ചെന്നൈ: ഇന്ത്യയുടെ ബാസ്കറ്റ്ബോള് ടീം മുന് ക്യാപ്റ്റന് പി. മാത്യു സത്യബാബു (78) അന്തരിച്ചു. വാര്ധക്യ സഹജമായ അസുഖത്തെത്തുടര്ന്നു ചെന്നൈയിലാണ് അന്ത്യം.
1970-ലെ ബാങ്കോക്കില് നടന്ന ആറാമത് ഏഷ്യന് ഗെയിംസില് ഇന്ത്യന് ടീമിനെ നയിച്ചത് ആന്ധ്രാ സ്വദേശിയായ സത്യബാബുവാണ്. മൂന്ന് ഏഷ്യന് ബാസ്കറ്റ് ബോള് ചാമ്പ്യന്ഷിപ്പുകളില് ഇന്ത്യക്ക് വേണ്ടി കളിച്ചു.
1962-64 കാലഘട്ടത്തില് ആന്ധ്രയ്ക്കുവേണ്ടിയും 1965-1975 കാലത്ത് ഇന്ത്യന് റെയില്വേയ്ക്ക് വേണ്ടിയും ദേശീയ വോളിബോള് ചാമ്പ്യന്ഷിപ്പുകളില് കളിച്ചിട്ടുണ്ട്. ഇന്ത്യന് റെയില്വേ, ഇന്ത്യന് ബാങ്ക് ബാസ്കറ്റ്ബോള് ടീമുകളുടെ പരിശീലകനായും പ്രവര്ത്തിച്ചിട്ടുണ്ട്.