27
Saturday November 2021
ദാസനും വിജയനും

‘സുധാകരന്‍’ എന്ന് കേട്ടാല്‍ ക്ലിഫ് ഹൗസിന് ഹാലിളക്കമോ ? കപ്പലും കപ്പിത്താനുമില്ലാതെ മന്ത്രിമാര്‍ ഇരുട്ടില്‍ തപ്പുകയാണോ ? – ദാസനും വിജയനും എഴുതുന്നു

ദാസനും വിജയനും
Monday, November 8, 2021

സുധാകരൻ എന്ന് കേൾക്കുമ്പോൾ ഇന്ന് ക്ലിഫ് ഹൌസിൽ താമസിക്കുന്നവർക്ക് ചതുർത്ഥിയാണ്. വാച്ച്മാൻ തസ്തികയിലേക്ക് വന്നുകയറിയ മറ്റൊരു സുധാകരനെ ഗെയ്റ്റിനുള്ളിലേക്ക് കയറ്റാതെ പറഞ്ഞുവിട്ടു എന്നൊക്കെ പിന്നാമ്പുറ കഥകളുണ്ട്. എതിരാളികൾ ഇല്ലാതെയോ ഉണ്ടായിരുന്ന എതിരാളികളെ അടിച്ചമർത്തിയോ വാണിരുന്ന പിണറായി തമ്പുരാന് ഇന്നിപ്പോൾ പരീക്ഷണങ്ങളുടെ കാലഘട്ടം.

ഒരു ഭാഗത്ത് കോൺഗ്രസ് പ്രസിഡണ്ടായി കെ സുധാകരൻ എന്ന കുമ്പക്കുടി സുധാകരൻ പിണറായി വിജയനെന്ന ഇരട്ടച്ചങ്കന്റെ ഉറക്കം കെടുത്തിയിരിക്കുന്നു. ബ്രണ്ണൻ കോളേജിലെ പ്രത്യേക ഏക്ഷനിൽ തുടങ്ങിയ അങ്കമിപ്പോൾ പൂഴിക്കടകനിൽ എത്തി നിൽക്കുമ്പോൾ തടയിടാനുള്ള യന്ത്രങ്ങളൊക്കെ പണി മുടക്കികൊണ്ടിരിക്കുകയാണ്.

കഴിഞ്ഞ ഭരണത്തിൽ കൂടെയുണ്ടായിരുന്ന മണിയാശാനും തോമസ് ഐസക്കും ജലീലും ഒക്കെ പിന്നോട്ട് വലിഞ്ഞപ്പോൾ പുതിയതായി വന്നവരൊന്നും ജനപ്രീതി പിടിച്ചു പറ്റാതെ കയ്യും കാലും ഇട്ടടിച്ചുകൊണ്ടിരിക്കുകയാണ്.

ആകെയുള്ള മരുമോൻ പിആർ വർക്കുകളുമായി മുന്നോട്ട് നീങ്ങുമ്പോൾ താജ് മഹലിന്റെ നിർമ്മിതി പഠിക്കുവാൻ ഡൽഹിയിൽ കറങ്ങി നടക്കുകയാണ് എന്നാണ് സീനിയർ എംഎൽഎ മാരുടെ ആരോപണങ്ങൾ.

സിപിഎമ്മിന്റെ ഉരുക്ക് കോട്ടയായിരുന്ന ആലപ്പുഴയിലെ നന്മ നിറഞ്ഞ സഖാവായ ജി സുധാകരനും പിണറായിയുടെ വാളിന്റെ തുമ്പ് കൊണ്ടുള്ള വെട്ടേറ്റു പിടയുമ്പോൾ മറ്റൊരു വിഎസ് ആലപ്പുഴയിൽ ഉടലെടുക്കുമോ എന്ന സംശയം തോമസ് ഐസക്കിന് ഇല്ലാതെയില്ല.

അവിടെ അമ്പലപ്പുഴ പാൽപ്പായസത്തിൽ ഇപ്പോൾ കല്ലുകടിക്കുന്നു എന്ന ആരോപണം കഴിഞ്ഞ കുറെ കാലങ്ങളായി നാം കേൾക്കുന്നു.

ജി സുധാകരനെതിരെ പടനയിക്കുന്നത് കനൽ തരിയായ എ.എം ആരിഫും സജി ചെറിയാനുമാണെന്നാണ് പാർട്ടിക്കാർ പറയുന്നതെങ്കിലും അവിടെയൊക്കെ പാർട്ടിയെ തോൽപ്പിക്കുവാൻ തലമൂത്ത പല സഖാക്കളും ശ്രമിച്ചുവെങ്കിലും അവസാന നിമിഷം വെള്ളാപ്പള്ളിയുടെ ഇടപെടലിൽ മകന്റെ പാർട്ടിയുടെ വോട്ട് കിട്ടിയതിനാൽ എല്ലാവരും തടിതപ്പി.

ദുബായിൽ കേസിൽ പെട്ടപ്പോൾ പിണറായി എഴുതിയ കത്ത് ഉപകാരത്തിൽ പെട്ടു. ബിഡിജെഎസിനു കഴിഞ്ഞതവണ ബിജെപി നേതൃത്വം പണം കൊടുത്തില്ല എന്നതും ആലപ്പുഴ സഖാക്കൾക്ക് ഗുണം ചെയ്തു.

മുട്ടിൽ മരം മുറിക്കേസും നിന്നപ്പോൾ മുല്ലപ്പെരിയാർ മരം മുറി കേസും ഒക്കെ വരുമ്പോൾ കാനം രാജേന്ദ്രൻ ചുമ്മാ ഒന്ന് രണ്ടു പ്രസ്താവനകൾ ഇറക്കുമെങ്കിലും സ്വന്തം മകനെ രക്ഷപ്പെടുത്തിയതിന്റെ ഉപകാരസ്മരണ ഉള്ളതുകൊണ്ട് അവിടെയും കോംപ്രമൈസുകൾ തന്നെ.

നിയമസഭയിൽ വിഡി സതീശൻ എന്ന പ്രതിപക്ഷ നേതാവ് സിപിഎമ്മുകാരെ വലിച്ചു കീറി ചുവരിൽ ഒട്ടിക്കുമ്പോൾ പ്രതിരോധിക്കാൻ ആകെയുള്ളത് മുപ്പത്തിയഞ്ചു സംസ്ഥാനങ്ങളുള്ള ശിവന്കുട്ടിയെ പോലുള്ളവർ മാത്രം.

കഴിഞ്ഞ ഭരണത്തിൽ കെഎം ഷാജിയേയും വിടി ബാലറാമിനെയും ശബരീനാഥിനെയും ഷാഫിയെയും റോജി എം ജോണിനെയും ഉരുളക്കുപ്പേരിയായ മറുപടികളെ കൊണ്ട് പ്രതിരോധിച്ചിരുന്ന ഗണേഷ് കുമാറും കെടി ജലീലും ഒക്കെ മന്ത്രിസ്ഥാനം കിട്ടാത്തതിലുള്ള അമർഷം മൗനം കൊണ്ട് തീർക്കുകയാണ്.

ഇവിടെ ഒരു കപ്പിത്താനുണ്ട് എന്ന് ഉറക്കെ വിളിച്ചു കൂവിയ വീണ ജോർജ്ജ് മന്ത്രിയായപ്പോൾ കപ്പലുമില്ല കപ്പിത്താനുമില്ല എന്ന അവസ്ഥയിലായി.

ഒരു വലിയ പൊട്ടിത്തെറിയിലേക്ക് നീങ്ങുന്ന ആലപ്പുഴയിലെ പാർട്ടിയും പൊട്ടിത്തെറി ആരംഭിച്ച തളിപ്പറമ്പിലെ പാർട്ടിയും കൂടാതെ ആവേശം കുറഞ്ഞുകൊണ്ടിരിക്കുന്ന ന്യായീകരണ സഖാക്കളും ഒക്കെ കാണുമ്പോൾ രണ്ടൊത്താൽ മൂന്നൊക്കും എന്ന് പറഞ്ഞതുപോലെ ബംഗാളും ത്രിപുരക്കും ശേഷം കേരളവും സിപിഎമ്മിനെ കൈവിടുമെന്നാണ് ആലപ്പുഴയിലെ സഖാക്കളുടെ അടക്കം പറച്ചിലുകൾ.

ഉറപ്പായും എല്ലാം ശരിയാക്കുമെന്ന വിശ്വാസത്തിൽ കാരായിമാരെ സ്വീകരിക്കുവാൻ കണ്ണൂരിലേക്ക് പുറപ്പെട്ട സഖാവ് ദാസനും കേരളം പെട്രോൾ വില കുറച്ചത് ദേശാഭിമാനിയിൽ വായിച്ച നിർവൃതിയിൽ സഖാവ് വിജയനും

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

Related Posts

More News

കുവൈറ്റ് സിറ്റി: കുവൈറ്റില്‍ യുവതിയെ ജീവനൊടുക്കിയ നിലയില്‍ കണ്ടെത്തി. സാല്‍വയിലാണ് സംഭവം നടന്നത്. സ്വദേശി യുവതിയാണ് മരിച്ചതെന്ന് പ്രാദേശികപത്രം റിപ്പോര്‍ട്ട് ചെയ്തു. അപ്പാർട്ട്‌മെന്റിൽ നിന്ന് ദുർഗന്ധം വമിക്കുന്നതിനെ തുടർന്ന് അയൽവാസികൾ ഫയർഫോഴ്‌സിൽ വിവരമറിയിച്ചതിനെ തുടർന്ന് വാതിൽ തുറന്നപ്പോൾ തൂങ്ങിമരിച്ച നിലയിൽ കണ്ടെത്തുകയായിരുന്നു. സംഭവത്തില്‍ പൊലീസ് അന്വേഷണം ആരംഭിച്ചു.

കുവൈറ്റ് സിറ്റി: ജഹ്‌റയില്‍ സംഘട്ടനത്തിലേര്‍പ്പെട്ട യുവാക്കളില്‍ നാലു പേരെ പൊലീസ് പിടികൂടി. നിരവധി പേരാണ് സംഘട്ടനത്തിലേര്‍പ്പെട്ടത്. ഇവരുടെ കൈയ്യില്‍ ആയുധങ്ങളുമുണ്ടായിരുന്നുവെന്നാണ് റിപ്പോര്‍ട്ട്. തുടര്‍ന്ന് സ്ഥലത്തെത്തിയ പൊലീസ് സ്ഥിതി നിയന്ത്രണവിധേയമാക്കാന്‍ ആകാശത്തേക്ക് വെടിവയ്ക്കുകയായിരുന്നു. തുടര്‍ന്ന് യുവാക്കള്‍ പിരിഞ്ഞുപോയി. ഇവരില്‍ നാലു പേരെ പൊലീസ് പിടികൂടി. മറ്റുള്ളവര്‍ക്കായി അന്വേഷണം ഊര്‍ജ്ജിതമാക്കി.

കുവൈറ്റ് സിറ്റി: കുവൈറ്റ് ജനറൽ അഡ്മിനിസ്ട്രേഷൻ ഓഫ് കസ്റ്റംസ് (കെജിഎസി) ബിറ്റ്‌കോയിന്‍ കറന്‍സി ഡിവൈസുകള്‍ പിടിച്ചെടുത്തതായി പ്രാദേശികപത്രം റിപ്പോര്‍ട്ട് ചെയ്തു. ഇതു സംബന്ധിച്ച് കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല. ഡിവൈസുകള്‍ പരിശോധിക്കാൻ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി (സിട്രാ) യിൽ നിന്നുള്ള കെജിഎസി വിദഗ്ധരെ നിയോഗിച്ചതായി റിപ്പോര്‍ട്ട് വ്യക്തമാക്കി.

കുവൈറ്റ് സിറ്റി: പുതിയ വൈറസ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്ക, നമീബിയ, ബോട്‌സ്വാന, സാംബിയ, മൊസാംബിക്, ലെസോത്തോ, ഇശ്വതിനി, മലാവി, സിംബാബ്‌വെ എന്നിവിടങ്ങളിലേക്കുള്ള നേരിട്ടുള്ള വാണിജ്യ വിമാന സർവീസുകൾ നിർത്തിവച്ചതായി കുവൈത്ത് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷൻ അറിയിച്ചു. കാര്‍ഗോ പ്ലെയിനുകള്‍ക്ക് നിയന്ത്രണം ബാധകമല്ലെന്നാണ് സൂചന. മേൽപ്പറഞ്ഞ രാജ്യങ്ങളിൽ നിന്ന് വരുന്ന പൗരന്മാർക്ക് ഏഴ് ദിവസത്തേക്ക് ഇൻസ്റ്റിറ്റിയൂഷണൽ ക്വാറന്റൈൻ ബാധകമാണ്. രാജ്യത്തെത്തുമ്പോഴും, ക്വാറന്റൈനിന്റെ ആറാം ദിവസവും പിസിആര്‍ പരിശോധന നടത്തും.  

ന്യൂഡല്‍ഹി: ജമ്മു കശ്മീരിനെ കേന്ദ്രഭരണ പ്രദേശമാക്കിയത് മുഖ്യമന്ത്രിയെ എം.എല്‍.എ.പദത്തിലേക്ക് തരംതാഴ്ത്തിയത് പോലെയാണെന്ന് കോണ്‍ഗ്രസ് നേതാവ് ഗുലാം നബി ആസാദ്. ശൈത്യകാലത്ത് കശ്മീരില്‍ തിരഞ്ഞെടുപ്പ് നടത്താനുള്ള കേന്ദ്ര സര്‍ക്കാര്‍ തീരുമാനത്തെയും അദ്ദേഹം വിമര്‍ശിച്ചു. “സാധാരണ കേന്ദ്ര ഭരണ പ്രദേശങ്ങളെ സംസ്ഥാനമാക്കി ഉയര്‍ത്താറാണ് പതിവ്. പക്ഷെ ഇവിടെ സംസ്ഥാനത്തെ കേന്ദ്ര ഭരണ പ്രദേശമാക്കി തരംതാഴ്ത്തി. അത് ഡി.ജി.പിയെ എസ്.എച്ച്.ഒ. ആക്കുന്നതുപോലെ, മുഖ്യമന്ത്രിയെ എം.എല്‍.എ. ആക്കുന്നതുപോലെയാണ്” – കുല്‍ഗാമില്‍ നടന്ന പരിപാടിയില്‍ ഗുലാംനബി പറഞ്ഞു.

തിരുവനന്തപുരം: കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്ന് 218 പേര്‍ക്കെതിരെ കേസെടുത്തു. ഇന്ന് അറസ്റ്റിലായത് 130 പേരാണ്. 413 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 3374 സംഭവങ്ങളാണ് സംസ്ഥാനത്ത് ഇന്ന് റിപ്പോര്‍ട്ട് ചെയ്തത്.

തിരുവനന്തപുരം: പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന മുഖ്യമന്ത്രി പിണറായി വിജയൻ്റെ തന്ത്രം പഴകിത്തേഞ്ഞതാണെന്ന് കേന്ദ്രമന്ത്രി വി. മുരളീധരന്‍. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നതെന്നും അദ്ദേഹം സമൂഹമാധ്യമത്തില്‍ പങ്കുവച്ച കുറിപ്പില്‍ ആരോപിച്ചു. വി. മുരളീധരന്റെ കുറിപ്പ്… പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന പിണറായി വിജയൻ്റെ തന്ത്രം പഴകിത്തേഞ്ഞതാണ്. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നത്. ന്യൂനപക്ഷത്തിൻ്റെ സംരക്ഷകനെന്ന് […]

തിരുവനന്തപുരം: മറ്റു സംസ്ഥാനങ്ങളിലെ ബിജെപി മുഖ്യമന്ത്രിമാർക്ക് പോലും ഭീഷണിയാകുന്ന തരത്തിൽ,നരേന്ദ്ര മോദിയുടെ അവകാശവാദങ്ങൾ ജനങ്ങളിലേക്കെത്തിക്കാൻ അക്ഷീണം പരിശ്രമിക്കുന്ന പി ആർ ഏജൻസി നടത്തിപ്പുകാരനാവുകയാണ് കേരളത്തിന്റെ മുഖ്യമന്ത്രി പിണറായി വിജയനെന്ന് കെപിസിസി പ്രസിഡന്റ് കെ. സുധാകരന്‍. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ വിമര്‍ശനം. ഫേസ്ബുക്ക് പോസ്റ്റ്… നാട്ടുകാർ കാര്യമായി തന്നെ പരിഗണിക്കുന്നില്ലെന്ന തിരിച്ചറിവാണ് നാട്ടിൽ നടക്കുന്ന സംഭവങ്ങളെല്ലാം നമ്മൾ ഉണ്ടാക്കിയതാണെന്നു പറയാൻ വൈക്കം മുഹമ്മദ് ബഷീറിന്റെ കഥയിലെ എട്ടുകാലി മമ്മൂഞ്ഞ് എന്ന കഥാപാത്രത്തിന് പ്രേരണയായത്. കഴിഞ്ഞദിവസം നീതി ആയോഗ് പുറത്തിറക്കിയ […]

തൃശൂര്‍: തൃശൂരിൽ 52 വിദ്യാർത്ഥിനികൾക്ക് നോറോ വൈറസ് സ്ഥിരീകരിച്ചു. സെന്റ് മേരിസ് കോളേജ് ഹോസ്റ്റലിലെ വിദ്യാർത്ഥിനികൾക്കാണ് രോഗം സ്ഥിരീകരിച്ചത്. ഹോസ്റ്റലിലെ കുടിവെള്ളത്തിൽ നിന്ന് വൈറസ് പകർന്നതാണെന്നാണ് പ്രാഥമിക നിഗമനം. ആലപ്പുഴ വൈറോളജി ലാബിൽ നിന്നുള്ള റിപ്പോർട്ടിൽ ആണ് രോഗബാധ സ്ഥിരികരിച്ചത്.

error: Content is protected !!