പ്രതിരോധശേഷി വര്‍ദ്ധിപ്പിക്കാന്‍ കൃഷ്ണതുളസി

കൃഷ്ണതുളസിക്ക് പ്രതിരോധശേഷി വര്‍ദ്ധിപ്പിക്കാനും വൈറസ്, ബാക്ടീരിയകളെ പ്രതിരോധിക്കാനും സാധിക്കും. ഇത് ദഹന പ്രശ്‌നങ്ങള്‍ പരിഹരിക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു. ഇതിലടങ്ങിയിരിക്കുന്ന യൂജിനോള്‍ ഹൃദയാരോഗ്യത്തിന് നല്ലതാണ്, കൂടാതെ കൊളസ്ട്രോള്‍ കുറയ്ക്കാനും സഹായിക്കും. വിട്ടുമാറാത്ത ചുമ, ജലദോഷം എന്നിവ അകറ്റാനും, തലവേദന കുറയ്ക്കാനും, ചര്‍മ്മ സംരക്ഷണത്തിനും കൃഷ്ണതുളസി ഉപയോഗിക്കാം.  

പ്രതിരോധശേഷി വര്‍ദ്ധിപ്പിക്കുന്നു

കൃഷ്ണതുളസിയില്‍ അടങ്ങിയിരിക്കുന്ന യൂജിനോള്‍ ഘടകം രോഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. 

ദഹനസംബന്ധമായ പ്രശ്‌നങ്ങള്‍ക്ക് പരിഹാരം

തുളസിയിലയിട്ട് തിളപ്പിച്ച വെള്ളം കുടിക്കുന്നത് ദഹനസംബന്ധമായ പ്രശ്‌നങ്ങളെ ഇല്ലാതാക്കാനും അസിഡിറ്റി കുറയ്ക്കാനും സഹായിക്കും. 

രക്തത്തിലെ പഞ്ചസാര നിയന്ത്രിക്കുന്നു

ദിവസവും കൃഷ്ണതുളസിയുടെ ഇലകള്‍ ചവച്ചരച്ച് കഴിക്കുന്നത് രക്തത്തിലെ പഞ്ചസാരയുടെ അളവ് ക്രമീകരിക്കാന്‍ സഹായിക്കും. 

ഹൃദയാരോഗ്യത്തിന് നല്ലത്

കൃഷ്ണതുളസിയില്‍ അടങ്ങിയിട്ടുള്ള യൂജിനോള്‍ ഹൃദയത്തിന്റെ ആരോഗ്യത്തിന് സഹായകമാണ്. ഇത് കൊളസ്ട്രോള്‍ കുറയ്ക്കാനും ബിപി നിയന്ത്രിക്കാനും സഹായിക്കുന്നു. 

ചുമയും ജലദോഷവും കുറയ്ക്കുന്നു

തുളസിയുടെ ഇല ചതച്ച് പിഴിഞ്ഞ നീരില്‍ തേന്‍ ചേര്‍ത്ത് കഴിക്കുന്നത് വിട്ടുമാറാത്ത ചുമയും ജലദോഷവും അകറ്റാന്‍ സഹായിക്കും. 

തലവേദന ശമിപ്പിക്കുന്നു

കൃഷ്ണതുളസിയുടെ നീര് തലയില്‍ പുരട്ടുന്നത് മൈഗ്രേന്‍ പോലുള്ള തലവേദനകള്‍ക്ക് ആശ്വാസം നല്‍കും

രക്തം ശുദ്ധീകരിക്കുന്നു

തുളസി രക്തം ശുദ്ധീകരിക്കുകയും ചര്‍മ്മത്തിന് തിളക്കം നല്‍കുകയും ചെയ്യുന്നു. 

ചര്‍മ്മ സംരക്ഷണത്തിന്

പ്രാണികള്‍ കടിച്ചതു മൂലമുണ്ടാകുന്ന ചൊറിച്ചില്‍, നീര്‍ക്കെട്ട് എന്നിവയ്ക്ക് കൃഷ്ണതുളസിയുടെ ഇലയും പച്ചമഞ്ഞളും ചേര്‍ത്ത് അരച്ചിടാം. 

ആന്റി ഓക്‌സിഡന്റുകള്‍ അടങ്ങിയത്

ഇതില്‍ ധാരാളം അടങ്ങിയിരിക്കുന്ന ആന്റി ഓക്‌സിഡന്റുകള്‍ കാന്‍സര്‍ പോലുള്ള രോഗങ്ങളെ പ്രതിരോധിക്കാന്‍ സഹായിക്കും.