സംസ്കൃത സർവ്വകലാശാലയിൽ സ്റ്റുഡന്റ്സ് കൗൺസിലർ തസ്തികയിലേയ്ക്ക് നിയമനം

കാലടി : ശ്രീശങ്കരാചാര്യ സംസ്കൃത സർവകലാശാലയിൽ സ്റ്റുഡന്റ്സ് കൗൺസിലർ തസ്തികയിലേയ്ക്ക് നിയമനം നടത്തുന്നതിനായി ജൂലൈ 25ന് രാവിലെ 10.30ന് വാക്ക് - ഇൻ – ഇന്റർവ്യൂ നടത്തുന്നു. കരാറടിസ്ഥാനത്തിലാണ് നിയമനം. സൈക്കോളജിയിൽ ബിരുദാനന്തര ബിരുദവും കൗൺസിലിംഗിൽ രണ്ട് വർഷത്തെ പ്രവൃത്തി പരിചയവും നേടിയർവക്ക് അപേക്ഷിക്കാം. 

പ്രതിമാസ വേതനം 25000/-. പ്രായപരിധിഃ സർക്കാർ നിയമപ്രകാരം. യോഗ്യരായ ഉദ്യോഗാർത്ഥികൾ യോഗ്യതയുടെയും പ്രവൃത്തി പരിചയത്തിന്റെയും അസൽ സർട്ടിഫിക്കറ്റുകളും ബയോഡാറ്റയുമായി സർവ്വകലാശാലയുടെ കാലടി മുഖ്യ ക്യാമ്പസിലുളള ഭരണ നിർവ്വഹണ കേന്ദ്രത്തിൽ എത്തിച്ചേരണമെന്ന് സർവ്വകലാശാല അറിയിച്ചു.