പ്രവാസലോകത്തെ സൗഹൃദ കൂട്ടായ്മയിൽ പിറന്ന ഹ്രസ്വചിത്രം പ്രേക്ഷക ശ്രദ്ധ നേടുന്നു . ക്യാപിറ്റോൾ സിനിമ ക്ലിക്ക്സിന്റെ ആഭിമുഖ്യത്തിൽ യുണീമണി എക്സ്ചേഞ്ചുമായി ചേർന്ന് അവതരിപ്പിച്ച " വൺ ബ്ലഡ് വൺ ഇന്ത്യ" എന്ന ഹ്രസ്വചിത്രം ശ്രദ്ധനേടുന്നത് പ്രമേയത്തിലെ വ്യത്യസ്തത കൊണ്ടും അവതരണ മികവുകൊണ്ട് കൊണ്ടും ആണ്.
യുദ്ധഭൂമിയിൽ ഒരു സൈനികനെ അവസാനനിമിഷമാണ് ചിത്രത്തിൻറെ ഇതിവൃത്തം. തൻറെ ജീവിതാഭിലാഷമായിരുന്നു സൈന്യക വൃത്തിയിലേക്ക് ഒരു യുവാവ് പ്രവേശിക്കുന്നതും അവസാനം യുദ്ധഭൂമിയിൽ അദ്ദേഹത്തിന് ആദ്യ നിമിഷങ്ങളും 13 മിനിറ്റ് മാത്രമുള്ള ഈ ഹ്രസ്വചിത്രം വരച്ചുകാട്ടുന്നു.
ജനുവരി 26 റിപ്പബ്ലിക്ക് ദിനത്തിൽ ഓൺലൈൻ റിലീസായ ഇതിനെ അണിയറ പ്രവർത്തകർ
എല്ലാവരും കുവൈറ്റ് പ്രവാസികളാണ്.ദേശസ്നേഹത്തെ കഥ പറയുന്ന ഈ ചിത്രം സമർപ്പിച്ചിരിക്കുന്നത് ഇന്ത്യൻ സൈന്യത്തിനാണ്.
മാത്യു സെബാസ്റ്റ്യൻ ക്യാമറ ചലിപ്പിച്ച ഈ കലാസൃഷ്ടിയിൽ ജോയൽ ജോസഫ്, റിൻസി മോൾ ജേക്കബ് എന്നിവർ മുഖ്യ വേഷത്തിൽ അഭിനയിച്ചിരിക്കുന്നു. സൂരജ് എസ് പ്ളാന്തോട്ടത്തിൽ ( എഡിറ്റിംഗ്), രഞ്ജു രാജ് മാത്യു( ശബ്ദലേഖനം ) മസൂദ് ( മിക്സിങ്) എന്നിവരാണ് പിന്നണിയിൽ പ്രവർത്തിച്ചത്.
ലിബിൻ കെ ബേബി സംവിധാനം നിർവഹിച്ച ചിത്രത്തിൻറെ ചിത്രീകരണം നടത്തിയത് അബ്ദാലി വഫറ മരുഭൂമികളുടെ പശ്ചാത്തലത്തിലാണ് . ചിത്രത്തിന് വിജയാഘോഷവും ക്യാപിറ്റോൾ സിനിമ ക്ലിക്സ് നടത്തിയ ടിക് ടോക് വൈറൽ കട്ട്സ് മത്സരത്തിലെ വിജയികൾക്കുള്ള സമ്മാനദാനവും അണിയറപ്രവർത്തകർക്കുള്ള ആദരവും ഫെബ്രുവരി 4 വൈകിട്ട് 5മണിക്ക് അബ്ബാസിയ ഹെവൻസ് ഓഡിറ്റോറിയത്തിൽ ക്ഷണിക്കപ്പെട്ട സദസ്സിനു മുൻപിൽ നടത്തും. ക്യാപിറ്റോൾ സിനിമ ക്ലിക്സിന്റെ പുതിയ ചിത്രത്തിന്റെ ടൈറ്റിൽ ലോഞ്ച് അതേ വേദിയിൽ അവതരിപ്പിക്കും.