മീനച്ചിലാറ്റിൽ ക്രമാതീതമായി ജലനിരപ്പുയരുന്നു; പാലായിൽ വെള്ളപ്പൊക്ക ഭീഷണി, ഇടപ്പാടി റോഡിലും ഗതാഗതം സ്തംഭിച്ചു

കോട്ടയം: പാലായിൽ വെള്ളപ്പൊക്ക ഭീഷണി . പാലാ ഈരാറ്റുപേട്ട പനയ്ക്കപ്പാലം റോഡിലും വെള്ളം കയറി. ഇടപ്പാടി റോഡിലും ഗതാഗതം സ്തംഭിച്ചു .പാലായിൽ മീനച്ചിലാറിനൊപ്പം നിൽക്കുന്ന പ്രദേശങ്ങളിൽ നിലവിൽ വെള്ളം കയറിട്ടുണ്ട്.

അടിവാരം തീക്കോയി മേഖലയിലും കനത്ത മഴ തുടരുന്നു. കോട്ടയം ജില്ലാ കളക്ടർ എം അഞ്ജന മീനച്ചിൽ താലൂക്ക് ഓഫീസിൽ എത്തി സ്ഥിതിഗതികൾ വിലയിരുത്തി.

തീക്കോയി ,വെള്ളിക്കുളം ഭാഗത്ത് ജനങ്ങളെ ഒഴിപ്പിക്കുന്നതിന് ഇൻസിഡെൻ്റ് റെസ്പോൺസ് ടീം നടപടി തുടങ്ങി.