മതഗ്രന്ഥങ്ങളില്‍ സകല്‍ഗുന്നിധന്‍ എന്നറിയപ്പെടുന്ന ഭഗവാന്‍ ഹനുമാന്‍; രാജ്യത്തെ പ്രധാന ഹനുമാന്‍ ക്ഷേത്രങ്ങള്‍ ഇവയാണ്

ബലം, ശക്തി, ഊര്‍ജം, ജ്ഞാനം, സേവനം, ദൈവത്തോടുള്ള ഭക്തി എന്നിവയുടെ ആദര്‍ശമായി ഭഗവാന്‍ ഹനുമാന്‍ കണക്കാക്കപ്പെടുന്നു. അതുകൊണ്ടാണ് മതഗ്രന്ഥങ്ങളില്‍ അവനെ സകല്‍ഗുന്നിധന്‍ എന്നും വിളിക്കുന്നത്. ലളിതമായി പറഞ്ഞാല്‍, ഭഗവാന്‍ ഹനുമാന്‍ അനശ്വരനാണ്. രാജ്യത്തെ പ്രധാന ഹനുമാന്‍ ക്ഷേത്രങ്ങളെക്കുറിച്ച് അറിയാം.. 

ഹിമാചല്‍ പ്രദേശിലെ ജാഖൂ ക്ഷേത്രം

സമുദ്രനിരപ്പില്‍ നിന്നും 8,100 അടി ഉയരത്തിലാണ് ജാഖൂ ക്ഷേത്രം സ്ഥിതി ചെയ്യുന്നത്. വാനര ദേവനായ ഹനുമാനാണ് ഇവിടുത്തെ പ്രതിഷ്ഠ. 108 അടി ഉയരത്തിലുള്ള വലിയ ഹനുമാന്‍ പ്രതിമയും ഇവിടുണ്ട്.

വാരാണസിയിലെ സങ്കട് മോചന ഹനുമാന്‍ ക്ഷേത്രം

അസ്സി നദിക്കരയിലാണ് സങ്കട് മോചന ഹനുമാന്‍ ക്ഷേത്രം സ്ഥിതി ചെയ്യുന്നത്. രാജ്യത്തെ ഏറ്റവും വലിയ ഹനുമാന്‍ മന്ദിരമായാണ് ക്ഷേത്രം അറിയപ്പെടുന്നത്. വര്‍ഷം തോറും പതിനായിരക്കണക്കിന് ഭക്തരാണ് ഇവിടെയത്തുന്നത്.

ജാംനഗറിലെ ഹനുമാന്‍ ക്ഷേത്രം

ബാല ഹനുമാന്‍ ക്ഷേത്രമാണ് ജാംനഗറിലുള്ളത്. കൂടാതെ നിരവധി ജൈന ക്ഷേത്രങ്ങളും സിദ്ധനാഥ് മഹാദേവ് ക്ഷേത്രവും ഇവിടെ സ്ഥിതി ചെയ്യുന്നുണ്ട്.

ഡല്‍ഹിയിലെ ഹനുമാന്‍ ക്ഷേത്രം

രാജ്യത്തെ ചരിത്ര പ്രസിദ്ധമായ ക്ഷേത്രങ്ങളില്‍ ഒന്നാണ് കൊണാട്ട് പ്ലേസിലെ ഹനുമാന്‍ ക്ഷേത്രം. മഹാഭാരതത്തില്‍ പരാമര്‍ശിച്ചിരിക്കുന്ന അഞ്ച് ചരിത്ര പ്രസിദ്ധമായ ക്ഷേത്രങ്ങളില്‍ ഒന്നാണിത്.