ജമ്മു കശ്മീരില്‍ തീവ്രവാദികളും സുരക്ഷാസേനയും തമ്മില്‍ ഏറ്റുമുട്ടല്‍; രണ്ടു തീവ്രവാദികളെ സേന വധിച്ചു

പുല്‍വാമ: ജമ്മു കശ്മീരില്‍ തീവ്രവാദികളും സുരക്ഷാസേനയും തമ്മിലുണ്ടായ ഏറ്റുമുട്ടല്‍ രണ്ടു തീവ്രവാദികളെ സേന വധിച്ചു.ഇവരുടെ പേരുവിവരങ്ങള്‍ ലഭ്യമല്ല.പുല്‍വാമ ജില്ലയിലെ അവന്തിപോറയിലെ ഗോറിപോറ മേഖലയിലാണ് ഏറ്റുമുട്ടല്‍ നടന്നത്. കശ്മീര്‍ ഐ.ജി.പി വിജയ് കുമാറാണ് ഇക്കാര്യം അറിയിച്ചത്.

തീവ്രവാദികള്‍ ഒളിഞ്ഞിരിക്കുന്നുവെന്ന വിവരത്തിന്‍റെ അടിസ്ഥാനത്തിലാണ് സേനയും ജമ്മു കശ്മീര്‍ പൊലീസും സംയുക്തമായി തിരച്ചില്‍ നടത്തിയത്.