വഴിത്തല: ലയണ്സ് ക്ലബ്ബ് ഓഫ് വഴിത്തല, ലയണ്സ് ക്ലബ്ബ് ഇന്റര്നാഷലിന്റെ ആഭിമുഖ്യത്തില് നടത്തുന്ന സ്നേഹഭവനം - സൗജന്യ ഭവനദാന പദ്ധതിയുടെ ഭാഗമായി വഴിത്തല തോലാനിക്കുന്നേല് ചിന്നമ്മയ്ക്ക് നിര്മ്മിച്ചു നല്കിയ വീടിന്റെ താക്കോല്ദാനം വഴിത്തലയില് നടന്ന പൊതുസമ്മേളനത്തില് ലയണ്സ് ഡിസ്ട്രിക്ട് ഗവര്ണര് അഡ്വ. എ.വി. വാമനകുമാര് നിര്വഹിച്ചു.
ലയണ്സ് ക്ലബ്ബ് ഓഫ് വഴിത്തല പ്രസിഡന്റ് സതീശ് ദത്ത് അദ്ധ്യക്ഷത വഹിച്ച സമ്മേളനം പി.ജെ.ജോസഫ് എം.എല്.എ. ഉദ്ഘാടനം ചെയ്തു. മണക്കാട് ഗ്രാമപഞ്ചായത്ത് പ്രസിഡന്റ് വത്സ ജോണ്, മെമ്പര് സന്തോഷ് പത്മനാഭന് എന്നിവര് ആശംസകളര്പ്പിച്ചു.