ചെന്നൈ: തമിഴ്നാട് നിയമസഭാ തെരഞ്ഞെടുപ്പില് മക്കള് നീതി മയ്യം 234ല് 154 സീറ്റുകളില് മത്സരിക്കുമെന്ന് നടന് കമല്ഹാസന്. ബാക്കി 80 സീറ്റുകളില് സഖ്യകക്ഷികള് മത്സരിക്കുമെന്നും കമല്ഹാസന് വ്യക്തമാക്കി.
ഓള് ഇന്ത്യ സമത്വമക്കള് കക്ഷി, ഇന്ത്യ ജനനായക കക്ഷി എന്നിവരാണ് മക്കള് നീതി മയ്യത്തിന്റെ സഖ്യകക്ഷികള്. നാല്പ്പത് സീറ്റുകള് വീതമാണ് ഇരുപാര്ട്ടിക്കും പങ്കുവച്ച് നല്കിയത്. തിങ്കളാഴ്ച രാത്രിയോടെയാണ് സീറ്റ് വിഭജനത്തെക്കുറിച്ച് തീരുമാനമായത്.
2019ലെ ലോക്സഭാ തെരഞ്ഞെടുപ്പില് നാല് ശതമാനം വോട്ടാണ് മക്കള് നീതി മയ്യം സ്വന്തമാക്കിയത്. നഗരമേഖലകളില് 10 ശതമാനം വോട്ട് ഷെയര് ചെയ്യാനും പാര്ട്ടിക്കായി. കോയമ്പത്തൂരില് നിന്നും മത്സരിച്ച എംഎന്എം വൈസ് പ്രസിഡന്റ് ഡോ. ആര്. മഹേന്ദ്രന് 1.45 ലക്ഷം വോട്ടുകള് നേടിയിരുന്നു.ആകെ വോട്ട് ഷെയറിന്റെ 11.6 ശതമാനം നേടാന് അദ്ദേഹത്തിന് സാധിച്ചു.