ശ്രീ ശങ്കരാ ആയുര്‍വ്വേദ വൈദ്യശാല എറണാകുളത്ത് എളമക്കരയില്‍

ഇടപ്പള്ളി:  ചങ്ങനാശ്ശേരി പെരുന്ന ആസ്ഥാനമായ ശ്രീ ശങ്കരാ ആയുര്‍വ്വേദ വൈദ്യശാല എളമക്കരയില്‍ മഠം ജംഗ്ഷനിലുള്ള പുതിയ കെട്ടിടത്തില്‍, സാഹിത്യകാരനും സാഹിത്യ അക്കാദമി അവാര്‍ഡ് ജേതാവുമായ ടി.ജി. വിജയകുമാര്‍ ഉദ്ഘാടനം ചെയ്തു.

പാലാരിവട്ടം ഏഷ്യാനെറ്റ് ഓഫീസിനു സമീപം കൊച്ചാപ്പള്ളി റോഡില്‍ പ്രവര്‍ത്തിച്ചിരുന്ന വൈദ്യശാലയാണ് കൂടുതല്‍ സൗകര്യങ്ങളോടെ എളമക്കരയിലേയ്ക്ക് മാറിയത്.

ആയുര്‍വ്വേദ ചികിത്സാരംഗത്ത് പ്രശസ്തരായ ശ്രീ ശങ്കരാ ആയുര്‍വ്വേദ വൈദ്യശാലയ്ക്ക് ഒരു നൂറ്റാണ്ട് തികയുകയാണ്.

ഉദ്ഘാടനചടങ്ങില്‍ കാര്‍ട്ടൂണിസ്റ്റ് യേശുദാസന്‍ വിശിഷ്ടാതിഥിയായിരുന്നു. ശ്രീ ശങ്കരാ ആയുര്‍വ്വേദ വൈദ്യശാല മാനേജിംഗ് ഡയറക്ടര്‍ ബാലചന്ദ്രദാസ്, ഡോ.വിജയചന്ദ്രദാസ്, ഡോ.ശംഭു രാജചന്ദ്രദാസ് തുടങ്ങിയവര്‍ സന്നിഹിതരായിരുന്നു.