അബുദാബി :ഐപിഎല് പതിമൂന്നാം സീസണില് പ്ലേഓഫില് കടക്കുന്ന ആദ്യ ടീമായി മുംബൈ ഇന്ത്യന്സ്. റോയല് ചലഞ്ചേഴ്സ് ബാംഗ്ലൂരിന് എതിരെ അഞ്ച് വിക്കറ്റ് ജയജയം പിടിച്ചതോടെയാണ് മുംബൈ പ്ലേഓഫ് ഉറപ്പിച്ചത്.
ബാംഗ്ലൂര് ഉയര്ത്തിയ 165 റണ്സ് വിജയ ലക്ഷ്യം 5 പന്തുകള് ശേഷിക്കെ 5 വിക്കറ്റ് കയ്യില് വെച്ച് മുംബൈ മറികടന്നു. 43 പന്തില് നിന്ന് 79 റണ്സ് നേടി കളി ഫിനിഷ് ചെയ്ത സൂര്യകുമാര് യാദവ് ആണ് മുംബൈയെ വലിയ അപകടങ്ങളില്ലാതെ ജയം തൊടീച്ചത്.
12 കളിയില് നിന്ന് 8 ജയവും 4 തോല്വിയുമായി 16 പോയിന്റോടെയാണ് മുംബൈ പ്ലേഓഫില് കടന്നത്. ഓസ്ട്രേലിയന് പര്യടനത്തിനുള്ള ഇന്ത്യന് സംഘത്തില് ഉള്പ്പെടുത്താതിരുന്നതിന് പിന്നാലെയാണ് സൂര്യകുമാറിന്റെ ക്ലാസിക് ഇന്നിങ്സും, ഫിനിഷും വരുന്നത്.
വാഷിങ്ടണ് സുന്ദറും, ചഹലും, മുഹമ്മദ് സിറാജും ബാംഗ്ലൂരിനെ കുഴക്കുമെന്ന് തോന്നിച്ചെങ്കിലും സൂര്യകുമാര് ഇവരെ അതിജീവിച്ചതോടെ മുംബൈ രക്ഷപെടുകയായിരുന്നു. ചഹലും, സിറാജും രണ്ട് വിക്കറ്റ് വീതം വീഴ്ത്തി.
മുംബൈ നിരയില് സൂര്യകുമാര് മാത്രമാണ് പിടിച്ച് നിന്നത്. സൂര്യകുമാറിന്റേത് കഴിഞ്ഞാല് കളിയിലെ മുംബൈ നിരയിലെ ടോപ് സ്കോറര് 25 റണ്സ് നേടിയ ഇഷാന് കിഷനാണ്.