മാഡ്രിഡ്: ലാ ലിഗ ക്ലബ് വലന്സിയയുടെ അര്ജന്റീന താരം എസിക്വല് ഗരായിക്ക് കൊറോണ വൈറസ് ബാധ സ്ഥിരീകരിച്ചു. കൊറോണ പരിശോധനാ ഫലങ്ങള് പോസിറ്റീവാണെന്ന് താരം ഇന്സ്റ്റാഗ്രാം പോസ്റ്റില് അറിയിച്ചു.
ആരോഗ്യ വകുപ്പ് അധികൃതരുടെ നിര്ദേശമനുസരിച്ച് ഐസൊലേഷനില് കഴിയുന്ന ഗരാരിയുടെ ആരോഗ്യനില തൃപ്തികരമാണെന്നാണ് വിവരം.
സ്പാനിഷ് ലീഗില് കൊറോണ രോഗം സ്ഥിരീകരിക്കുന്ന ആദ്യ താരമാണ് 33-കാരനായ ഗരായി. കാല്മുട്ടിനേറ്റ പരിക്കിനെ തുടര്ന്ന് ഫെബ്രുവരി മുതല് ചികിത്സയിലാണ്. അതേസമയം, വലന്സിയയുടെ മറ്റ് അഞ്ചു താരങ്ങള് കൂടി നിരീക്ഷണത്തിലാണെന്നും റിപ്പോര്ട്ടുകളുണ്ട്.