25
Tuesday January 2022
ദാസനും വിജയനും

കേസു ഈ വീടിന്‍റെ നാഥനെതിരെ ‘രണ്ടാം നടി ആക്രമിക്കല്‍’ അന്വേഷണം റിലീസാകുന്നതിന്‍റെ പിന്നിലെ കുബുദ്ധികള്‍ ആരൊക്കെ ? നിലപാടുകളുടെ രാജകുമാരന്‍ പിടി തോമസ് തുറന്നുവിട്ട നടിയുടെ ആക്രമണ വിവാദങ്ങള്‍ പുതിയ തലത്തിലേയ്ക്കോ ? – ദാസനും വിജയനും

ദാസനും വിജയനും
Tuesday, January 4, 2022

‘കേസു ഈ വീടിന്റെ നാഥൻ’ എന്നാണ് ദിലീപിന്റെ പുതിയ സിനിമയായ ‘കേശു ഈ വീടിന്റെ നാഥനെ’ സോഷ്യൽ മീഡിയക്കാർ കളിയാക്കുന്നത് എങ്കിലും ഈ വിഷയം കേസ് ആകുവാൻ കാരണക്കാരനായ പി.ടി നമ്മെ വിട്ടു പിരിഞ്ഞിരിക്കുന്നു.

കേരളത്തിൽ സ്ഥിരമായി അരങ്ങേറിയിരുന്ന ഒരു വിഷയമായിരുന്നു നടിമാരെ തട്ടിക്കൊണ്ടുപോയി നഗ്ന ചിത്രങ്ങൾ എടുത്തുകൊണ്ട് ബ്ലാക്ക് മെയിൽ കൊച്ചി കളികൾ.

ഈ കളി കണ്ടുപിടിച്ച പൾസർ സുനിയെ വരെ മലയാളി മറന്നു കൊണ്ടിരിക്കുന്ന സമയത്താണ് വീണ്ടും നടനെതിരെ ചാര പ്രവർത്തനവും ഒറ്റുകൊടുക്കലുകളും അരങ്ങേറുന്നത്.

തൃശൂരിൽ നിന്നും ഒറ്റക്ക് പുറപ്പെട്ട വിവാദനടി കൊച്ചിയിൽ എത്തുന്നതിനു മുൻപേ ചാലക്കുടിക്കും അങ്കമാലിക്കും ഇടയിലുള്ള ഒരു സിനിമ ഓഫീസിൽ ഒരു മണിക്കൂറിലധികം നേരം ചിലവഴിക്കുകയും പിന്നീട് യാത്ര തുടർന്നപ്പോള്‍ പൾസറും കൂട്ടരും നടിയെ കിഡ്നാപ്പ് ചെയ്യുകയും നിർബന്ധിതമായി അരുതാത്തത് ചെയ്യിക്കുകയും ചെയ്തു.

വീഡിയോ പകർത്തി കഴിഞ്ഞപ്പോൾ ഒരു സംവിധായകന്റെ വീടിന്റെ മുന്നിൽ നടിയെ ഇറക്കി വിടുകയും സംവിധായകനും മറ്റൊരു നിർമ്മാതാവും ഓടിയെത്തി നടിയെ സഹായിക്കുകയും പി.ടിയെ വിളിച്ചു വരുത്തുകയും ചെയ്തു.

ആർക്കും പോലീസിനെ അറിയിക്കുവാൻ താത്പര്യം ഇല്ലാതിരുന്നിട്ടും പി.ടിയാണ് പോലീസിനെ വിളിച്ചത്. അല്ലെങ്കിൽ എല്ലാം കൂടി രാഷ്ട്രീയക്കാരനായ, എതിരാളികൾ ധാരാളമുള്ള തന്റെ തലയിൽ കെട്ടിവെക്കുമെന്ന ഭയത്താലാണ് പി.ടി പോലീസിനെ അറിയിച്ചത്.

ഈ വിവരം ജനപ്രിയനെ അറിയിച്ചപ്പോൾ അദ്ദേഹം വലിയ കാര്യമല്ല എന്ന രീതിയിൽ ഫോൺ കട്ട് ചെയ്തു എന്നതിന്റെ അടിസ്ഥാനത്തിലാണ് അദ്ദേഹത്തെ ഇതിലേക്ക് വലിച്ചിഴച്ചതെന്നു തോന്നുന്നു.

ഒരാൾ ഫോൺ കട്ട് ചെയ്യുവാൻ നിരവധി കാര്യങ്ങൾ ഉണ്ടായിരിക്കാം. അക്കാലത്താണ് ഭാര്യയായ സൂപ്പർസ്റ്റാറുമായുള്ള വിവാഹമോചനവും വിവാദങ്ങളും നടന്നത് എന്നതും ശ്രദ്ധേയമാണ്.

അമ്മയുടെ സൂപ്പർ സ്റ്റാർ നടി ഉടനെ നിരാഹാരസത്യാഗ്രഹം പ്രഖ്യാപിക്കുകയും അതിന്നായി ഒരു പുത്തൻ സംഘടന രുപീകരിക്കുകയും ചെയ്തിരുന്നു. അമ്മയുടെ ചില സീനിയർ മെമ്പർമാരുടെ അഭ്യർത്ഥന പ്രകാരം നിരാഹാരം പിൻവലിച്ചു എങ്കിലും നടിമാർ എല്ലാരും ചേർന്ന് മുഖ്യമന്ത്രിയെ സമീപിക്കുവാൻ മറന്നില്ല.

തിരുവനന്തപുരത്തെ ഒരു സീനിയർ സെലിബിറ്റി ചാർട്ടേർഡ് അക്കൗണ്ടന്റ് ആണ് നടിമാർക്കുള്ള എല്ലാ സഹായങ്ങളും ചെയ്തു കൊടുത്തിരുന്നത്.

മലയാളത്തിലെ ഒട്ടുമിക്ക സിനിമക്കാരുടെയും കണക്കുകൾ നോക്കുവാൻ അവസരം കിട്ടിയിട്ടും അമ്മയുടെ മാത്രം സാമ്പത്തികം കൈകാര്യം ചെയ്തിരുന്നത് ജനപ്രിയ നായക നടനായിരുന്നു. കൂടാതെ മുൻപ് അരങ്ങേറിയ ഇൻകം ടാക്സ് റെയിഡുകളും ആനക്കൊമ്പ് വിവാദവും ഉണ്ടാക്കിയത് ജനപ്രിയനായകൻ ആയിരുന്നു എന്നാണ് അവരുടെ നിലപാടുകൾ.

പിന്നീട് ഒട്ടേറെ നടിമാർക്ക് കാര്യങ്ങൾ ശരിയാം വണ്ണം മനസിലായപ്പോൾ പലരും സംഘടനകൾ തന്നെ ഉപേക്ഷിച്ചുകൊണ്ട് ഈ വിഷയത്തിൽ നിഷ്പക്ഷ നിലപാടുകൾ സ്വീകരിച്ചിരുന്നു എന്നതാണ് കേരളത്തിന്റെ മറ്റൊരു നന്മ.

കൂടാതെ ഭരണ പരാജയങ്ങൾ കൊണ്ട് പൊറുതി മുട്ടിയ സർക്കാരിനും അതൊരു പിടിവള്ളി ആയിരുന്നു. വിഷ്ണു പ്രണോയ് വിഷയവും ലക്ഷ്മി നായർ വിഷയവും ഒക്കെ കൊണ്ട് നിയമസഭയിൽ യുവ പ്രതിപക്ഷ എംഎൽഎമാർ സർക്കാരിനെ സെക്രട്ടറിയേറ്റിന്റെ ഭിത്തിയിൽ വലിച്ചുകീറി ഒട്ടിക്കുന്ന സമയത്തായിരുന്നു ഈ വിഷയം വീണുകിട്ടിയത്. അതോടെ സിനിമക്കാരിൽ ഒട്ടുമിക്കവരും മൗനം ഭജിക്കുകയും ചെയ്തു.

കൂടാതെ അന്ന് ഈ ജനപ്രിയനായകന്റെ ഒരു ബ്രഹ്മാണ്ഡ രാഷ്ട്രീയ ചിത്രം അണിയറയിൽ ഒരുങ്ങുകയായിരുന്നു. സച്ചിയുടെ തിരക്കഥയിൽ രൂപം കൊണ്ട ‘രാമലീല’ എന്ന ചിത്രത്തിലെ വില്ലൻ അഴീക്കോടൻ രാഘവനെ പിറകിൽ നിന്നും കുത്തിയ നേതാവായിരുന്നു.

വിജയരാഘവൻ ആയിരുന്നു ആ വില്ലൻ. വില്ലനെ നേരിടുവാൻ മരണപ്പെട്ട സഖാവിന്റെ മകൻ ഉയിർത്തെഴുന്നേൽക്കുന്നതായിരുന്നു സിനിമയുടെ ഇതിവൃത്തം. ഇന്ന് ഭരണം കൈയാളുന്ന പലരുടെയും നേർക്ക് വിരൽ ചൂണ്ടുന്നതായിരുന്നു ആ സിനിമ.

ആ സിനിമയെ ഇല്ലാതാക്കുവാൻ കൊച്ചിയിലെ ഇടതു സഹയാത്രികരായ സിനിമാക്കാർ ഉണ്ടാക്കിയ ഒരു ഗൂഢാലോചനയാണോ എന്നൊന്നും കരുതുവാൻ
ആകില്ല. കാരണം മുരളി ഗോപിയുടെ ‘ലെഫ്റ്റ് റൈറ്റ് ലെഫ്റ്റ് ‘ എന്ന സിനിമയെ തിയറ്റർ കാണിക്കാത്തവരാണ് അവർ.

ഇപ്പോൾ രണ്ടാമതും ജനപ്രിയ നായക നടനെതിരെ വിവാദങ്ങൾ കുത്തിപ്പൊക്കുന്നതിൽ രാഷ്ട്രീയവും പകപോക്കലുകളും ഇല്ലാതില്ല.

ഭരണത്തിനെതിരെയും ഭരണാധികാരിക്കെതിരെയും ചങ്കൂറ്റത്തോടെ പ്രതികരിച്ചിരുന്ന പ്രതിപക്ഷത്തെ ചെറുപ്പക്കാരായ എംഎൽഎമാരെ വിജിലൻസിന്റെ പേരിലും അല്ലാതെയും ഒരു മൂലക്കിരുത്തിയപ്പോൾ അപ്രതീക്ഷിതമായാണ് ആലുവ പോലീസ് സ്റ്റേഷൻ ഉപരോധവും കൊച്ചി ജോജു സമരവിവാദവും ഉയർന്നു വന്നത്.

ഈ വിഷയങ്ങളിൽ സർക്കാരിനും പോലീസിനും കൊച്ചിയിലെ ചില നേതാക്കന്മാരുടെ മുന്നിൽ അടിയറവ് പറയേണ്ടി വന്നപ്പോൾ ഉണ്ടാക്കിയെടുക്കുന്ന ചില തിരക്കഥകളാണ് ഇപ്പോൾ കാണുന്നതും കേൾക്കുന്നതും.

ജനപ്രിയ നായകനൊപ്പം വിഐപി ഉണ്ടെന്ന പേരിൽ ഉണ്ടാക്കിവിടുന്ന ഊഹാപോഹങ്ങളും വിവാദമുയർത്തിയ പോലീസ് ഓഫീസറെ കൊണ്ട് അന്വേഷണത്തിന് ഉത്തരവിടുകയും ചെയ്ത സാഹചര്യത്തിൽ ഇനിയും അറസ്റ്റുകൾ സംഭവിച്ചേക്കാം.

കെ റെയിൽ ഉയർത്തുന്ന വിവാദങ്ങളും സമരങ്ങളും അങ്ങനെയൊക്കെ അടിച്ചമർത്താമെന്നൊക്കെ ഉപദേശകർ ഉപദേശിച്ചു കാണും.

കാത്തിരുന്നു കാണാം !!!

എന്തൊക്കെ പുകമറകൾ സൃഷ്ടിച്ചാലും കെ റെയിൽ തന്റെ നെഞ്ചെത്തുകൂടെ മാത്രേ പോകൂ എന്ന ഉറപ്പിന്മേൽ ദാസനും
ആരൊക്കെ എതിർത്താലും കെ റെയിൽ ഓടിക്കും എന്ന ഉറപ്പിന്മേൽ വിജയനും

More News

ന്യൂജേഴ്സി: കുട്ടികള്‍ ഫോണ്‍ കൂടുതലായി ഉപയോഗിക്കുന്നത് കുട്ടികളുടെ ആരോഗ്യത്തിന് ഹാനികരവും ഫോണ്‍ ചീത്തയാകാനുള്ള സാധ്യതയും മാത്രമല്ല അത് വന്‍ സാമ്പത്തിക നഷ്ടവും ഉണ്ടാക്കിവെക്കുമെന്ന് മനസിലായതിന്റെ ഞെട്ടലിലാണ് ന്യൂജേഴ്‌സിയിലെ ഒരു കുടുംബം. ഇവിടെ ഒരു വയസും പത്ത് മാസവും മാത്രം പ്രായമുള്ള കുഞ്ഞ് വീട്ടുകാരറിയാതെ ഓണ്‍ലൈനില്‍ ഓര്‍ഡര്‍ ചെയ്തത് ഒന്നര ലക്ഷം രൂപയുടെ സാധനങ്ങളാണ്. ന്യൂജേഴ്‌സിയിലെ അയാന്‍ഷ് കുമാര്‍ എന്ന വിരുതനാണ് അമ്മയറിയാതെ അമ്മയുടെ ഫോണെടുത്ത് അതില്‍ വാള്‍മാര്‍ട്ടിന്റെ സൈറ്റെടുത്ത് സാധനങ്ങള്‍ ഓര്‍ഡര്‍ ചെയ്തത്. ഒന്നര ലക്ഷം രൂപയുടെ […]

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ രേഖപ്പെടുത്തിയത് 2,55,874 പുതിയ കൊറോണ വൈറസ് കേസുകൾ .തിങ്കളാഴ്ചത്തെ കേസുകളേക്കാൾ 16.39 ശതമാനം കുറവാണ്. കഴിഞ്ഞ 24 മണിക്കൂറിനിടെ രാജ്യത്ത് 614 കോവിഡ് മരണങ്ങൾ റിപ്പോർട്ട് ചെയ്തു, മൊത്തം മരണസംഖ്യ 4,89,848 ആയി. ഇന്ത്യയിലെ സജീവ കേസുകൾ ഇപ്പോൾ മൊത്തം അണുബാധയുടെ 5.62 ശതമാനമാണ്, അതേസമയം ദേശീയ കോവിഡ് -19 വീണ്ടെടുക്കൽ നിരക്ക് 93.15 ശതമാനമായി ഉയർന്നു. ഡൽഹിയിൽ തിങ്കളാഴ്ച 5,760 പുതിയ കൊറോണ വൈറസ് കേസുകൾ റിപ്പോർട്ട് ചെയ്തു. […]

മലമ്പുഴ: നൂറ്റിയമ്പതു വർഷത്തിലധികം പ്രായമുണ്ടായിരുന്ന ആൽ മുത്തശ്ശി ഓർമ്മയായി. ശാസ്താനഗർ സെൻററിലെ ആലിൻ ചുവട് ബസ്റ്റോപ്പിലെ മുത്തശ്ശിയാലിനെയാണ് മുറിച്ചത്. കഴിഞ്ഞ പ്രളയകാലത്ത് ഒരു കൊമ്പൊടിഞ്ഞു വീണപ്പോൾ ഭാഗ്യം കൊണ്ടായിരുന്നു വൻ ദുരന്തം ഒഴിവായതെന്ന് ഓട്ടോസ്റ്റാൻറിലെ ഡ്രൈവർമാർ പറഞ്ഞു. സ്റ്റോപ്പിൽ നിന്നും ആളെ കയറ്റി ബസ്സ് നീങ്ങി സെക്കൻ്റുകൾക്ക് ശേഷം തന്നെ കൊമ്പു് ഒടിഞ്ഞു വീണു. അൽപം മുമ്പായിരുന്നെങ്കിൽ ബസ് കാത്തു നിന്നിരുന്ന യാത്രക്കാരുടെ ദേഹത്തു വീണ് അപകടം സംഭവിക്കുമായിരുന്നു. വൈദ്യുതി കാൽ പൊട്ടിവീഴുകയും ചെയ്തിരുന്നു. വൈദ്യൂതി കട്ടായതിനാൽ […]

ബാബു നഹ്ദിക്ക് ജിദ്ദ കൊട്ടപ്പുറം പ്രവാസി കൂട്ടായ്മ നൽകിയ യാത്രയയപ്പ് ജിദ്ദ: നാല്പത് വർഷത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന സാമൂഹിക, സാംസ്കാരിക രംഗത്തെ പ്രമുഖനായ പി.വി ഹസ്സൻ സിദ്ദീഖ് ബാബു (ബാബു നഹ്ദി) വിന് നാട്ടുകാരുടെ കാട്ടായ്മയായ ജിദ്ദ കൊട്ടപ്പുറം പ്രവാസി കൂട്ടായ്മ (ജെ.കെ.പി.കെ) യാത്രയയപ്പ് നൽകി. നിവലിൽ കൂട്ടായ്മയുടെ മുഖ്യ രക്ഷാധികാരിയാണ്. ശറഫിയ്യിൽ വെച്ച് നടന്ന പരിപാടിയിൽ സെക്രട്ടറി പി.ടി ജംഷി സ്വാഗതം പറഞ്ഞു. യു അബു ഉദ്ഘാടനം ചെയ്തു. എം.കെ വഹാബ് അധ്യക്ഷത […]

മുംബൈ: മുംബൈയിലെ കോവിഡ് രോഗികളില്‍ 89 ശതമാനം പേര്‍ക്കും ഒമിക്രോണെന്ന് സര്‍വേ. ബ്രിഹന്‍ മുംബൈ മുനിസിപ്പല്‍ കോര്‍പ്പറേഷന്‍ (ബിഎംസി) 280 സാമ്പിളുകള്‍ പരിശോധിച്ചതില്‍ 89 ശതമാനം ഒമിക്രോണും എട്ട് ശതമാനം ഡെല്‍റ്റ ഡെറിവേറ്റീവുകളും മൂന്ന് ശതമാനം ഡെല്‍റ്റ വേരിയന്റുകളും മറ്റ് ഉപവിഭാഗങ്ങളുമാണ്. കഴിഞ്ഞ ദിവസം പരിശോധനകള്‍ക്കായി 373 സാമ്പിളുകളാണ് അയച്ചത്. ഇതില്‍ 280 സാമ്പിളുകളും ബിഎംസി മേഖലയില്‍ നിന്നുള്ളതായിരുന്നെന്ന് മുനിസിപ്പല്‍ പൊതുജനാരോഗ്യ വിഭാഗം അറിയിച്ചു. 280 സാമ്പിളുകള്‍ പരിശോധിച്ചതില്‍ 34 ശതമാനം അതായത് 96 രോഗികള്‍ 21 […]

ഡൽഹി: ഡൽഹി ഉൾപ്പെടെയുള്ള ഉത്തരേന്ത്യ മുഴുവൻ അടുത്ത 5 ദിവസത്തേക്ക് തണുപ്പ് മാറില്ല.  രാജ്പഥിൽ റിപ്പബ്ലിക് ദിനാഘോഷങ്ങൾ നടക്കുമ്പോൾ ആകാശം ഭാഗികമായി മേഘാവൃതമായിരിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. നേരിയ മൂടൽമഞ്ഞും തുടരാം. ജനുവരി 26 ന് ഡൽഹിയിലെ ഏറ്റവും കുറഞ്ഞ താപനില 5-7 ഡിഗ്രി സെൽഷ്യസും കൂടിയ താപനില 17 മുതൽ 19 ഡിഗ്രി സെൽഷ്യസും ആയിരിക്കും. നേരിയ മഴയ്ക്കും സാധ്യതയുണ്ട്. ഫെബ്രുവരി 2 വരെ ഡൽഹി, പഞ്ചാബ്, ഹരിയാന എന്നിവിടങ്ങളിൽ മഴയ്ക്ക് സാധ്യതയില്ലെന്ന് ഐഎംഡിയിലെ […]

ഹെവൻലി മൂവീസിന്റെ ബാനറിൽ പ്രജീവ് സത്യവ്രതൻ നിർമ്മിച്ച് സുജിത് ലാൽ സംവിധാനം ചെയ്ത ‘രണ്ട് ‘ ഫെബ്രുവരി 4 ന് ആമസോൺ പ്രൈമിലെത്തുന്നു. ബിനുലാൽ ഉണ്ണി രചന നിർവ്വഹിച്ച് വിഷ്ണു ഉണ്ണികൃഷ്ണൻ നായകനാകുന്ന ചിത്രം, മതത്തിന്റെ പേരിലുള്ള രാഷ്ട്രീയത്തെ കളിയാക്കുന്നതോടൊപ്പം ആശയങ്ങൾക്കും വിശ്വാസങ്ങൾക്കും നേരെയുള്ള കടന്നുകയറ്റവും ആഴത്തിൽ ചർച്ച ചെയ്യുന്നു. വിഷ്ണു ഉണ്ണികൃഷ്ണൻ, അന്ന രേഷ്മ രാജൻ, ടിനിടോം, ഇർഷാദ്, കലാഭവൻ റഹ്മാൻ, സുധി കോപ്പ, ബാലാജിശർമ്മ, ഗോകുലൻ, സുബീഷ്സുധി, രാജേഷ് ശർമ്മ, മുസ്തഫ, വിഷ്ണു ഗോവിന്ദ്, […]

ഡല്‍ഹി: രാഷ്ട്രപതിയുടെ പൊലീസ് മെഡലുകള്‍ പ്രഖ്യാപിച്ചു. കേരളത്തില്‍ നിന്നുള്ള 10 ഉദ്യോഗസ്ഥര്‍ പുരസ്‌കാരത്തിന് അര്‍ഹരായി ഐജി സി നാഗരാജു, എസ്പി ജയശങ്കര്‍ രമേശ് ചന്ദ്രന്‍, അസി. കമ്മീഷണര്‍ എംകെ ഗോപാലകൃഷ്ണന്‍ തുടങ്ങിയവര്‍ മെഡല്‍ നേടിയ കേരളാ ഉദ്യോഗസ്ഥരില്‍ ഉള്‍പ്പെടുന്നു. ഡിവൈഎസ്പിമാരായ മുഹമ്മദ് കബീര്‍ റാവുത്തര്‍, ആര്‍കെ വേണുഗോപാല്‍, ടിപി ശ്യാം സുന്ദര്‍, ബി കൃഷ്ണകുമാര്‍ എന്നിവര്‍ക്കും മെഡല്‍ ലഭിച്ചു. ഇവര്‍ക്കൊപ്പം സിപിഒ ഷീബ കൃഷ്ണന്‍കുട്ടി, എസ്‌ഐമാരായ സാജന്‍ കെ ജോര്‍ജ്, ശശികുമാര്‍ ലക്ഷ്മണന്‍ എന്നിവര്‍ക്കും മെഡല്‍ ലഭിച്ചു.

ഡല്‍ഹി:  ജനുവരി 26 റിപ്പബ്ലിക് ദിനം ആഘോഷിക്കുന്നു. 1950 ജനുവരി 26 ന് ഇന്ത്യൻ ഭരണഘടന നിലവിൽ വന്നു. ഈ ദിവസം മുതൽ രാജ്യത്ത് റിപ്പബ്ലിക് ദിനാഘോഷം ആരംഭിച്ചു. ഇപ്പോൾ ഭരണഘടനയെ കുറിച്ച് ധാരാളം ചർച്ചകൾ നടക്കുന്നുണ്ട്. രാജ്യത്തിന്റെ ലിഖിത ഭരണഘടനയിലും മാറ്റങ്ങൾ പലതവണ കണ്ടിട്ടുണ്ട്. ഭരണപക്ഷവും പ്രതിപക്ഷവും ഈ വാക്ക് കാലത്തും സന്ദർഭത്തിലും അവരുടേതായ അർത്ഥത്തിൽ ഉപയോഗിക്കുന്നു. ഇന്നത്തെ യുവതലമുറയ്ക്ക് പോലും ഭരണഘടനയെ സംബന്ധിച്ച് നിരവധി ചോദ്യങ്ങളുണ്ട്. ഭരണഘടന തയ്യാറാക്കാൻ എത്ര സമയമെടുത്തു? ഭരണഘടനയുടെ രൂപീകരണത്തിൽ […]

error: Content is protected !!