/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/09/17/563ed328-02fd-4b25-a094-e1d07a1817f0-2025-09-17-20-45-32.jpg)
നാരുകള്‍, ധാതുക്കള്‍, വിറ്റാമിനുകള്‍, ആന്റിഓക്സിഡന്റുകള്‍ എന്നിവയാല്‍ സമ്പുഷ്ടമാണ് തവിട്. ഇത് ദഹനം മെച്ചപ്പെടുത്താനും മലബന്ധം അകറ്റാനും ശരീരഭാരം നിയന്ത്രിക്കാനും സഹായിക്കുന്നു.
കൂടാതെ, കൊളസ്ട്രോള്‍ കുറയ്ക്കാനും ഹൃദയാരോഗ്യം മെച്ചപ്പെടുത്താനും ടൈപ്പ് 2 പ്രമേഹം നിയന്ത്രിക്കാനും ഇത് ഉപയോഗപ്രദമാണ്. ചര്‍മ്മത്തിനും മുടിക്കും ഗുണകരമായ ഘടകങ്ങളും തവിടിലുണ്ട്.
ദഹന ആരോഗ്യം
തവിടില്‍ ധാരാളമായി അടങ്ങിയിരിക്കുന്ന നാരുകള്‍ ദഹനവ്യവസ്ഥയെ മെച്ചപ്പെടുത്തുകയും മലബന്ധം പോലുള്ള പ്രശ്‌നങ്ങള്‍ പരിഹരിക്കുകയും ചെയ്യുന്നു.
ശരീരഭാരം നിയന്ത്രിക്കാന്‍
നാരുകള്‍ അടങ്ങിയതിനാല്‍ തവിട് കഴിച്ചാല്‍ പെട്ടെന്ന് വിശപ്പ് തോന്നുന്നത് ഒഴിവാക്കാനും ദീര്‍ഘനേരം വയറു നിറഞ്ഞ പ്രതീതി നിലനിര്‍ത്താനും സഹായിക്കും. ഇത് അമിതഭാരം കുറയ്ക്കാന്‍ സഹായിക്കും.
കൊളസ്ട്രോള്‍ കുറയ്ക്കാന്‍
തവിടില്‍ അടങ്ങിയ പോളിഅണ്‍സാച്ചുറേറ്റഡ്, മോണോഅണ്‍സാച്ചുറേറ്റഡ് കൊഴുപ്പുകള്‍ രക്തത്തിലെ കൊളസ്ട്രോളിന്റെ അളവ് കുറയ്ക്കാന്‍ സഹായിക്കും.
ഹൃദ്രോഗ സാധ്യത കുറയ്ക്കാന്‍
കൊളസ്ട്രോള്‍ കുറയ്ക്കുന്നതിലൂടെ ഹൃദയത്തിനും രക്തക്കുഴലുകളുടെ രോഗങ്ങള്‍ക്കും ഉള്ള സാധ്യത കുറയ്ക്കാന്‍ തവിടരി സഹായിക്കും.
രക്തത്തിലെ പഞ്ചസാര നിയന്ത്രിക്കാന്‍: തവിടരിയുടെ ഗ്ലൈസെമിക് ഇന്‍ഡെക്‌സ് കുറവായതിനാല്‍ രക്തത്തിലെ പഞ്ചസാരയുടെ അളവ് സാവധാനം മാത്രമേ ഉയരുകയുള്ളൂ. പ്രമേഹരോഗികള്‍ക്ക് ഇത് വളരെ നല്ല ഒരു ഭക്ഷണമാണ്.
പ്രകൃതിദത്ത സംരക്ഷണം
അരി തവിട്ടില്‍ അടങ്ങിയിട്ടുള്ള വിറ്റാമിന്‍ ഇ, ഗാമാ-ഓറിസാനോള്‍ തുടങ്ങിയ ഘടകങ്ങള്‍ ചര്‍മ്മത്തിന് അള്‍ട്രാവയലറ്റ് രശ്മികളില്‍ നിന്നുള്ള സംരക്ഷണം നല്‍കുന്നു.
മോയ്സ്ചറൈസിംഗ്
ചര്‍മ്മത്തിലെ ഈര്‍പ്പം നിലനിര്‍ത്താനും വരള്‍ച്ച മാറ്റാനും അരി തവിട് എണ്ണ സഹായിക്കുന്നു.
ചര്‍മ്മത്തിന്റെ യുവത്വം നിലനിര്‍ത്താന്‍
ഇത് കോശങ്ങളുടെ പുനരുജ്ജീവനത്തിന് സഹായിക്കുകയും സുഷിരങ്ങള്‍ വൃത്തിയാക്കുകയും ചര്‍മ്മം തിളങ്ങാന്‍ സഹായിക്കുകയും ചെയ്യും.
ആന്റിഓക്സിഡന്റ് ഗുണങ്ങള്‍
തവിടില്‍ ഫൈറ്റോകെമിക്കലുകള്‍, പ്രത്യേകിച്ച് ഫെറുലിക് ആസിഡ് പോലുള്ള ആന്റിഓക്സിഡന്റുകള്‍ അടങ്ങിയിട്ടുണ്ട്.
വിവിധ രോഗങ്ങളില്‍ നിന്ന് സംരക്ഷണം
ചില പഠനങ്ങള്‍ പ്രകാരം ദഹനനാളത്തിലെ അര്‍ബുദം പോലുള്ള രോഗങ്ങളെ തടയാന്‍ തവിടരിക്ക് കഴിയും.