തൊടുപുഴ: പ്രളയക്കെടുത്തിയിലും കാര്ഷിക ഉല്പ്പന്ന വിലയിടിവിലും നട്ടെല്ല് ഒടിഞ്ഞു നില്ക്കുന്ന ഇടുക്കി പാര്ലമെന്റ് മണ്ഡലത്തിലെ കര്ഷകരുടെ മക്കള്ക്ക് വിദ്യാഭ്യാസ ലോണ് നിഷേധിക്കുന്ന നടപടികളുമായി ബാങ്കുകള് മുന്നോട്ടു പോയാല് കയ്യും കെട്ടി നില്ക്കില്ലെന്നു ഡീന് കുര്യാക്കോസ് എംപി.
കോര്പ്പറേറ്റുകളുടെ കോടികള് എഴുതി തള്ളി ഇതിന്റെ പാപഭാരം സാധാരണക്കാരുടെ ചുമലില് വച്ചു കൊടുക്കുന്ന ഈ രാജ്യത്തു വിദ്യാഭ്യാസ വായ്പ നിഷേധിക്കുന്നതിന് യാതൊരു ന്യായികരണവും ഇല്ല. ബാങ്കുകള് പൊതുജനങ്ങളുമായി സഹകരിച്ച് പ്രവര്ത്തിക്കണം. വിദ്യാഭ്യാസ ലോണ് നിഷേധിക്കുന്ന ബാങ്കുകള്ക്ക് എതിരെ കര്ക്കശ നിലപാടുമായി മുന്നോട്ടു പോകുമെന്നും എംപി പറഞ്ഞു.