മാനേജ്മെന്റിനും ബിസിസിഐക്കുമെതിരെ വീണ്ടും ആരാധകരോഷം. രണ്ടാം ഏകദിനത്തിൽ സഞ്ജുവിനെ ഒഴിവാക്കിയതിനെതിരെ വ്യാപക വിമർശനമുയർന്നതോടെ അടുത്ത മത്സരത്തിൽ ഉൾപ്പെടുത്തുമെന്ന് പ്രതീക്ഷിച്ചിരുന്നു. പക്ഷേ ഓൾറൗണ്ടറായ ദീപക് ഹൂഡയ്ക്ക് വീണ്ടും അവസരം നൽകാൻ തീരുമാനിച്ചതോടെ സഞ്ജു പുറത്താകുകയായിരുന്നു. എന്നാൽ ബാറ്റിങ്ങിൽ ദീപക് ഹൂഡയും നാലമാനായി ഇറങ്ങിയ വിക്കറ്റ് കീപ്പർ ഋഷഭ് പന്തും ഇന്നും നിരാശപ്പെടുത്തിയതോടെയാണ് സഞ്ജുവിനായി വീണ്ടും മുറവിളി ഉയരുകയാണ്. കോൺഗ്രസ് നേതാവും തിരുവനന്തപുരം […]

തിരുവനന്തപുരം: ഫുട്‌ബോള്‍ ലോകകപ്പ് ആരാധന കൊണ്ടുള്ള ആഘോഷങ്ങള്‍ കുട്ടികളുടെ മനസ്സുകളില്‍ ആഘാതമാകരുതെന്ന് കേരള പൊലീസ്. ഫേസ്ബുക്കിലൂടെയാണ് കേരള പൊലീസിന്റെ അഭിപ്രായ പ്രകടനം. ‘അതിരു കടക്കുന്ന ആരാധന പലപ്പോഴും അപകടകരമായ അവസ്ഥകളിലേക്ക് നീങ്ങുന്നത് നാം കണ്ടിട്ടുണ്ട്. തോല്‍വികളെ പക്വതയോടെ സ്വീകരിക്കാന്‍ ഒരു പക്ഷെ മുതിര്‍ന്നവര്‍ക്കാകും. പക്ഷെ.. നമ്മുടെ കുഞ്ഞുങ്ങള്‍.. അവര്‍ക്ക് ചിലപ്പോള്‍ തോല്‍വികളെ ഉള്‍ക്കൊള്ളാനായെന്നു വരില്ല. ആ അവസ്ഥയില്‍ അവരെ കളിയാക്കാതെ ചേര്‍ത്ത് പിടിക്കുക. തോല്‍വി ജയത്തിന്റെ മുന്നോടിയാണെന്നത് അവരെ ബോധ്യപ്പെടുത്തുക’. എന്നാണ് കേരള പൊലീസ് കുറിച്ചത്.

പാലക്കാട്: കാർഷിക മേഖല കൂടുതൽ ശക്തിപ്പെടണമെങ്കിൽ വിവിധ തലത്തിലുളള ഏകികരണം അനിവാര്യമാണെന്ന് ജില്ലാ പഞ്ചായത്ത് പ്രസിഡണ്ട് കെ. ബിനുമോൾ. നിലവിലുള്ള കൃഷിഭൂമി നിലനിർത്താനാവശ്യമായ നടപടികളാണ് സർക്കാർ സ്വീകരിക്കുന്നതെന്നും കെ.ബിനു മോൾ. കണ്ണാടി ചെമ്മൻകാട് ലിഫ്റ്റ് ഇറിഗേഷൻ പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു. കെ. ബിനുമോൾ. ലാഭം നോക്കാതെ പാരമ്പര്യസ്വത്ത് എന്ന നിലക്കാണ് കർഷകർ കൃഷിയെ കാണുന്നത്. കൃഷി വ്യവസായ അടിസ്ഥാനത്തിൽ വികസിപ്പിക്കുന്നതിനാണ് സർക്കാർ ഊന്നൽ നൽകുന്നത്. കൃഷി സംരക്ഷിക്കപ്പെടേണ്ടതും പ്രോത്സാഹിപ്പിക്കപ്പെടേണ്ടതും കാലഘട്ടത്തിന്റെ അനിവാര്യതയാണന്നും കെ. ബിനുമോൾ പറഞ്ഞു. […]

സിനിമകള്‍ വിജയം നേടിയാല്‍ നിര്‍മ്മാതാക്കള്‍ ആഢംബര വാഹനങ്ങള്‍ സംവിധായകന് സമ്മാനമായി നല്‍കുന്ന രീതിയുണ്ട്. ലവ് ടുഡേ സിനിമയുടെ സംവിധായകനായ പ്രദീപ് രംഗനാഥനും ആദ്യ സിനിമയുടെ വിജയത്തിനു ശേഷം നിര്‍മാതാവൊരു കാര്‍ സമ്മാനിച്ചിരുന്നു. എന്നാല്‍ അത് സ്വീകരിക്കാന്‍ പ്രദീപ് തയാറായില്ല. കാറിന് പകരം പണം തന്നാല്‍ മതിയെന്നായിരുന്നു നിര്‍മാതാവിനോട് പ്രദീപ് പറഞ്ഞത്. പണത്തോടുള്ള ആര്‍ത്തി കാരണമായിരുന്നില്ല അത് അന്ന് ആ കാറില്‍ പെട്രോള്‍ അടിക്കാന്‍ പോലും കയ്യില്‍ പണമില്ലാത്തത് കാരണമാണ് അങ്ങനെ ചെയ്തത്. സിനിമ ചെയ്യുന്നത് ആത്മസംതൃപ്തിക്ക് വേണ്ടിയാണെന്നും […]

കൊച്ചി : മലബാർ സിമന്റ്സ് കമ്പനി സെക്രട്ടറിയായിരുന്ന ശശീന്ദ്രന്റെയും മക്കളുടെയും മരണത്തിൽ തുടരന്വേഷണത്തിന് ഹൈക്കോടതി ഉത്തരവ്. സംശയാസ്പദമായ എല്ലാ സാഹചര്യവും പരിശോധിക്കണമെന്നും കൊലപാതക സാധ്യതയടക്കം വിശദമായി പരിശോധിക്കണമെന്നും കോടതി നിർദ്ദേശിച്ചു. നാലുമാസത്തിനുളളിൽ സിബിഐ അന്വേഷണം പൂ‍ർത്തിയാക്കണമെന്നും ഹൈക്കോടതി ഉത്തരവിട്ടു. കേസിൽ നേരത്തെ സിബിഐ രണ്ടുതവണ തുടരന്വേഷണം നടത്തിയിരുന്നു. ശശീന്ദ്രന്റെയും മക്കളുടേതും ആത്മഹത്യയെന്നായിരുന്നു സിബിഐയുടെ നേരത്തേയുളള കണ്ടെത്തൽ. ശശീന്ദ്രനെയും (46) മക്കളായ വിവേക് (10), വ്യാസ് (എട്ട്) എന്നിവരെയും 2011 ജനുവരി 24 നു രാത്രിയാണു കഞ്ചിക്കോട് കുരുടിക്കാട്ടെ […]

പ്രേമത്തിന് ശേഷം ഏഴ് വര്‍ഷത്തെ ഇടവേള കഴിഞ്ഞ് അല്‍ഫോണ്‍സ് പുത്രന്‍ സംവിധാനം ചെയ്യുന്ന ചിത്രമാണ് ഗോള്‍ഡ്. പൃഥ്വിരാജും നയന്‍താരയും ഒന്നിക്കുന്ന ഗോള്‍ഡില്‍ വന്‍ പ്രതീക്ഷകളാണ് ആരാധകര്‍ക്ക്. ഇപ്പോള്‍ പൃഥ്വിരാജിന്റെ കരിയറിലെ തന്നെ ഏറ്റവും ഉയര്‍ന്ന പ്രീ റിലീസ് ബിസിനസ് സ്വന്തമാക്കിയിരിക്കുകയാണ് ഗോള്‍ഡ്. അമ്പത് കോടിയലധികം രൂപയാണ് ചിത്രം പ്രീ റിലീസ് ബിസിനസ് വഴി സ്വന്തമാക്കിയത്. നാളെയാണ് ചിത്രം (ഡിസംബര്‍ 1) തിയേറ്ററുകളിലെത്തുന്നത്. ലോകമെമ്പാടുമുള്ള 1300കളിലധികം സ്‌ക്രീനുകളില്‍ എത്തുന്ന ചിത്രം പൃഥ്വിരാജിന്റെ ഏറ്റവും വലിയ റിലീസാണ്. ആറായിരത്തിലധികം ഷോകളായിരിക്കും […]

പത്തനംതിട്ട: ഇളമണ്ണൂരിൽ ഓടികൊണ്ടിരുന്ന ടിപ്പർ ലോറിക്ക് തീപിടിച്ചു. ഇളമണ്ണൂർ ടാർ മിക്സിങ്ങ് പ്ലാന്‍റില്‍ നിന്ന് കരുനാഗപ്പള്ളിയിലേക്ക് സാധനങ്ങളുമായി പോയ വാഹനമാണ് കത്തിയത്. ഡീസൽ ടാങ്കിന്‍റെ ഭാഗത്ത് നിന്ന് പുക വരുന്നത് കണ്ട് ഡ്രൈവറും സഹായിയും ലോറിയിൽ നിന്നും ചാടി രക്ഷപെട്ടത് കൊണ്ട് ആളപായം ഒഴിവായി. ഓയിൽ ടാങ്ക് പൊട്ടിയതാണ് തീ പിടിക്കാൻ കാരണമെന്നാണ് നിഗമനം. അടൂരിൽ നിന്നുള്ള രണ്ട് യൂണിറ്റ് ഫയർ ഫോഴ്സ് എത്തിയാണ് തീ പൂർണമായും അണച്ചത്.

ആലപ്പുഴ: എസ്എൻഡി ഭാരവാഹിയായിരുന്ന കെകെ മഹേശന്റെ മരണവുമായി ബന്ധപ്പെട്ട് വെള്ളാപ്പള്ളി നടേശനെ പ്രതിചേർത്ത് കേസെടുക്കാൻ കോടതി പൊലീസിന് നിർദ്ദേശം നൽകി. ആലപ്പുഴ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയാണ് നിർദ്ദേശം നൽകിയത്. എസ്എൻഡിപി കണിച്ചുകുളങ്ങര യൂണിയൻ സെക്രട്ടറി ആയിരുന്ന കെ കെ മഹേശൻ്റെ മരണവുമായി ബന്ധപ്പെട്ടുള്ളതാണ് കേസ്. എസ്എൻഡിപി യോഗം ജനറൽ സെക്രട്ടറിയാണ് വെള്ളാപ്പള്ളി നടേശൻ. തുഷാർ വെള്ളാപ്പള്ളി, കെ എൽ അശോകൻ എന്നിവരും പ്രതിപട്ടികയിലുണ്ട്. മൂന്ന് പേർക്കുമെതിരെ ആത്മഹത്യാ പ്രേരണാ കുറ്റം ചുമത്തി കേസെടുക്കണമെന്നാണ് കോടതി […]

error: Content is protected !!