വെയിലാറും മനസ്സു നിറയും, ഒരു മരം നടാം - മുസ്‌ലിം യൂത്ത് ലീഗ് ജില്ലാ കമ്മറ്റിയുടെ പരിസ്ഥിതി ക്യാമ്പയിന് തുടക്കമായി

തിരുവനന്തപുരം: വെയിലാറും മനസ്സു നിറയും, ഒരു മരം നടാം - മുസ്‌ലിം യൂത്ത് ലീഗ് ജില്ലാ കമ്മറ്റിയുടെ പരിസ്ഥിതി ക്യാമ്പയിന് തുടക്കമായി. വൃക്ഷ തൈ നട്ട് സാഹിത്യ നിരൂപകൻ ബാലചന്ദ്രൻ വടക്കേടത്ത് ക്യാമ്പയിൻ ഉദ്ഘാടനം ചെയ്തു.

മനുഷ്യമനസ്സിൽ കടന്നുകൂടുന്ന അഹംബോധങ്ങളെ പ്രതിരോധിക്കുന്നതാണ് പരിസ്ഥിതിബോധമെന്ന് ക്യാമ്പയിൻ ഉദ്ഘാടനം ചെയ്ത് ബാലചന്ദ്രൻ വടക്കേടത്ത് പറഞ്ഞു. പ്രകൃതിയിൽ നിന്ന് മനുഷ്യനെ വിച്ഛേദിക്കാനാവില്ല. ആ വിച്ഛേദം മനുഷ്യനെ തന്നെ ഇല്ലാതാക്കും. അതുകൊണ്ട് പ്രകൃതിയെ സ്നേഹിക്കാനും ഇണക്കാനും മനുഷ്യൻ ശ്രമിക്കുന്നു. ആ തത്വബോധമാണ് പരിസ്ഥിതി രാഷ്ട്രീയം. മരം നടുന്നതിലൂടെ മനുഷ്യൻ മുന്നോട്ടുവെക്കുന്നതും ആ തത്വബോധമാണെന്ന് അദ്ദേഹം പറഞ്ഞു.

ജൂൺ 5 മുതൽ 15 വരെയുള്ള ക്യാമ്പയിൻ കാലയളവിൽ വീട്ടുവളപ്പുകൾ, പൊതുസ്ഥലങ്ങൾ, പാതയോരങ്ങൾ എന്നിവിടങ്ങളിൽ യൂത്ത് ലീഗ് പ്രവർത്തകർ വൃക്ഷ തൈകൾ നട്ടു വളർത്തും.

യൂത്ത് ലീഗ് ജില്ലാ പ്രസിഡണ്ട് കെ കെ അഫ്സൽ, ജനറൽ സെക്രട്ടറി എ എം സനൗഫൽ, സെക്രട്ടറി ആർ എം മനാഫ്, വി എം മുഹമ്മദ് സമാൻ, അൻഷാദ് നാട്ടിക സംബന്ധിച്ചു.