തലച്ചോറിന്റെ പ്രവർത്തനത്തിനും ഉന്മേഷത്തോടെയിരിക്കാനും സഹായിക്കുന്ന മൂന്ന് ഭക്ഷണങ്ങളെ കുറിച്ച് അറിയാം

നിങ്ങൾ കഴിക്കുന്ന ഭക്ഷണങ്ങൾ മാനസികാവസ്ഥയെ ബാധിക്കുമെന്ന് എത്രപേർക്കറിയാം? ചില ഭക്ഷണങ്ങളിലടങ്ങിയിരിക്കുന്ന ഘടകങ്ങൾ സെറോടോണിൻ, എൻഡോർഫിൻ, ഡോപാമൈൻ തുടങ്ങിയ ഹോർമോണുകളെയും, മറ്റ് ന്യൂട്രോട്രാൻസ്മിറ്റേഴ്സിനെയും ഉത്തേജിപ്പിക്കുകയും ചെയ്യുന്നു.തലച്ചോറിന്റെ പ്രവർത്തനത്തിനും ഉന്മേഷത്തോടെയിരിക്കാനും സഹായിക്കുന്ന മൂന്ന് ഭക്ഷണങ്ങളെ കുറിച്ചാണ് പറയുന്നത്.

എള്ള്..

എള്ളിൽ ടൈറോസിൻ എന്ന അമിനോ ആസിഡ് അടങ്ങിയിരിക്കുന്നതിനാൽ തലച്ചോറിലെ ഡോപാമൈൻ അളവ് വർദ്ധിപ്പിക്കാൻ സഹായിക്കുന്നു. ഇത് ചിന്തയും ഓർമ്മശക്തിയും മെച്ചപ്പെടുത്തുന്നു. 100 ഗ്രാം എള്ള്0.79 ഗ്രാം ടൈറോസിൻ അടങ്ങിയിട്ടുണ്ട്.

കോഫി

കോഫി തലച്ചോറിന് വളരെ നല്ലതാണ്. ഇത് അൽഷിമേഴ്‌സ്, പാർക്കിൻസൺസ് തുടങ്ങിയ മസ്തിഷ്ക രോഗങ്ങളിൽ നിന്ന് സംരക്ഷിക്കുന്നു. ദിവസവും ഒരു ​ഗ്ലാസ് കാപ്പി കുടിക്കുന്നത് തലച്ചോറിന് നല്ലതാണെന്ന് പഠനങ്ങൾ പറയുന്നു. പ്രത്യേകിച്ച് പ്രായമായവരിൽ തലച്ചോറിന്റെ സൂക്ഷ്മമായ പ്രവർത്തനങ്ങൾ നിലനിർത്തുകയും മറവി രോഗങ്ങൾ ഒരു പരിധിവരെ തടയുകയും ചെയ്യും. കാപ്പിയിൽ അടങ്ങിയിരിക്കുന്ന കഫീനാണ് മറവി രോഗത്തെ തടയുന്ന പ്രധാന ഘടകം.

വാഴപ്പഴം..

വാഴപ്പഴത്തിൽ പൊട്ടാസ്യം ധാരാളമായി അടങ്ങിയിരിക്കുന്നു. അവയിൽ ട്രിപ്റ്റോഫാൻ എന്ന അമിനോ ആസിഡ് അടങ്ങിയിട്ടുണ്ട്. ഒരു ഇടത്തരം വലിപ്പമുള്ള വാഴപ്പഴത്തിൽ ഏകദേശം 11 മില്ലിഗ്രാം ട്രിപ്റ്റോഫാൻ അടങ്ങിയിട്ടുണ്ട്. പൊട്ടാസ്യം, മഗ്നീഷ്യം എന്നിവ സമ്മർദ്ദത്തിന്റെ അളവ് കുറയ്ക്കാൻ സഹായിക്കുന്നു.