26
Saturday November 2022

രാഷ്ട്രത്തെ സംബന്ധിക്കുന്ന എല്ലാം രാഷ്ട്രീയക്കാരുടെ പരിഗണനാ വിഷയം ആണ്; അതിന് കാലദേശ വ്യത്യാസങ്ങളില്ല; ഈ നിർവചനം അക്ഷരംപ്രതി ജീവിതമൂല്യമാക്കിയ നേതാവാണ് രമേശ് ചെന്നിത്തല; രാഷ്ട്രീയകേരളം ചെന്നിത്തലയോട് മാപ്പ് പറയേണ്ടതുണ്ട്; കെപിസിസി ജനറല്‍ സെക്രട്ടറി എംഎം നസീറിന്റെ ഫെയ്‌സ്ബുക്ക് പോസ്റ്റ്‌

ന്യൂസ് ബ്യൂറോ, തിരുവനന്തപുരം
Tuesday, July 14, 2020

തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയെ പിന്തുണച്ച് കെപിസിസി ജനറല്‍ സെക്രട്ടറി എംഎം നസീറിന്റെ ഫെയ്‌സ്ബുക്ക് കുറിച്ച് ശ്രദ്ധേയമാകുന്നു. കേരള രാഷ്ട്രീയത്തില്‍ ഇത്രയധികം വ്യക്തിഹത്യയും ആക്രമണവും നേരിട്ട മറ്റൊരു രാഷ്ട്രീയ നേതാവോ പ്രതിപക്ഷ നേതാവോ ഇല്ലെന്നാണ് നസീര്‍ കുറിച്ചിരിക്കുന്നത്.

കുറിപ്പ് വായിക്കാം…

രാഷ്ട്രീയകേരളം ചെന്നിത്തലയോട് മാപ്പ് പറയേണ്ടതുണ്ട്.

കേരള രാഷ്ട്രീയത്തിൽ ഇത്രയധികം വ്യക്തിഹത്യയും ആക്രമണവും നേരിട്ട മറ്റൊരു രാഷ്ട്രീയ നേതാവോ, പ്രതിപക്ഷനേതാവോ ഇല്ല എന്ന് തന്നെ പറയാം. രാഷ്ട്രീയം എന്ന വാക്കിന്റെ അർത്ഥം രാഷ്ട്രത്തെ സംബന്ധിച്ചത് എന്നാണ്. അതായത് രാഷ്ട്രത്തെ സംബന്ധിക്കുന്ന എല്ലാം രാഷ്ട്രീയക്കാരുടെ പരിഗണനാ വിഷയം ആണ്. അതിന് കാലദേശ വ്യത്യാസങ്ങളില്ല. ഈ നിർവചനം അക്ഷരംപ്രതി ജീവിതമൂല്യമാക്കിയ നേതാവാണ് ശ്രീ രമേശ് ചെന്നിത്തല.

വ്യക്തവും, സൂക്ഷ്മവും, വസ്തുനിഷ്ഠവുമായ ആരോപണങ്ങളിലൂടെ ക്രിയാത്മക പ്രതിപക്ഷം എന്നതിന്റെ പര്യായമായി കോൺഗ്രസ് പാർട്ടിയെ മാറ്റുന്നതിൽ കഴിഞ്ഞ നാലു വർഷക്കാലം അദ്ദേഹം വഹിച്ച പങ്ക് നിസ്തുലമാണ്. കൊറോണ കാലത്ത് രാഷ്ട്രീയം പറയുന്നു എന്നു കുറ്റപ്പെടുത്തി അദ്ദേഹത്തെ നിശബ്ദനാക്കിക്കൊണ്ട്, കേരള സംസ്ഥാനത്തെ അഴിമതിയുടെയും കള്ളക്കടത്തിന്റെയും, സ്വജനപക്ഷപാതത്തി ന്റെയും കൂത്തരങ്ങാക്കി മാറ്റുകയായിരുന്നു ശ്രീ.പിണറായി വിജയൻ.

എന്നാൽ ഇത്തരം ദുരാരോപണങ്ങളിൽ മനം മടുക്കാതെ തന്റെ കർമ്മപഥത്തിൽ തുടരാൻ അദ്ദേഹം കാണിച്ച ആർജ്ജവവും, ഉയർത്തിപ്പിടിച്ച രാഷ്ട്രീയം മൂല്യങ്ങളും, ആദർശങ്ങളുമാണ് കേരളത്തിലെ ജനങ്ങൾക്ക് വൈകിയെങ്കിലും സർക്കാരിന്റെ തനിനിറം മനസ്സിലാക്കുവാൻ സഹായകമായി തീർന്നത്.

ഘടകകക്ഷിയായ സിപിഐയും, സിപിഎമ്മിലെ തന്നെ മുതിർന്ന നേതാക്കളായ എം എ ബേബിയെ പോലുള്ള വരും രമേശ് ചെന്നിത്തല മുന്നോട്ടുവെച്ച ആരോപണങ്ങളെ ശരിവയ്ക്കുന്ന കാഴ്ചയാണ് കഴിഞ്ഞ ദിവസങ്ങളിൽ രാഷ്ട്രീയ കേരളം കണ്ടത്. ഒടുവിൽ രമേശ് ചെന്നിത്തല ഉന്നയിച്ച ഏറ്റവും ഗുരുതരമായ ആരോപണങ്ങളിൽ ഒന്നായിരുന്നു പ്രൈസ് വാട്ടർ ഹൗസ് കൂപ്പർ എന്ന കൺസൾട്ടൻസി കമ്പനിയുമായി ചേർന്നിട്ടുള്ള അഴിമതിയും തെറ്റായ നിയമനങ്ങളും.

കൊറോണ കാലത്ത് കഴമ്പില്ലാത്ത ആരോപണമുന്നയിച്ചു പ്രതിപക്ഷനേതാവ് രാഷ്ട്രീയം കളിക്കുകയാണ് എന്ന് ആക്ഷേപിച്ച മുഖ്യമന്ത്രിതന്നെ പിഡബ്ല്യുഡി മായുള്ള കരാർ റദ്ദാക്കാൻ തീരുമാനിക്കുകയും, അവർക്കെതിരെ അന്വേഷണം പ്രഖ്യാപിക്കുകയും ചെയ്തു എന്നുള്ളതാണ് ഇന്നത്തെ യാഥാർത്ഥ്യം. ഇത് ആദ്യത്തെ സംഭവമല്ല എന്നുകൂടി കേരളീയ പൊതുസമൂഹം ഓർമിക്കേണ്ടതുണ്ട് ക്കേണ്ടതുണ്ട്.

ഇ പി ജയരാജൻ ഉൾപ്പെട്ട ബന്ധുനിയമന വിവാദം മുതൽ തുടങ്ങിയതാണ് പ്രതിപക്ഷ നേതാവിനെ ഇടപെടൽ മൂലം ഉള്ള ഇത്തരം തിരുത്തലുകൾ. സ്പ്രിംഗ്ളര് ഇടപാടിലെ അഴിമതി പൊതു ജനസാമാന്യത്തിന് മനസ്സിലാക്കാൻ സാധിക്കുന്നതിനെക്കാൾ സാങ്കേതികം ആയിരുന്നിട്ടും, അതിന്റെ പേരിൽ തനിക്ക് വ്യക്തിപരമായ ആക്ഷേപങ്ങൾ നേരിടേണ്ടിവരുമെന്ന് തിരിച്ചറിവുണ്ടായിരുന്നിട്ടും, അവയൊന്നും വകവയ്ക്കാതെ അദ്ദേഹം കൈക്കൊണ്ട ഉറച്ച നിലപാടിന്റെ ഗുണഭോക്താക്കളാണ് ഓരോ മലയാളിയും.

തീർത്തും സ്വകാര്യമായിരിക്കേണ്ട നമ്മുടെ ആരോഗ്യ വിവരങ്ങൾ സർക്കാരിന്റെ കീഴിൽ തന്നെ സർവറുകളിൽ സൂക്ഷിക്കേണ്ടി വന്നത് അദ്ദേഹത്തിന്റെ ശക്തമായ ഇടപെടലുകളും, നിയമപോരാട്ടവും മൂലമാണ്. ഇവിടെ എല്ലാം തെറ്റുപറ്റിയത് പ്രതിപക്ഷത്തിന് ആണ് എന്ന വ്യാജ പൊതുബോധം നിർമ്മിക്കുന്നതിൽ കമ്മ്യൂണിസ്റ്റ് പാർട്ടിയും അവർ കോടികൾ മുടക്കി നടത്തുന്ന പി ആർ ഏജൻസികളും വലിയൊരളവിൽ വിജയിച്ചു എന്നതൊഴിച്ചാൽ കേരളത്തിലെ ഏറ്റവും കാര്യക്ഷമമായി പ്രവർത്തിച്ച പ്രതിപക്ഷനേതാവ് അദ്ദേഹമാണ് എന്നുള്ളത് നിസ്തർക്കമാണ്.

വികലമായ മദ്യ നയം കൊണ്ട് കേരളത്തെ മദ്യപാനികളുടെ പറുദീസയായി മാറ്റാനാണ് മദ്യവർജ്ജനത്തിന്റ പേരിൽ അധികാരത്തിലേറിയ പിണറായി സർക്കാർ തുടക്കം മുതൽ ശ്രമിക്കുന്നത്. അതിന്റെ ഏറ്റവും ഭീകരമായ പരിണാമമായിരുന്നു കേരളത്തിൽ ബ്രൂവറികൾ അനുവദിക്കാനുള്ള തീരുമാനം.ശ്രീ ചെന്നിത്തല നടത്തിയ ശക്തമായ ഇടപെടലുകൾ ഇല്ലായിരുന്നെങ്കിൽ കേരളത്തിൽ മദ്യ പുഴയൊഴുകുമായിരുന്നു.

കൊറോണ കാലത്ത് മദ്യം വിൽക്കാൻ തയ്യാറാക്കിയ ആപ്പിലെ അഴിമതി തൊട്ട്, ഐടി സെക്രട്ടറി ശിവശങ്കരന്റെ തനിനിറവും കേരളീയ പൊതു സമൂഹത്തിനു മുന്നിൽ തുറന്ന് കാട്ടിയത് രമേശ് ചെന്നിത്തല ഉന്നയിച്ച ആരോപണങ്ങലാണ്.

അഴിമതിയ്ക്കും, സ്വജനപക്ഷപാതത്തിനും മാത്രമല്ല കള്ളക്കടത്തിന് പോലും ഒത്താശ ചെയ്യുന്ന നിലയിലേക്ക് മുഖ്യമന്ത്രിയുടെ ഓഫീസ് തരംതാണു എന്നത് തെളിവ് സഹിതം പുറത്തു വരുമ്പോൾ രാഷ്ട്രീയ കേരളത്തിന് ഇത് പശ്ചാത്തപിക്കാൻ ഉള്ള അവസരം കൂടിയാണ്.

ഉത്തരവാദിത്ത സർക്കാരിനും, പൊതുജന നന്മയ്ക്കുവേണ്ടി അഹോരാത്രം ജോലിചെയ്ത രമേശ് ചെന്നിത്തല എന്ന പ്രതിപക്ഷ നേതാവിനെ തിരിച്ചറിയാൻ വൈകിയതിനു നാം ഖേദിക്കേണ്ടിയിരിക്കുന്നു.

ആരോപണ – പ്രത്യാരോപണങ്ങളും, ശബ്ദകോലാഹലങ്ങളും അല്ല സൂക്ഷ്മവും, വസ്തുനിഷ്ഠവുമായ ഇടപെടലുകളിലൂടെ ഭരണപക്ഷത്തെ തിരുത്തുന്നതാണ് യഥാർത്ഥ പ്രതിപക്ഷത്തിന്റെ ചുമതല എന്ന് തന്റെ രാഷ്ട്രീയ പ്രവർത്തനത്തിലൂടെ അദ്ദേഹം കേരളത്തിന്റെ രാഷ്ട്രീയ മനസ്സാക്ഷിക്കു മുന്നിൽ പറഞ്ഞു വെച്ചിരിക്കുന്നു.

Related Posts

More News

കൊച്ചി: വിഴിഞ്ഞം തുറമുഖ നി‌ർമ്മാണത്തിന് പാറയെത്തിയ ലോറികളെല്ലാം തകർത്ത് വൻ സംഘർഷമാണ് വിഴിഞ്ഞത്ത് തുടരുന്നത്. വിഴിഞ്ഞം തുറമുഖ നിർമ്മാണ പ്രദേശത്തേക്കുള്ള ഹെവി വാഹനങ്ങൾ കടന്നു പോകുന്നതു തടയില്ലെന്ന് സമരക്കാർ ഹൈക്കോടതിയിൽ ഉറപ്പു നൽകിയതിനു പിന്നാലെയാണ് ഇന്ന് രാവിലെ ലോറികൾ തടഞ്ഞിടുകയും തിരിച്ച് അയയ്ക്കുകയും ചെയ്തത്. വിഴിഞ്ഞം തുറമുഖ നിർമ്മാണത്തിന് മതിയായ സംരക്ഷണം തേടി അദാനി ഗ്രൂപ്പും നിർമ്മാണ കരാർ കമ്പനിയായ ഹോവെ എൻജിനീയറിംഗ് കമ്പനിയും നൽകിയ ഹർജികൾ ഹൈക്കോടതി നവംബർ 28 നു പരിഗണിക്കാനിരിക്കുകയാണ്. ക്രമസമാധാനം ഉറപ്പാക്കാനും […]

കണ്ണൂര്‍ : തലശ്ശേരിയെ നടുക്കിയ ഇരട്ട കൊലപാതകത്തിലേക്ക് നയിച്ചത് ലഹരി വിൽപന ചോദ്യം ചെയ്തതതിലുള്ള പ്രതികാരവും പൊലീസ് പരിശോധനയിലെ സംശയവുമെന്ന് റിമാന്റ് റിപ്പോർട്ട്. കേസിലെ രണ്ടാം പ്രതി ജാക്സന്റെ വാഹനത്തിൽ കഞ്ചാവുണ്ടെന്ന സംശയത്തിൽ പൊലീസ് നേരത്തെ പരിശോധന നടത്തിയിരുന്നു. കൊല്ലപ്പെട്ട ഷമീറിന്റെ മകൻ ഷാബിലാണ് ഈ വിവരം പൊലീസിന് കൈമാറിയതെന്ന് കരുതിയായിരുന്നു ആക്രമണമെന്നും റിമാന്റ് റിപ്പോർട്ടിലുണ്ട്. കൊലപാതകത്തിന് മറ്റു കാരണങ്ങൾ ഉണ്ടോയെന്ന് പരിശോധിച്ചു വരികയാണെന്നും പൊലീസ് റിപ്പോട്ടിൽ വിശദീകരിക്കുന്നു. തലശ്ശേരി ഇരട്ടക്കൊലപാതകത്തിലെ ഏഴ് പ്രതികളയും തലശ്ശേരി സെഷൻസ് […]

തിരുവനന്തപുരം : മലപ്പുറത്ത് അഞ്ചാംപനി വ്യാപകമായകിന് പിന്നിൽ വാക്‌സിനോടുള്ള വിമുഖതയെന്ന് ആരോഗ്യവകുപ്പിന്റെ വിലയിരുത്തൽ. 130 പേർക്കാണ് ഇതിനോടകം രോഗം സ്ഥിരീകരിച്ചത്. ഇതിൽ ചുരുക്കം പേർമാത്രമാണ് വാക്‌സിൻ എടുത്തിട്ടുള്ളത്. അവരിൽ നേരിയ ലക്ഷണങ്ങൾ മാത്രമാണ് ഉണ്ടായത്. രോഗം വ്യാപകമായതിന്റെ ഫലമായി വാക്‌സിനെടുത്തവർക്കും വൈറസ് ബാധയുണ്ടായെങ്കിലും അത് അപകടകരമായില്ല. ഈ സാഹചര്യത്തിൽ വാക്‌സിനോടുള്ള വിമുഖത പാടില്ലെന്നും കുട്ടികൾക്ക് വാക്‌സിൻ എടുത്തിട്ടുണ്ടെന്ന് എല്ലാവരും ഉറപ്പാക്കണമെന്നും ആരോഗ്യവകുപ്പ് അറിയിച്ചു. വാക്‌സിനേഷൻ വിമുഖതയകറ്റാൻ പ്രത്യേക കാമ്പെയിൻ ജില്ലയിൽ ആരംഭിക്കുമെന്നും ആശങ്കപ്പെടേണ്ടതില്ലെന്നും മന്ത്രി വീണാ ജോർജ് […]

കോഴിക്കോട്:  ഉണ്ണികുളം സ്വദേശി പി.കെ. സത്യൻ ചികിത്സാ സഹായ ഫണ്ടിലേക്ക് കേരള ഗാലക്സി വേൾഡ് ഗ്രൂപ്പ് സമാഹരിച്ച ധനസഹായം കേരള ഗാലക്സി ഗ്രൂപ്പ് എക്സിക്യുട്ടീവ് മെമ്പർമാരായ സത്യൻ പേരാമ്പ്രയും, സത്താർ ബാലുശ്ശേരിയും, അജന്യ വിജയനും ചേർന്ന് അദ്ദേഹത്തിൻ്റെ കുടുംബത്തിന് കൈമാറി. ഫണ്ട് സമാഹരണത്തിന് സഹകരിച്ച എല്ലാമെമ്പർ മാർക്കും കേരള ഗാലക്സി വേൾഡ് ഗ്രൂപ്പിൻ്റെ നന്ദി അറിയിക്കുന്നു. ഫണ്ട് സമാഹരണത്തിന് മുൻകൈയ്യെടുത്ത് പ്രവർത്തിച്ച കോർഡിനേറ്റർ വിനോദ് അരൂർ, എക്സിക്യുട്ടീവ് മെമ്പർമാരായ തുളസീദാസ് ചെക്യാട്, മഹേഷ് ടുബ്ലി, വിനോജ് ഉമ്മൽ […]

ഖത്തർ : ലോക ഫുട്‌ബോളിന്റെ മിശിഹയായ മെസിയ്ക്ക് ഖത്തറിന്റെ മണ്ണിൽ കാലിടറിയത് ഇനിയും ആരാധകർക്ക് വിശ്വസിക്കാനായിട്ടില്ല. അതുകൊണ്ട് തന്നെ രണ്ടാം മത്സരത്തിന് ബൂട്ട് കെട്ടുന്ന അർജന്റീന താരങ്ങൾക്കുള്ള സമ്മർദ്ദം ചെറുതല്ല. ആദ്യ മത്സരത്തിൽ സൗദി അറേബ്യയോട് ഞെട്ടിക്കുന്ന തോൽവിയായിരുന്നു അർജന്റീനയ്ക്ക്. ഇന്ന് നടക്കുന്ന ജീവൻമരണ പോരാട്ടത്തിൽ മെക്സിക്കോയെ നേരിടും. ഇന്ത്യൻ സമയം രാത്രി 12.30 മുതൽ ലുസെയിൽ സ്റ്റേഡിയത്തിലാണ് മത്സരം. അർജന്റീനയെ വീഴ്ത്തിയ കരുത്തുമായി സൗദി ഗ്രൂപ്പ് സിയിൽ തങ്ങളുടെ രണ്ടാം മത്സരത്തിൽ പോളണ്ടിനെ നേരിടും. ഇന്ത്യൻ […]

വിജയ് സേതുപതി നായകനാകുന്ന പൊൻറാം സംവിധാനം ചെയ്യുന്ന ചിത്രമാണ് ‘ഡിഎസ്‍പി’. പൊൻറാം തന്നെയാണ് ചിത്രത്തിന്റെ തിരക്കഥ എഴുതുന്നത്. ‘ഡിഎസ്‍പി’ എന്ന ചിത്രത്തിന്റ ട്രെയിലര്‍ പുറത്തുവിട്ടു. യുഎ സര്‍ട്ടിഫിക്കറ്റാണ് ചിത്രത്തിന് ലഭിച്ചിരിക്കുന്നത്. അനുകീര്‍ത്തി വാസ് ആണ് ചിത്രത്തിലെ നായിക. ദിനേഷ് കൃഷ്‍ണനും വെങ്കടേഷും ആണ് ഛായാഗ്രാഹണം നിര്‍വഹിക്കുന്നത്. സംഗീത സംവിധാനം ഡി ഇമ്മനാണ്. വിവേക് ഹര്‍ഷൻ ചിത്രസംയോജനം നിര്‍വഹിച്ചിരിക്കുന്നു. കാര്‍ത്തിക് സുബ്ബരാജ് ആണ് ചിത്രം നിര്‍മിക്കുന്നത്. സ്റ്റോണ്‍ ബെഞ്ച് ഫിലിംസിന്റെ ബാനറില്‍ നിര്‍മിക്കുന്ന ചിത്രം ഡിസംബര്‍ രണ്ടിനാണ് തിയറ്റര്‍ […]

ന്യൂഡൽഹി: കൊടിയിലും പേരിലും മതങ്ങളുടെ ചിഹ്നവും പേരും ഉപയോഗിക്കുന്ന രാഷ്ട്രീയ പാർട്ടികളെ നിരോധിക്കണമെന്നാവശ്യപ്പെട്ട് സയ്യിദ് വാസിം റിസ്വി നൽകിയ പൊതുതാല്പര്യ ഹർജിയിൽ മുസ്ലിം ലീഗിനെ കക്ഷി ചേർക്കാൻ സുപ്രീം കോടതി അനുമതി നൽകിയതോടെ യു.ഡി.എഫിലെ പ്രമുഖ കക്ഷിയായ ലീഗ് അംഗീകാരം നഷ്ടപ്പെടുമെന്ന ഭീതിയിലാണ്. പാർട്ടിയുടെ പേരുമാറ്റാനുള്ള ചർച്ചകൾ ലീഗിൽ സജീവമായിട്ടുണ്ട്. ഹർജിയിൽ മറുപടി നൽകാൻ സുപ്രീം കോടതി മൂന്നാഴ്ച്ച സമയം നൽകിയിരിക്കുകയാണ്. വിദ്വേഷ പ്രസംഗ കേസിലെ പ്രതിയാണ് ഹർജി നൽകിയതെന്നും അതിനാൽ ഹർജി അനുവദിക്കരുതെന്നും മുസ്ലിം ലീഗിന് […]

ഡല്‍ഹി: രാജ്യത്തിന്റെ ശക്തി ഭരണഘടനയെന്ന് പ്രധാനമന്ത്രി നരേന്ദ്രമോദി. ഭരണഘടന ദിനത്തിൽ സുപ്രീംകോടതിയിൽ ഇ കോടതി പദ്ധതി ഉദ്ഘാടനം ചെയ്ത സംസാരിക്കുകയായിരുന്നു പ്രധാനമന്ത്രി. കോടതികൾ ജനങ്ങളിലേക്ക് എത്തുകയാണ് പ്രധാനമെന്ന് ചീഫ് ജസ്റ്റിസ് ഡി വൈ ചന്ദ്രചൂഡ് പറഞ്ഞു. ഭരണഘടന ദിനത്തിൽ മുംബൈ ഭീകരാക്രമണം അനുസ്മരിച്ചായിരുന്നു പ്രധാനമന്ത്രിയുടെ പ്രസംഗം. ഇന്ത്യയുടെ വളർച്ചയെ ലോകം ആകാംക്ഷയോടെ നോക്കുകയാണെന്നും രാജ്യത്തിന്റെ ഏറ്റവും വലിയ ശക്തിയാണ് ഭരണഘടനയെന്നും പ്രധാനമന്ത്രി പറഞ്ഞു.

തിരുവനന്തപുരം : സംസ്ഥാന രാഷ്ട്രീയത്തിൽ ചുവടുറപ്പിക്കാൻ ശ്രമിക്കുന്ന ശശി തരൂരിനെ പാർട്ടി അച്ചടക്കം ഓർമ്മിപ്പിച്ച് നിയന്ത്രിക്കാൻ കോൺഗ്രസ് സംസ്ഥാന നേതൃത്വം. പാർട്ടി അച്ചടക്ക സമിതിയെ മുൻനിർത്തിയാണ് തരൂരിൻെറ ഒറ്റയാൻ നീക്കങ്ങൾക്ക് തടയിടാൻ നേതൃത്വം ശ്രമിക്കുന്നത്. ഇതിൻെറ ചുവട് പിടിച്ചാണ് പാർട്ടിയുടെ സംവിധാനങ്ങൾക്കും രീതിക്കും വിധേയമായിവേണം പ്രവർത്തിക്കാനെന്ന് ആവശ്യപ്പെട്ട് ശശിതരൂരിന് കത്ത് നൽകാൻ അച്ചടക്ക സമിതി ശുപാർശ ചെയ്തത്. പരിപാടികൾക്ക് പോകുന്നതിൽ നിന്നോ ക്ഷണം സ്വീകരിക്കുന്നതിൽ നിന്നോ തരൂരിനെ വിലക്കാൻ സംസ്ഥാന കോൺഗ്രസ് നേതൃത്വത്തിന് ഉദ്ദേശമില്ല. അത്തരം നടപടികൾ […]

error: Content is protected !!