ലൈംഗികാസക്തി വര്‍ദ്ധിപ്പിക്കാന്‍ താമരയ്ക്ക

താമരയ്ക്ക കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാനും, ഹൃദയാരോഗ്യവും അസ്ഥിാരോഗ്യവും മെച്ചപ്പെടുത്താനും സഹായിക്കും. ഇതില്‍ പ്രോട്ടീനും നാരുകളും ധാരാളമായി അടങ്ങിയിരിക്കുന്നതിനാല്‍ ദഹനത്തെയും പേശികളുടെ വളര്‍ച്ചയെയും ഇത് പിന്തുണയ്ക്കുന്നു. കൂടാതെ, ഉത്കണ്ഠ കുറയ്ക്കാനും ലൈംഗികാരോഗ്യം വര്‍ദ്ധിപ്പിക്കാനും ഇതിന് കഴിവുണ്ട്, ഇത് സൗന്ദര്യവര്‍ദ്ധക വസ്തുക്കളിലും ഉപയോഗിക്കാറുണ്ട്.

സ്ത്രീകളിലും പുരുഷന്മാരിലും ലൈംഗിക തൃഷ്ണയും ലൈംഗികാസക്തിയും വര്‍ദ്ധിപ്പിക്കാന്‍ ഇത് സഹായിക്കുമെന്ന് പറയപ്പെടുന്നു. ശരീരത്തിലെ വീക്കം കുറയ്ക്കാനും അള്‍സര്‍ പോലുള്ള പ്രശ്‌നങ്ങള്‍ക്ക് ശമനം നല്‍കാനും ഇത് സഹായിക്കും.

പ്രോട്ടീന്‍, നാരുകള്‍, മഗ്നീഷ്യം, പൊട്ടാസ്യം, മാംഗനീസ്, സോഡിയം, വിറ്റാമിനുകള്‍ തുടങ്ങിയ ധാതുക്കള്‍ ധാരാളമായി അടങ്ങിയിരിക്കുന്നു. ഇതിന്റെ ഗ്ലൈസെമിക് ഇന്‍ഡക്‌സ് കുറവായതിനാല്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. 

ഉയര്‍ന്ന മഗ്നീഷ്യം ഉള്ളടക്കം ഹൃദയാരോഗ്യത്തിന് നല്ലതാണ്. രക്തക്കുഴലുകളെ വികസിപ്പിച്ച് രക്തസമ്മര്‍ദ്ദം കുറയ്ക്കാനും ഇതിന് കഴിയും. നാരുകള്‍ ധാരാളം അടങ്ങിയിരിക്കുന്നതിനാല്‍ ദഹനത്തെ സഹായിക്കുകയും വിശപ്പില്ലായ്മ പരിഹരിക്കുകയും ചെയ്യും. 

നാഡികളെ റിലാക്‌സ് ചെയ്യിക്കാനും ഉറക്കം മെച്ചപ്പെടുത്താനും ഇതിലടങ്ങിയിരിക്കുന്ന ഘടകങ്ങള്‍ സഹായിക്കുന്നു. ശരീരത്തിലെ കേടുപാടുകള്‍ നീക്കാനും കൊളാജന്റെ ഉത്പാദനം വര്‍ദ്ധിപ്പിക്കാനും സഹായിക്കുന്ന എന്‍സൈമുകള്‍ ഇതിലുണ്ട്. ഇത് ചര്‍മ്മത്തിന് തിളക്കം നല്‍കാനും പ്രായമാകലിന്റെ ലക്ഷണങ്ങള്‍ കുറയ്ക്കാനും സഹായിക്കുന്നു.