ഉടുമ്പൻചോല: ഉടുമ്പൻചോലയെ ആവേശകടലാക്കി മാറ്റി യു.ഡി.എഫ് പ്രകടനം. സ്ഥാനാർഥി അഡ്വ ഡീൻ കുര്യാക്കോസിന് പിന്തുണ പ്രഖ്യാപിച്ച് യു.ഡി.എഫ് പ്രവർത്തകർ ഒന്നടങ്കം പ്രകടനത്തിൽ അണി നിരന്നു.
നൂറുകണക്കിനാളുകളാണ് പ്രകടനത്തിൽ പങ്കെടുത്തത്. എൻ.എസ്.എസ് ഓഡിറ്റോറിയത്തിൽ തെരഞ്ഞെടുപ്പ് കൺവൻഷനു ശേഷം സ്ഥാനാർത്ഥിയോടൊപ്പം പ്രകടനമായാണ് പ്രവർത്തകർ ടൗണിലെത്തിയത്. തുടർന്ന് ടൗണിലെ വ്യാപാര സ്ഥാപനങ്ങളിൽ പ്രവർത്തകരോടൊപ്പം സ്ഥാനാർത്ഥി സൗഹൃദ സന്ദർശനം നടത്തി.