ചെന്നൈ : ഗുരുരതാവസ്ഥയില്‍ ചികിത്സയില്‍ കഴിയുന്ന ഗായകന്‍ എസ്.പി. ബാലസുബ്രഹ്മണ്യത്തെ നടന്‍ കമല്‍ഹാസന്‍ സന്ദര്‍ശിച്ചു. ചെന്നൈയിലെ എംജിഎം ഹെല്‍ത്ത് കെയര്‍ ആശുപത്രിയില്‍ വ്യാഴാഴ്ച രാത്രിയോടെയായിരുന്നു കമല്‍ എത്തിയത്.
/sathyam/media/post_attachments/XX3Z5hekgvhZ5OgMTsmi.jpg "publive-image")
എസ് പി ബിയുടെ ആരോഗ്യനില അതീവഗുരുതരമെന്ന് എംജിഎം ആശുപത്രി ഇന്നലെ വൈകിട്ട് മെഡിക്കല്‍ ബുള്ളറ്റിന്‍ പുറത്തുവിട്ടിരുന്നു. പിന്നാലെയാണ് കമല്‍ ഹാസന്‍ ആശുപത്രിയിലെത്തിയത്. ഡോക്ടര്‍മാരുമായി കൂടിക്കാഴ്ച നടത്തിയതിനു ശേഷമാണ് അദ്ദേഹം മടങ്ങിയത്.
എസ്പിബിയുടെ ആരോഗ്യനിലയെക്കുറിച്ച്‌ ഇപ്പോള്‍ ഒന്നും പറയാനാകാത്ത സ്ഥിതിയാണെന്നാണ് ഡോക്ടര്‍മാര്‍ അറിയിച്ചെന്ന് കമല്‍ഹാസന്‍ മാധ്യമപ്രവര്‍ത്തകരോട് പറഞ്ഞു. അദ്ദേഹം വെന്‍റിലേറ്ററില്‍ തന്നെയാണെന്നും കമല്‍ഹാസന്‍ പറഞ്ഞു. വ്യാഴാഴ്ച ഉച്ചയോടെയാണ് എസ്പിബിയുടെ നില ഗുരതരമായതായി ആശുപത്രി വൃത്തങ്ങള്‍ അറിയിച്ചത്.
എക്മോ(എക്സ്ട്രാകോര്‍പോറിയന്‍ മെംബ്രയ്ന്‍ ഓക്സിജനേഷന്‍) സഹായത്തോടെയാണ് എസ്പിബിയുടെ ചികിത്സ തുടരുന്നതെന്ന് എംജിഎം ഹെല്‍ത്ത്കെയര്‍ അധികൃതര്‍ അറിയിച്ചു. ഓഗസ്റ്റ് അഞ്ചിനാണ് എസ്പിബിയെ ചെന്നൈ എംജിഎം ആശുപത്രിയില്‍ പ്രവേശിപ്പിച്ചത്. പിന്നീട് നടത്തിയ പരിശോധനയില്‍ കൊവിഡ് ഉണ്ടെന്ന് കണ്ടെത്തുകയായിരുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
