തൊടുപുഴ: കോവിഡ് 19 വ്യാപനത്തിന്റെ ഫലമായി തൊഴിൽ ലഭ്യത കുറഞ്ഞ സാഹചര്യത്തിൽ ഭക്ഷണത്തിനു നിവൃത്തിയില്ലാത്ത അഗതികൾ, അന്യ സംസ്ഥാന തൊഴിലാളികൾ എന്നിവർക്ക് സൗജന്യമായി ഭക്ഷണ ലഭ്യത ഉറപ്പാക്കാൻ ആലക്കോട് ഗ്രാമപഞ്ചായത്ത് കുടുംബശ്രീയുടെ സഹകരണത്തോടെ കമ്മ്യൂണിറ്റി കിച്ചൺ പ്രവർത്തനം ആരംഭിച്ചു.
ഗ്രാമപഞ്ചായത്ത് പ്രസിഡന്റ് ടോമി കാവാലം ഉത്ഘാടനം നിർവഹിച്ചു. കൂടാതെ സാധാരണക്കാർക്ക് 20 രൂപ നിരക്കിൽ ഉച്ചയൂണ് ലഭ്യമാക്കാനും നടപടി സ്വീകരിച്ചിട്ടുള്ളതായി പ്രസിഡന്റ് അറിയിച്ചു.
മെമ്പർമാരായ ബിജു ജോസഫ്, ജയ്മോൻ എബ്രഹാം , സൗജ സുബൈർ , മിനി മൈക്കിൾ , സഫിയ മുഹമ്മദ് , ഗ്രാമപഞ്ചായത്ത് സെക്രട്ടറി രാജ്മോഹൻ തുടങ്ങിയവർ സന്നിഹിതരായിരുന്നു.