ആൾക്കൂട്ടക്കൊല: മുസ്ലിം യൂത്ത് ലീഗ് കൈപ്പമംഗലം നിയോജക മണ്ഡലം പ്രധാന മന്ത്രിക്ക് കത്തയച്ചു

തൃശൂര്‍:  ആൾക്കൂട്ട കൊലപാതകത്തിനെതിരെ പ്രധാനമന്ത്രിക്ക് കത്തയച്ചതിന്റെ പേരിൽ സാംസ്കാരിക നായകൻമാർക്കെതിരെ കേസെടുത്തതിൽ പ്രതിഷേധിച്ച് കൈപ്പമംഗലം കാളമുറി പോസ്റ്റ് ഓഫിസിൽ നിന്നും മുസ്ലിം യൂത്ത് ലീഗ് കൈപ്പമംഗലം നിയോജക മണ്ഡലം കമ്മിറ്റി പ്രധാനമന്ത്രിക്ക് കത്തയച്ചു.

യൂത്ത് ലീഗ് സംസ്ഥാന കമ്മിറ്റിയുടെ ആഹ്വാന പ്രകാരം അരലക്ഷം കത്ത് പ്രധാനമന്ത്രിക്ക് അയക്കുന്നതിന്റെ ഭാഗമായാണ് ഈ പ്രധിഷേധ കത്തയക്കൽ പരിപാടി സംഘടിപ്പിച്ചത്. മുസ്ലിം യൂത്ത് ലീഗ് തൃശ്ശൂർ ജില്ലാ പ്രസിഡന്റ് കെ കെ അഫ്സൽ ഉദ്ഘാടനം നിർവഹിച്ചു.

മണ്ഡലം പ്രസിഡന്റ് കെ കെ സക്കരിയ്യ അധ്യക്ഷത വഹിച്ചു. ട്രഷറർ ടി എ ഫഹദ്, വൈസ് പ്രസിഡന്റ് പി എം സലീം, സൈഫുദ്ധീൻ ചാമക്കാല, ഹൈദർ അന്താറത്തറ, ഫയാസ് പെരിഞ്ഞനം, ഇസ്ഹാഖ് പള്ളിവളവ്, കെ ഐ ഷിയാസ്, മൻസൂർ 18 മുറി, ഹസീബ് പഞ്ഞംപള്ളി, ഫൈസൽ കൂരിക്കുഴി, ഫാരിസ് കട്ടൻബസാർ എന്നിവർ സംസാരിച്ചു.