പ്ര​ധാ​ന​മ​ന്ത്രി അ​ട​ക്ക​മു​ള്ള ദേ​ശീ​യ നേ​താ​ക്ക​ളു​ടെ കൂ​ട്ട​പ്പൊ​രി​ച്ചി​ലി​ലാ​ണു വാ​രാ​ണ​സി; ജാ​തി സ​മ​വാ​ക്യ​ങ്ങ​ളും മ​ത​പ​ര​മാ​യ ധ്രു​വീ​ക​ര​ണ​വു​മാ​ണ് യു​പി​യി​ലെ വോ​ട്ട​ർ​മാ​രെ ഇ​പ്പോ​ഴും കൂ​ടു​ത​ൽ സ്വാ​ധീ​നി​ക്കു​ക. ദ​ളി​ത് വി​ഭാ​ഗ​ങ്ങ​ളെ ഇ​ത്ത​വ​ണ​യും കൂ​ടെ നി​ർ​ത്താ​ൻ ബി​ജെ​പി​ക്കാ​യാ​ൽ ജ​യം അ​വ​ർ​ക്കാ​കും; മാ​യാ​വ​തി​യും ബി​എ​സ്പി​യും ഇ​ത്ത​വ​ണ നി​റം മ​ങ്ങി; ഭൂ​രി​പ​ക്ഷ, ന്യൂ​ന​പ​ക്ഷ വോ​ട്ടു​ക​ളു​ടെ ധ്രു​വീ​ക​ര​ണം​കൊ​ണ്ടു കാ​ര്യം നേ​ടു​ന്ന പ​തി​വാ​കി​ല്ല ഇ​ക്കു​റി; ജോര്‍ജ്ജ് കള്ളിവയലില്‍ എഴുതുന്നു

ഗം​ഗ ശാ​ന്ത​മാ​യൊ​ഴു​കു​ന്നു. ഹൈ​ന്ദ​വ​രു​ടെ പു​ണ്യ​ഭൂ​മി​യി​ലെ ശ്മ​ശാ​ന​ങ്ങ​ളി​ൽ എ​ന്ന​ത്തെ​യും ​പോ​ലെ അ​ണ​യാ​തെ എ​രി​ഞ്ഞു​ക​ത്തു​ന്ന ചി​ത​ക​ൾ. ദീ​പ​പ്ര​ഭ​യി​ൽ മു​ങ്ങി​ക്കു​ളി​ച്ചു നി​ൽ​ക്കു​ന്ന ഗം​ഗ​യു​ടെ തീ​ര​ത്തെ നി​ര​വ​ധി​യാ​യ ഘാ​ട്ടു​ക​ളി​ൽ ഗം​ഗാ ആ​ര​തി​യി​ൽ വി​ശ്വാ​സി​ക​ൾ മു​ഴു​കി​യി​രി​ക്കു​ന്നു. കോ​വി​ഡി​ന്‍റെ ആ​ദ്യ​ത​രം​ഗ​ത്തി​ൽ മോ​ക്ഷം കി​ട്ടാ​തെ ഗം​ഗാ​ന​ദി​യി​ലൂ​ടെ ഒ​ഴു​കി​ന​ട​ന്ന ചീ​ഞ്ഞ​ളി​ഞ്ഞ മൃ​ത​ദേ​ഹ​ങ്ങ​ളോ മാ​ലി​ന്യ​ക്കൂ​ന്പാ​ര​ങ്ങ​ളോ ഇ​പ്പോ​ൾ പു​ണ്യ​ന​ദി​യി​ലി​ല്ല.

എ​ത്ര വേ​ഗ​ത്തി​ലാ​ണു ജ​നം എ​ല്ലാം മ​റ​ക്കു​ന്ന​തും പൊ​റു​ക്കു​ന്ന​തു​മെ​ന്നു തോ​ന്നു​ന്ന സ്ഥി​തി. ജ​ന​ങ്ങ​ളെ​യാ​കെ ബാ​ധി​ച്ച ക​ടു​ത്ത വി​ല​ക്ക​യ​റ്റം മു​ത​ൽ തൊ​ഴി​ലി​ല്ലാ​യ്മ വ​രെ​യു​ള്ള​വ​യും ഉ​ത്ത​ർ​പ്ര​ദേ​ശി​ലെ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ വ​ലി​യ പ്ര​ചാ​ര​ണാ​യു​ധ​ങ്ങ​ള​ല്ല. സാ​ന്പ​ത്തി​ക പ്ര​തി​സ​ന്ധി​യി​ലും കൊ​ടി​യ ദു​രി​ത​ങ്ങ​ളി​ലും യു​പി​യി​ലെ ഏ​റ്റ​വും പി​ന്നോ​ക്ക​മാ​യ ഈ ​പൂ​ർ​വാ​ഞ്ച​ൽ മേ​ഖ​ല​യി​ൽ ജ​നം അ​വ​രു​ടെ മ​ന​സ് തു​റ​ക്കു​ന്നി​ല്ല. ക​ർ​ഷ​ക​സ​മ​ര​വും കാ​ർ​ഷി​ക പ്ര​തി​സ​ന്ധി​യും തൊ​ഴി​ലി​ല്ലാ​യ്മ​യും കു​റ​ച്ചെ​ങ്കി​ലും സം​സാ​ര​വി​ഷ​യ​മാ​ണ്.

2014ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ ഹി​ന്ദു​ത്വ വി​കാ​രം ഇ​ള​ക്കി​യ മോ​ദി​യു​ടെ ജൈ​ത്ര​യാ​ത്ര​യു​ടെ പ്ര​ഭ​വ​കേ​ന്ദ്ര​മാ​യ വാ​രാ​ണ​സി​യി​ൽ​ നി​ന്നാ​ണ് ഈ​യാ​ഴ്ച എ​ഴു​തു​ന്ന​ത്. ഇ​ന്ത്യ​യു​ടെ രാ​ഷ്‌​ട്രീ​യ​ഗ​തി നി​ർ​ണ​യി​ക്കു​ന്ന സു​പ്ര​ധാ​ന​മാ​യ യു​പി തെ​ര​ഞ്ഞെ​ടു​പ്പി​ന്‍റെ കൊ​ട്ടി​ക്ക​ലാ​ശ​ത്തി​നാ​ണ് ഈ ​ദി​വ​സ​ങ്ങ​ളി​ൽ വാ​രാ​ണ​സി സാ​ക്ഷ്യം വ​ഹി​ക്കു​ന്ന​ത്.

മു​ഖം മി​നു​ക്കി​യ ഇ​ട​നാ​ഴി​ക​ൾ

തെ​ര​ഞ്ഞെ​ടു​പ്പു​വാ​ശി​ക്കി​ട​യി​ലും പാ​വ​പ്പെ​ട്ട ജ​ന​ങ്ങ​ളെ സേ​വി​ക്കു​ന്ന നേ​താ​ക്ക​ളെ ക​ണ്ടെ​ത്തു​ക​യാ​കും യു​പി​യി​ൽ പ്ര​യാ​സം. ജ​നം പെ​രു​വ​ഴി​യി​ൽ വ​ല​യു​ന്പോ​ഴും ന​ഗ​ര​ത്തി​ലെ പ​ഞ്ച​ന​ക്ഷ​ത്ര ഹോ​ട്ട​ലു​ക​ളി​ലും മു​ന്തി​യ വാ​ഹ​ന​ങ്ങ​ളി​ലും സു​ഖ​വാ​സം ന​ട​ത്തു​ന്ന നേ​താ​ക്ക​ളാ​ണ് എ​ല്ലാ പാ​ർ​ട്ടി​ക​ളി​ലും. പോ​ലീ​സി​ന്‍റെ​യും അം​ഗ​ര​ക്ഷ​ക​രു​ടെ​യും തോ​ക്കു​ക​ളു​ടെ​യും വ​ല​യ​ത്തി​ലെ​ത്തി ജാ​തി​യും മ​ത​വും ഗു​ണ്ടാ​യി​സ​വും പ​റ​ഞ്ഞു വോ​ട്ട​ർ​മാ​രെ വി​ഡ്ഡി​ക​ളാ​ക്കു​ന്ന​തി​ൽ ആ​രും പി​ന്നി​ല​ല്ല.

വാ​രാ​ണ​സി​യി​ലെ 88 ഘാ​ട്ടു​ക​ളും സ​ർ​ക്കാ​ർ ചെ​ല​വി​ൽ ന​വീ​ക​രി​ച്ചു വ​ർ​ണ​പ്ര​ഭ​യി​ലാ​ക്കി​യ​തി​നാ​ൽ ഗം​ഗാ​ന​ദി​യി​ലൂ​ടെ സ​ന്ധ്യാ​സ​മ​യ​ത്തു ന​ട​ത്തി​യ ബോ​ട്ടു​യാ​ത്ര പു​തി​യൊ​രു അ​നു​ഭൂ​തി​യാ​യി.
ആ​യി​രം കോ​ടി​യോ​ളം രൂ​പ മു​ട​ക്കി മോ​ദി സ​ർ​ക്കാ​ർ പൂ​ർ​ത്തി​യാ​ക്കു​ന്ന കാ​ശി ധാം ​പ​ദ്ധ​തി കാ​ശി വി​ശ്വ​നാ​ഥ ക്ഷേ​ത്ര​ത്തി​ന്‍റെ പ​ഴ​യ കാ​ഴ്ച​ക​ളാ​കെ മാ​റ്റി.

തൂ​വെ​ള്ള മാ​ർ​ബി​ൾ ക​ല്ലു​ക​ൾ പാ​കി​യ ത​റ​യും രാ​ജ​സ്ഥാ​നി​ൽ​നി​ന്നു കൊ​ണ്ടു​വ​ന്ന പി​ങ്ക് ക​ല്ലു​ക​ളും കൊ​ണ്ട് ആ​ധു​നി​ക​മാ​യൊ​രു ക്ഷേ​ത്ര​സ​മു​ച്ച​യ​മാ​ണു കാ​ശി​യി​ൽ തീ​ർ​ത്തി​രി​ക്കു​ന്ന​ത്. 2017ലെ ​തെ​ര​ഞ്ഞെ​ടു​പ്പു​കാ​ല​ത്തു ക​ണ്ട കാ​ശി വി​ശ്വ​നാ​ഥ ക്ഷേ​ത്രം അ​പ്പാ​ടെ ആ​ധു​നി​ക നി​ർ​മി​തി​യാ​യി​രി​ക്കു​ന്നു.

പോ​രി​നൊ​രു​ങ്ങി വാ​രാ​ണ​സി

തെ​ര​ഞ്ഞെ​ടു​പ്പു പ്ര​ചാ​ര​ണ​ത്തി​നെ​ത്തി​യ പ്ര​ധാ​ന​മ​ന്ത്രി അ​ട​ക്ക​മു​ള്ള ദേ​ശീ​യ നേ​താ​ക്ക​ളു​ടെ കൂ​ട്ട​പ്പൊ​രി​ച്ചി​ലി​ലാ​ണു കാ​ശി, ബ​നാ​റ​സ്, വാ​രാ​ണ​സി എ​ന്നീ പേ​രു​ക​ളി​ൽ അ​റി​യ​പ്പെ​ടു​ന്ന ന​ഗ​രം. വ്യാ​ഴാ​ഴ്ച വാ​രാ​ണ​സി​യി​ലെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​ചാ​ര​ണം സ​മാ​പി​ക്കു​ന്ന നാ​ളെ വൈ​കു​ന്നേ​രം ​വ​രെ മ​ണ്ഡ​ല​ത്തി​ൽ ക്യാ​ന്പ് ചെ​യ്യു​ക​യാ​ണ്. കോ​ണ്‍​ഗ്ര​സ് നേ​താ​വ് രാ​ഹു​ൽ ഗാ​ന്ധി ഇ​ന്ന​ലെ വാ​രാ​ണ​സി​യി​ലെ​ത്തി. പ്രി​യ​ങ്ക വ​ദ്ര മൂ​ന്നു ദി​വ​സ​മാ​യി വീ​ടു​ക​ൾ ക​യ​റി​യി​റ​ങ്ങി​യു​ള്ള പ്ര​ചാ​ര​ണ​ത്തി​ലാ​ണ്.

സ​മാ​ജ്‌​വാ​ദി പാ​ർ​ട്ടി അ​ധ്യ​ക്ഷ​ൻ അ​ഖി​ലേ​ഷ് യാ​ദ​വ്, തൃ​ണ​മൂ​ൽ കോ​ണ്‍​ഗ്ര​സ് നേ​താ​വ് മ​മ​ത ബാ​ന​ർ​ജി, ബി​ജെ​പി അ​ധ്യ​ക്ഷ​ൻ ജെ.​പി. ന​ഡ്ഡ, രാ​ജ്നാ​ഥ്സിം​ഗ് മു​ത​ൽ അ​നു​രാ​ഗ് സിം​ഗ് താ​ക്കൂ​ർ വ​രെ​യു​ള്ള കേ​ന്ദ്ര​മ​ന്ത്രി​മാ​ർ, സം​സ്ഥാ​ന മ​ന്ത്രി​മാ​രും മ​റ്റു നേ​താ​ക്ക​ളും-​ഇ​വ​രൊ​ക്കെ വാ​രാ​ണ​സി​യി​ൽ ത​ന്പ​ടി​ച്ചാ​ണു തെ​ര​ഞ്ഞെ​ടു​പ്പു പോ​രി​നു കൊ​ഴു​പ്പു​കൂ​ട്ടു​ന്ന​ത്.

പൂ​ർ​വാ​ഞ്ച​ൽ വി​ധി​യെ​ഴു​തും

ഏ​ഴു ഘ​ട്ട​ങ്ങ​ളി​ലാ​യു​ള്ള യു​പി തെ​ര​ഞ്ഞെ​ടു​പ്പി​ലെ ഏ​റ്റ​വും നി​ർ​ണാ​യ​ക​മാ​യ അ​വ​സാ​ന ഘ​ട്ടം പ്ര​ചാ​ര​ണം ഇ​ന്ന​വ​സാ​നി​ക്കും. തെ​ര​ഞ്ഞെ​ടു​പ്പി​ൽ ജ​യം ആ​ർ​ക്കും ഉ​റ​പ്പി​ല്ല. അ​ടി​യൊ​ഴു​ക്കു​ക​ൾ പ​ല​തു​മു​ള്ള​തി​നാ​ൽ ബി​ജെ​പി, എ​സ്പി ക്യാ​ന്പു​ക​ളി​ൽ ആ​ശ​ങ്ക വ്യ​ക്തം. കി​ഴ​ക്ക​ൻ യു​പി​യു​ടെ ഗ​തി​യ​റി​യു​ന്ന പ​ത്താം തീ​യ​തി​വ​രെ നേ​താ​ക്ക​ളു​ടെ ച​ങ്കി​ൽ പ​ഞ്ഞി വ​ച്ചാ​ൽ ക​ത്തു​ന്ന ചൂ​ടാ​കും.
സം​സ്ഥാ​ന​ത്തെ ഏ​റ്റ​വും പി​ന്നോ​ക്കാ​വ​സ്ഥ​യു​ള്ള പൂ​ർ​വാ​ഞ്ച​ൽ മേ​ഖ​ല​യി​ലെ ജ​ന​വി​ധി​യാ​കും യു​പി ഇ​നി ആ​രു ഭ​രി​ക്കു​മെ​ന്ന​ത് അ​ന്തി​മ​മാ​യി നി​ർ​ണ​യി​ക്കു​ക.

2017ൽ ​ബി​ജെ​പി തൂ​ത്തു​വാ​രി​യ മേ​ഖ​ല​ക​ളി​ൽ ഇ​ത്ത​വ​ണ സ​മ​വാ​ക്യ​ങ്ങ​ളി​ൽ മാ​റ്റ​മു​ണ്ട്. ആ​റും ഏ​ഴും ഘ​ട്ട​ങ്ങ​ളി​ൽ വോ​ട്ടെ​ടു​പ്പു ന​ട​ക്കു​ന്ന പൂ​ർ​വാ​ഞ്ച​ൽ മേ​ഖ​ല​യി​ലെ 111 സീ​റ്റു​ക​ളി​ൽ 84ലും ​ക​ഴി​ഞ്ഞ ത​വ​ണ ബി​ജെ​പി​യാ​ണു ജ​യി​ച്ച​ത്. എ​ന്നാ​ൽ യു​പി​യി​ലെ മ​റ്റു മേ​ഖ​ല​ക​ളി​ലേ​ക്കാ​ളും പൊ​തു​വേ ഭൂ​രി​പ​ക്ഷം കു​റ​വാ​യി​രു​ന്നു പൂ​ർ​വാ​ഞ്ച​ലി​ൽ. 2019ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ എ​സ്പി-​ബി​എ​സ്പി കൂ​ട്ടു​കെ​ട്ടു കു​റ​ച്ചെ​ങ്കി​ലും ഫ​ലി​ച്ച​തും ഇ​വി​ടെ​യാ​ണ്. സ്വാ​മി പ്ര​സാ​ദ് മൗ​ര്യ അ​ട​ക്ക​മു​ള്ള പ്ര​മു​ഖ നേ​താ​ക്ക​ൾ ബി​ജെ​പി വി​ട്ട് എ​സ്പി പ​ക്ഷ​ത്തേ​ക്കു മാ​റി​യ​തും ജ​ന​വി​ധി കൂ​ടു​ത​ൽ പ്ര​വ​ച​നാ​തീ​ത​മാ​ക്കി​യി​ട്ടു​ണ്ട്.

ധ്രു​വീ​ക​ര​ണം ഗ​തി നി​ർ​ണ​യി​ക്കും

ജാ​തി സ​മ​വാ​ക്യ​ങ്ങ​ളും മ​ത​പ​ര​മാ​യ ധ്രു​വീ​ക​ര​ണ​വു​മാ​ണ് യു​പി​യി​ലെ വോ​ട്ട​ർ​മാ​രെ ഇ​പ്പോ​ഴും കൂ​ടു​ത​ൽ സ്വാ​ധീ​നി​ക്കു​ക. ദ​ളി​ത് വി​ഭാ​ഗ​ങ്ങ​ളെ ഇ​ത്ത​വ​ണ​യും കൂ​ടെ നി​ർ​ത്താ​ൻ ബി​ജെ​പി​ക്കാ​യാ​ൽ ജ​യം അ​വ​ർ​ക്കാ​കും. മ​ണ്ഡ​ൽ രാ​ഷ്‌​ട്രീ​യ​ത്തി​ന്‍റെ ന​ല്ല​കാ​ല​ത്ത് ദ​ളി​ത് രാ​ഷ്‌​ട്രീ​യം മു​ത​ലാ​ക്കി​യ മാ​യാ​വ​തി​യും ബി​എ​സ്പി​യും ഇ​ത്ത​വ​ണ നി​റം മ​ങ്ങി. മാ​യാ​വ​തി സ​ഹാ​യി​ച്ചാ​ലും ഇ​ല്ലെ​ങ്കി​ലും ദ​ളി​ത് വോ​ട്ടു​ക​ളി​ൽ ഒ​രു ശ​ത​മാ​നം ബി​ജെ​പി​യെ തു​ണ​യ്ക്കാ​ൻ മോ​ദി​യു​ടെ രാ​ഷ്‌​ട്രീ​യ​ക്ക​ളി​ക​ൾ സ​ഹാ​യി​ച്ചു.

പി​ന്നാ​ക്ക വി​ഭാ​ഗ​ങ്ങ​ളു​ടെ പേ​രി​ലു​ള്ള ചെ​റു​പാ​ർ​ട്ടി​ക​ൾ​ക്കു വ​ലി​യ പ​ങ്കാ​ണ് ഇ​ത്ത​വ​ണ​ത്തെ വി​ജ​യി​ക​ളെ നി​ർ​ണ​യി​ക്കു​ന്ന​തി​ൽ ഉ​ണ്ടാ​വു​ക. ഏ​താ​നും വ​ർ​ഷം മു​ന്പു​വ​രെ കാ​ര്യ​മാ​യ സ്വാ​ധീ​നം ഇ​ല്ലാ​തി​രു​ന്ന പി​ന്നാ​ക്ക, അ​തീ​വ പി​ന്നാ​ക്ക വി​ഭാ​ഗ​ങ്ങ​ൾ ഇ​ത്ത​വ​ണ ബി​ജെ​പി, എ​സ്പി, കോ​ണ്‍​ഗ്ര​സ് പാ​ർ​ട്ടി​ക​ൾ​ക്ക് ഒ​രു​പോ​ലെ പ്ര​ധാ​ന​മാ​ണ്. ഭൂ​രി​പ​ക്ഷ, ന്യൂ​ന​പ​ക്ഷ വോ​ട്ടു​ക​ളു​ടെ ധ്രു​വീ​ക​ര​ണം​കൊ​ണ്ടു കാ​ര്യം നേ​ടു​ന്ന പ​തി​വാ​കി​ല്ല ഇ​ക്കു​റി.

ആ​ദ്യ ര​ണ്ടു ഘ​ട്ട​ങ്ങ​ളി​ൽ സ​മാ​ജ്‌​വാ​ദി പാ​ർ​ട്ടി​ക്കു മു​ൻ​തൂ​ക്കം കി​ട്ടി​യെ​ന്നാ​ണു പൊ​തു​വാ​യ വി​ല​യി​രു​ത്ത​ൽ. എ​ന്നാ​ൽ പി​ന്നീ​ടു​ള്ള മൂ​ന്നു ഘ​ട്ട​ങ്ങ​ളി​ൽ ബി​ജെ​പി മു​ൻ​കൈ തി​രി​കെ പി​ടി​ച്ചു. നോ​ക്കൗ​ട്ട് റൗ​ണ്ടു​ക​ളെ​ന്നു വി​ശേ​ഷി​പ്പി​ക്കാ​വു​ന്ന അ​വ​സാ​ന​ഘ​ട്ട​ത്തി​ൽ എ​സ്പി​യു​ടെ നേ​ട്ടം പ​ര​മാ​വ​ധി കു​റ​യ്ക്കാ​നാ​ണ് ബി​ജെ​പി​യു​ടെ ക​ടു​ത്ത പോ​രാ​ട്ടം.

ബ്രാ​ഹ്മ​ണ, പി​ന്നോ​ക്ക, ന്യൂ​ന​പ​ക്ഷ, ദ​ളി​ത് വോ​ട്ടു​ക​ൾ തി​രി​ച്ചു​പി​ടി​ച്ചു പി​ടി​ച്ചു​നി​ൽ​ക്കാ​നാ​ണ് യു​പി​യി​ലെ കോ​ണ്‍​ഗ്ര​സി​ന്‍റെ ശ്ര​മം. എ​ന്നാ​ൽ സ​മാ​ജ്‌​വാ​ദി പാ​ർ​ട്ടി​ക്കാ​കും ഭൂ​രി​പ​ക്ഷം മു​സ്‌​ലിം​ക​ളും ഇ​ത്ത​വ​ണ വോ​ട്ട് ചെ​യ്യു​ക​യെ​ന്നാ​ണു മു​സ്‌​ലിം നേ​താ​ക്ക​ൾ ന​ൽ​കി​യ സൂ​ച​ന.

കോ​ണ്‍​ഗ്ര​സി​ന്‍റെ റാ​ലി​ക​ളി​ലെ മു​സ്‌​ലിം വോ​ട്ട​ർ​മാ​രു​ടെ സാ​ന്നി​ധ്യം ത​ങ്ങ​ളു​ടെ തി​രി​ച്ചു​വ​ര​വി​ന്‍റെ സൂ​ച​ന​യാ​ണെ​ന്നു കോ​ണ്‍​ഗ്ര​സും ക​രു​തു​ന്നു. 403 അം​ഗ നി​യ​മ​സ​ഭ​യി​ൽ പ​ത്തി​ൽ താ​ഴെ സീ​റ്റു​ക​ളി​ൽ കോ​ണ്‍​ഗ്ര​സ് ഒ​തു​ങ്ങു​മെ​ന്നാ​ണു സ​ർ​വേ​ക​ളി​ലെ പ്ര​വ​ച​നം. എ​ങ്കി​ലും യു​പി​യി​ൽ തൂ​ക്കു​സ​ഭ വ​ന്നാ​ൽ എ​സ്പി​യെ തു​ണ​യ്ക്കു​മെ​ന്നാ​ണു കോ​ണ്‍​ഗ്ര​സ് പ​റ​യു​ന്ന​ത്.

പി​ന്നാ​ക്ക വോ​ട്ടു​ക​ൾ നി​ർ​ണാ​യ​കം

അ​തീ​വ പി​ന്നാ​ക്ക മേ​ഖ​ല​യി​ലെ മോ​സ്റ്റ് ബാ​ക്ക്‌​വേ​ർ​ഡ് ക​മ്യൂ​ണി​റ്റീ​സ് (എം​ബി​സി) വി​ഭാ​ഗ​ത്തി​ന്‍റെ നി​ല​പാ​ടാ​കും വി​ധി നി​ർ​ണ​യി​ക്കു​ക. ബി​എ​സ്പി​യി​ൽ നി​ന്നു വി​ഘ​ടി​ച്ചു പോ​യ നേ​താ​ക്ക​ളും ഗ്രൂ​പ്പു​ക​ളു​മാ​ണു ചെ​റു​പാ​ർ​ട്ടി​ക​ളു​ടെ പി​ന്നി​ൽ കൂ​ടു​ത​ലാ​യു​ള്ള​ത്. ബി​ജെ​പി​യും എ​സ്പി​യും ഈ ​വി​ഭാ​ഗ​ങ്ങ​ളെ പ്ര​തി​നി​ധീ​ക​രി​ക്കു​ന്ന ചെ​റു​പാ​ർ​ട്ടി​ക​ൾ​ക്ക് കൂ​ടു​ത​ൽ സീ​റ്റു ന​ൽ​കി​യ​തും വെ​റു​തെ​യ​ല്ല.

കേ​ന്ദ്ര​മ​ന്ത്രി അ​നു​പ്രി​യ പ​ട്ടേ​ലി​ന്‍റെ അ​പ്നാ ദ​ൾ പാ​ർ​ട്ടി​ക്ക് 2017ൽ 11 ​സീ​റ്റു​ക​ളാ​ണു ബി​ജെ​പി ന​ൽ​കി​യ​ത്. എ​ന്നാ​ൽ കു​ർ​മി പ​ട്ടേ​ലു​ക​ളു​ടെ ഈ ​പാ​ർ​ട്ടി പി​ള​ർ​ന്ന് ഒ​രു വി​ഭാ​ഗം എ​സ്പി​യോ​ടൊ​പ്പം പോ​യി​ട്ടും ഇ​ത്ത​വ​ണ അ​പ്നാ ദ​ളി​ന് ബി​ജെ​പി 17 സീ​റ്റു​ക​ൾ ന​ൽ​കി. അ​നു​പ്രി​യ​യു​ടെ അ​മ്മ കൃ​ഷ്ണ സിം​ഗി​ന്‍റെ നേ​തൃ​ത്വ​ത്തി​ലു​ള്ള അ​പ്നാ ദ​ളി​ന് എ​സ്പി ആ​റ് സീ​റ്റു​ക​ളും ന​ൽ​കി. ചു​രു​ക്ക​ത്തി​ൽ ക​ഴി​ഞ്ഞ ത​വ​ണ 11 സീ​റ്റി​ൽ മ​ത്സ​രി​ച്ച പാ​ർ​ട്ടി​ക്ക് ഇ​ക്കു​റി ര​ണ്ടു മു​ന്ന​ണി​ക​ളു​മാ​യി ഇ​ര​ട്ടി​യി​ലേ​റെ (23 സീ​റ്റ്) ആ​ണ് കി​ട്ടി​യ​ത്.

2017ൽ ​ബി​ജെ​പി സ​ഖ്യ​ത്തി​ലാ​യി​രു​ന്ന ഓം ​പ്ര​കാ​ശ് രാ​ജ്ബ​റി​ന്‍റെ സു​ഖ്ദേ​വ് ഭാ​ര​തീ​യ സ​മാ​ജ് പാ​ർ​ട്ടി ഇ​ത്ത​വ​ണ എ​സ്പി പ​ക്ഷ​ത്തേ​ക്കു മാ​റി. ബി​ജെ​പി സ​ഖ്യ​ത്തി​ൽ എ​ട്ടു സീ​റ്റു കി​ട്ടി​യ പാ​ർ​ട്ടി​ക്ക് ഇ​ത്ത​വ​ണ എ​സ്പി 18 സീ​റ്റു​ക​ൾ ന​ൽ​കു​ക​യും ചെ​യ്തു. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ഒ​റ്റ​യ്ക്കു മ​ത്സ​രി​ച്ച നി​ഷാ​ദ് വി​ഭാ​ഗ​ക്കാ​രു​ടെ നേ​താ​വാ​യ സ​ഞ്ജ​യ് നി​ഷാ​ദ് സ്ഥാ​പി​ച്ച നി​ഷാ​ദ് പാ​ർ​ട്ടി​യെ ബി​ജെ​പി സ​ഖ്യ​ത്തി​ലെ​ടു​ത്തി​ട്ടു​ണ്ട്. ക​ഴി​ഞ്ഞ ത​വ​ണ ഒ​രു സീ​റ്റ് ജ​യി​ച്ച പാ​ർ​ട്ടി​ക്ക് പ​ല മ​ണ്ഡ​ല​ങ്ങ​ളി​ലും നി​ർ​ണാ​യ​ക വോ​ട്ടു നേ​ടാ​നാ​യി​രു​ന്നു. എ​സ്പി സ​ഖ്യ​ത്തി​ലു​ള്ള രാ​ഷ്‌​ട്രീ​യ ലോ​ക്ദ​ളി​നും പ​ല മ​ണ്ഡ​ല​ങ്ങ​ളി​ലും സ്വാ​ധീ​നം ചെ​ലു​ത്താ​നാ​കും.

ഭ​ര​ണ​പ്ര​തീ​ക്ഷ പ്ര​വ​ച​നാ​തീ​തം

ജാ​തി, മ​ത സ​മ​വാ​ക്യ​ങ്ങ​ൾ മു​ഖ്യ​മാ​യും വി​ധി നി​ർ​ണ​യി​ക്കു​ന്ന യു​പി​യി​ൽ ആ​ർ​എ​സ്എ​സും സം​ഘ​പ​രി​വാ​ർ സം​ഘ​ട​ന​ക​ളും ഒ​രോ മ​ണ്ഡ​ല​ത്തി​ലും ന​ട​ത്തു​ന്ന തീ​വ്ര​പ്ര​ചാ​ര​ണം ബി​ജെ​പി​ക്കു ക​രു​ത്തേ​കും. രാ​ജ്യ​ത്തി​ന്‍റെ അ​ഭി​മാ​ന​ത്തി​ന് എ​ന്‍റെ വോ​ട്ട്, യു​പി​യു​ടെ ക്ഷേ​മ​ത്തി​ന് എ​ന്‍റെ വോ​ട്ട് എ​ന്നെ​ഴു​തി​യ നോ​ട്ടീ​സു​ക​ൾ സം​ഘ​പ​രി​വാ​റു​കാ​ർ വീ​ടു​ക​ളി​ലെ​ത്തി​ക്കു​ന്നു​ണ്ട്

. അ​യോ​ധ്യ​യി​ൽ രാ​മ​ക്ഷേ​ത്രം പ​ണി​യാ​ൻ സ​ഹാ​യി​ച്ച​വ​ർ​ക്കാ​ണോ, അ​തോ രാ​മ​ക്ഷേ​ത്ര നി​ർ​മാ​ണ​ത്തി​നു പാ​ര​വ​യ്ക്കാ​നും മ​സ്ജി​ദോ, ആ​ശു​പ​ത്രി​യോ അ​വി​ടെ നി​ർ​മി​ക്ക​ണ​മെ​ന്നു വാ​ദി​ച്ച​വ​ർ​ക്കും ആ​ണോ വോ​ട്ട് ചെ​യ്യേ​ണ്ട​തെ​ന്ന് ആ​ലോ​ചി​ക്കാ​നും ആ​ർ​എ​സ്എ​സ് പ്ര​ചാ​ര​ക​ർ ആ​വ​ശ്യ​പ്പെ​ടു​ന്നു.

വി​ക​സ​ന​ത്തെ​ക്കു​റി​ച്ചു നേ​താ​ക്ക​ൾ പ​റ​യു​മെ​ങ്കി​ലും രാ​മ​ക്ഷേ​ത്ര​വും പൗ​ര​ത്വ, മു​ത്ത​ലാ​ക്ക് നി​യ​മ​ങ്ങ​ളും ജാ​തി, മ​ത, വ​ർ​ഗീ​യ ക​ളി​ക​ളു​മാ​കും യു​പി​യി​ലെ ജ​ന​വി​ധി നി​ർ​ണ​യി​ക്കു​ക. അ​ടി​യൊ​ഴു​ക്കു​ക​ൾ പ​ല​തു​മു​ണ്ട്. കേ​ന്ദ്ര​ത്തി​ലെ ഭ​ര​ണ​ത്തു​ട​ർ​ച്ച​യ്ക്കും യു​പി​യി​ൽ ബി​ജെ​പി​ക്കു ജ​യ​ത്തി​ൽ കു​റ​ഞ്ഞ​തൊ​ന്നും പ​റ്റി​ല്ല.

ബി​ജെ​പി​യു​ടെ തോ​ൽ​വി ഉ​റ​പ്പാ​ക്കാ​തെ എ​സ്പി, കോ​ണ്‍​ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ​ത്തി​നും നി​ല​നി​ൽ​പി​ല്ല. തി​ങ്ക​ളാ​ഴ്ച വോ​ട്ടെ​ടു​പ്പു ന​ട​ക്കു​ന്ന ഏ​ഴാം ഘ​ട്ട​ത്തി​ലെ ജ​ന​വി​ധി​യാ​കും ആ​രു യു​പി ഭ​രി​ക്കു​മെ​ന്ന​തി​ൽ നി​ർ​ണാ​യ​കം. സീ​റ്റു​ക​ൾ കു​റ​ഞ്ഞാ​ലും ഭ​ര​ണ​ത്തു​ട​ർ​ച്ച നേ​ടാ​മെ​ന്നു ബി​ജെ​പി പ്ര​തീ​ക്ഷ​യി​ലാ​ണെ​ങ്കി​ലും എ​സ്പി​യെ എ​ഴു​തി​ത്ത​ള്ളാ​നാ​കി​ല്ല.