സംസ്കൃത സർവ്വകലാശാലയിൽ അന്താരാഷ്ട്ര കോണ്‍ഫറന്‍സ് 26ന് തുടങ്ങും

കാലടി : ശ്രീശങ്കരാചര്യ സംസ്‌കൃത സർവ്വകലാശാലയിലെ സംസ്കൃതം സാഹിത്യ വിഭാഗത്തിന്റെ ആഭിമുഖ്യത്തില്‍ സംഘടിപ്പിക്കുന്ന പണ്ഡിറ്റ് സുബ്ബരാമ പട്ടര്‍ എന്‍ഡോവ്മെന്റ് അന്താരാഷ്ട്ര കോണ്‍ഫറന്‍സ് ഫെബ്രുവരി 26ന് കാലടി മുഖ്യ കാമ്പസിലെ അക്കാദമിക് ബ്ലോക്ക് ഒന്നില്‍ ആരംഭിക്കും. 'ഇന്‍ഡോളജിക്കല്‍ ഗവേഷണത്തിന്റെ പുതിയ ചക്രവാളങ്ങള്‍'‍ എന്നതാണ് കോണ്‍ഫറന്‍സിന്റെ വിഷയം. 

വൈസ് ചാന്‍സലര്‍ പ്രൊഫ. കെ. കെ. ഗീതാകുമാരി കോണ്‍ഫറന്‍സ് ഉദ്ഘാടനം ചെയ്യും. ഡോ. സി രാജേന്ദ്രന്‍ മുഖ്യ പ്രഭാഷണം നിര്‍വ്വഹിക്കും. ഡോ. അജിത്കുമാര്‍ കെ. വി. അധ്യക്ഷനായിരിക്കും. സിന്‍ഡിക്കേറ്റ് അംഗം ഡോ. ടി. മിനി, രജിസ്ട്രാര്‍ ഡോ. മോത്തി ജോര്‍ജ്ജ്, ആര്‍. വെങ്കടകൃഷ്ണന്‍, ഡോ. വി. ആര്‍. മുരളീധരന്‍, ഡോ. ജാന്‍സി എം. എന്നിവര്‍ പ്രസംഗിക്കും. 

‘കേശവീയ'ത്തിന്റെ പ്രകാശനം വൈസ് ചാന്‍സലര്‍ പ്രൊഫ. കെ. കെ. ഗീതാകുമാരി നിര്‍വ്വഹിക്കും. ഡോ. സി രാജേന്ദ്രന്‍ ആദ്യപ്രതി ഏറ്റുവാങ്ങും. ഫെബ്രുവരി 28ന് കോണ്‍ഫറന്‍സ് സമാപിക്കും. സമാപന സമ്മേളനത്തില്‍ മുന്‍ വൈസ് ചാന്‍സലര്‍ ഡോ. ധര്‍മ്മരാജ് അടാട്ട് സമാപന സന്ദേശം നല്‍കി സര്‍ട്ടിഫിക്കറ്റുകള്‍ വിതരണം ചെയ്യും. ഡോ. അജിത്കുമാര്‍ കെ. വി. അധ്യക്ഷനായിരിക്കും. സിന്‍ഡിക്കേറ്റ് അംഗം ഡോ. ടി മിനി, ഡോ. കെ. ആര്‍. അംബിക എന്നിവര്‍ പ്രസംഗിക്കും.