സൗന്ദര്യം കൂട്ടണോ.. തണുത്ത വെള്ളത്തില്‍ മുഖം കഴുകൂ..

തണുത്ത വെള്ളത്തില്‍ മുഖം കഴുകുന്നത് ചര്‍മ്മത്തിലെ എണ്ണമയം നീക്കം ചെയ്യാനും ചര്‍മ്മം പുനരുജ്ജീവിപ്പിക്കാനും, സുഷിരങ്ങള്‍ ചെറുതാക്കാനും ചെറിയ ചുളിവുകള്‍ അകറ്റാനും സഹായിക്കുമെങ്കിലും, വളരെ ചൂടുള്ള വെള്ളം പോലെ ഇത് സുഷിരങ്ങള്‍ തുറന്ന് മാലിന്യം പുറന്തള്ളാന്‍ സഹായിക്കില്ല. എങ്കിലും, ചര്‍മ്മത്തിന് കൂടുതല്‍ തിളക്കം നല്‍കാനും സൂര്യതാപത്തില്‍ നിന്ന് സംരക്ഷിക്കാനും തണുത്ത വെള്ളത്തിന് കഴിയും. 

പുനരുജ്ജീവിപ്പിക്കുന്നു

ഡള്‍ ആയിരിക്കുന്ന ചര്‍മ്മത്തെ ഊര്‍ജ്ജസ്വലമാക്കാനും തേജസ്സു നല്‍കാനും ഇത് സഹായിക്കും.

ചെറുപ്പമാക്കുന്നു

ചര്‍മ്മത്തിലെ പാടുകളും ചുളിവുകളും അകറ്റി മുഖചര്‍മ്മം സുന്ദരമാക്കാന്‍ തണുത്ത വെള്ളം സഹായിക്കും.

രക്തയോട്ടം വര്‍ദ്ധിപ്പിക്കുന്നു

രക്തയോട്ടം കൂട്ടുന്നതുകൊണ്ട് ചര്‍മ്മത്തിന് തിളക്കവും തെളിച്ചവും ലഭിക്കുന്നു.

എണ്ണമയം നിയന്ത്രിക്കുന്നു

അധികമായുള്ള എണ്ണമയം നീക്കം ചെയ്യാന്‍ ഇത് സഹായിക്കും.

സൂര്യതാപത്തില്‍ നിന്ന് സംരക്ഷണം

സൂര്യതാപത്തില്‍ നിന്നുള്ള ബുദ്ധിമുട്ടുകള്‍ കുറയ്ക്കാന്‍ ഇത് സഹായിക്കും.

സുഷിരങ്ങള്‍ ചെറുതാക്കുന്നു

തണുത്ത വെള്ളം ഉപയോഗിക്കുന്നതിലൂടെ ചര്‍മ്മത്തിലെ സുഷിരങ്ങള്‍ ചെറുതാക്കാനും മാലിന്യങ്ങള്‍ നീക്കം ചെയ്യാനും സഹായിക്കുന്നു.