മലയാളികളുടെ പ്രിയ താരം ഷംന കാസിം അമ്മയായി. ആൺ കുഞ്ഞിനാണ് ഷംന ജന്മം നൽകിയത്. കഴിഞ്ഞ ദിവസം ദുബായിലെ ആശുപത്രിയിൽ ഷംനയെ പ്രവേശിപ്പിച്ചിരുന്നു.
ചൊവ്വാഴ്ച രാവിലെയോടെ താരം കുഞ്ഞിന് ജന്മം നൽകുകയും ചെയ്തു. കഴിഞ്ഞ വർഷം ഡിസംബർ 31ന് ആയിരുന്നു താൻ അമ്മയാകാൻ പോകുന്ന വിവരം ഷംന അറിയിച്ചത്.
ഏഴാം മാസത്തിൽ നടത്തുന്ന ബേബി ഷവറിൻറെ ചിത്രങ്ങളും മറ്റും ഷംന ഇൻസ്റ്റഗ്രാമിലൂടെ പങ്കുവച്ചിരുന്നു. എന്നാൽ വിവാഹം നടന്ന് മൂന്നാം മാസം ബേബി ഷവർ എന്ന തരത്തിൽ ചില യുട്യൂബ് ചാനലുകളിൽ വീഡിയോ വന്നു.
പിന്നാലെ ഇക്കാര്യത്തിൽ വ്യക്തത വരുത്തി ഷംന തന്നെ രംഗത്ത് എത്തി. വിവാഹത്തിന് മുൻപ് തൻറെ നിക്കാഹ് നടന്നത് ജൂൺ 12 ന് ആണെന്നാണ് ഷംന പറഞ്ഞത്.