ശരീരവേദന കുറയ്ക്കാന്‍ കരിനൊച്ചി

കരിനൊച്ചിക്ക് ശരീരവേദന കുറയ്ക്കാനും സന്ധിവാതം, വാതം തുടങ്ങിയ വേദന സംബന്ധമായ പ്രശ്‌നങ്ങള്‍ പരിഹരിക്കാനും, വ്രണങ്ങള്‍ ഉണക്കാനും, ശ്വാസകോശ സംബന്ധമായ അസുഖങ്ങള്‍ക്ക് പ്രതിവിധി നല്‍കാനും കഴിയും. 

കൂടാതെ കരിനൊച്ചി കൊതുകുകളെ അകറ്റാനും ധാന്യങ്ങള്‍ കേടാകാതെ സൂക്ഷിക്കാനും ചെവിയിലെ അണുബാധ, വയറുവേദന, വിരശല്യം എന്നിവയ്ക്ക് പ്രതിവിധിയായും ഉപയോഗിക്കാം. 

വേദന സംഹാരി

കരിനൊച്ചി ഇല വെള്ളത്തില്‍ തിളപ്പിച്ച് ആവി പിടിക്കുന്നതിലൂടെ ശരീരവേദനകള്‍ ശമിക്കുകയും വാതം, സന്ധിവാതം എന്നിവയ്ക്ക് ആശ്വാസം നല്‍കുകയും ചെയ്യും.

വ്രണങ്ങള്‍ക്കും അണുബാധയ്ക്കും

ചര്‍മ്മത്തിലെ വ്രണങ്ങള്‍ ശമിപ്പിക്കാനും, അള്‍സര്‍ പോലുള്ളവയെ ശുദ്ധീകരിക്കാനും കരിനൊച്ചിക്ക് കഴിയും. കുട്ടികളിലെ ചെവിയിലെ അണുബാധയ്ക്ക് കരിനൊച്ചി ഇല കടുക് എണ്ണയില്‍ തിളപ്പിച്ച് ഉപയോഗിക്കാം.

ശ്വാസകോശ രോഗങ്ങള്‍

കരിനൊച്ചി ഇലയിട്ട വെള്ളം ആവി പിടിക്കുന്നതിലൂടെ ജലദോഷം, കഫക്കെട്ട്, ശ്വാസംമുട്ട് തുടങ്ങിയ രോഗങ്ങളില്‍ നിന്ന് ആശ്വാസം ലഭിക്കും.

കീടനാശിനി

കരിനൊച്ചിയുടെ ഉണങ്ങിയ ഇലകള്‍ ഉപയോഗിച്ച് ധാന്യശേഖരങ്ങളില്‍ കീടങ്ങളെ അകറ്റി നിര്‍ത്താം, കൂടാതെ വീട്ടുമുറ്റത്ത് കരിനൊച്ചി ചെടി വളര്‍ത്തുന്നത് കൊതുകുകളെ അകറ്റാനും സഹായിക്കും.

വിഷം നീക്കം ചെയ്യല്‍

വിഷമുള്ള ചിലന്തികളുടെയും പാമ്പുകളുടെയും കടിയ്ക്ക് ഒരു പ്രതിവിധി എന്ന നിലയിലും കരിനൊച്ചി ഉപയോഗിക്കാറുണ്ട്.

ആമാശയ പ്രശ്‌നങ്ങള്‍ 

വയറുവേദന, കുടല്‍ വിരകള്‍, വായുകോപം തുടങ്ങിയ ആമാശയ സംബന്ധമായ പ്രശ്‌നങ്ങള്‍ക്ക് കരിനൊച്ചി ഉപയോഗിക്കാറുണ്ട്.