2026ൽ അന്യഗ്രഹ ജീവികൾ ഭൂമിയിലേക്ക് ? സംഭവിക്കാൻ പോകുന്നത് മനുഷ്യർക്ക് അതീതമായ കാര്യങ്ങൾ, ബാബ വാംഗയുടെ പ്രവചനം യാഥാർത്ഥ്യമാകുമോ എന്ന് ആശങ്കപ്പെട്ട് ലോകം : വാം​ഗയുടെ ഇതുവരെയുള്ള പ്രവചനങ്ങൾ  വളരെ കൃത്യം

സോഫിയ: ബൾഗേറിയൻ സ്വദേശിനിയായ ബാബ വാം​ഗയുടെ പ്രവചനങ്ങൾ ലോക പ്രശസ്തമാണ്. അവർ പ്രവചിച്ച പല കാര്യങ്ങളും ലോകത്ത് സംഭവിച്ച് കഴിഞ്ഞിരിക്കുന്നു. ഇതോടെ അവരുടെ പ്രവചനങ്ങൾക്ക് ലോകം കാതോർക്കുകയാണ്. ബാംബ വാം​ഗയുടെ 2026 വർഷത്തെ  പ്രവചനങ്ങൾ ഭയാനകമാണ്. 

2026-ൽ സംഭവിക്കുന്ന ചില സംഭവങ്ങൾ അവർ ഇതിനകം പ്രവചിച്ചിട്ടുണ്ട്. ഈ വിവരങ്ങൾ അടങ്ങിയ പല റിപ്പോർട്ടുകളും പുറത്തു വന്നിരുന്നു. ഇത് പലരെയും ഞെട്ടിച്ചിട്ടുണ്ട്. 2025-ലെ പ്രവചനങ്ങൾ ഇതിനകം യാഥാർത്ഥ്യമായി എന്നതും ശ്രദ്ധേയമാണ്.

2026-ലെ വാംഗയുടെ ഏറ്റവും ശ്രദ്ധേയമായ പ്രവചനങ്ങളിലൊന്ന് അതിതീവ്രമായ പ്രകൃതി ദുരന്തങ്ങളെക്കുറിച്ചുള്ളതാണ്. ഭൂകമ്പങ്ങൾ, വൻ അഗ്നിപർവ്വത സ്ഫോടനങ്ങൾ, കാലാവസ്ഥാ പ്രശ്നങ്ങൾ എന്നിവ ഭൂമിയുടെ കരവിസ്തൃതിയുടെ 7–8% ബാധിക്കുമെന്ന് അവർ പ്രവചിച്ചതായി റിപ്പോർട്ടുണ്ട്.

ഈ ദുരന്തങ്ങൾ ലോകമെമ്പാടുമുള്ള ജീവനും, അടിസ്ഥാന സൗകര്യങ്ങൾക്കും, ആവാസവ്യവസ്ഥയ്ക്കും ഭീഷണിയായേക്കാം. ബാബാ വാംഗ ചില പ്രത്യേക സ്ഥലങ്ങൾ ചൂണ്ടിക്കാണിച്ചില്ലെങ്കിലും, സമീപ വർഷങ്ങളിൽ പാരിസ്ഥിതിക ദുരന്തങ്ങളുടെ വർദ്ധനവ് അവരുടെ മുന്നറിയിപ്പുകൾക്ക് ഒരു വിശ്വാസ്യത നൽകുന്നു.

യൂറോപ്പിലെ അഭൂതപൂർവമായ ഉഷ്ണതരംഗങ്ങൾ, കാനഡയിലും ഓസ്‌ട്രേലിയയിലും ഉണ്ടായ കാട്ടുതീ എന്നിവയുൾപ്പെടെ നിരവധി പ്രശ്‌നങ്ങൾ 2025-ൽ ഇതിനകം ഉണ്ടായിട്ടുണ്ട്. 2026 ഭൂമിക്ക് മറ്റൊരു പ്രക്ഷുബ്ധമായ വർഷമാകുമെന്ന് ബാബ വാംഗ പ്രവചിച്ചിക്കുന്നു.

മൂന്നാം ലോക മഹായുദ്ധത്തിന് സാധ്യതയുണ്ടെന്ന് പ്രവചിക്കപ്പെട്ടിട്ടുണ്ട്, അതുപോലെ തന്നെ 2026 വർഷം കൃത്രിമബുദ്ധിയുടെ വഴിത്തിരിവായിരിക്കുമെന്നും പ്രവചിക്കപ്പെട്ടിട്ടുണ്ട്. 

2026 നവംബറിൽ ഒരു ഭീമാകാരമായ അന്യഗ്രഹ പേടകം ഭൂമിയിലേക്ക് പറന്നിറങ്ങുമെന്നാണ് വംഗയുടെ പ്രവചനം. ഈ അമ്പരപ്പിക്കുന്ന അവകാശവാദം മനുഷ്യർ ആദ്യമായി അന്യഗ്രഹജീവികളുമായി സമ്പർക്കം പുലർത്തുന്നതിന് തുടക്കം കുറിക്കുമെന്നാണ് പറയപ്പെടുന്നത്.

ബാബ വാംഗയ്ക്ക് 12 വയസ്സുള്ളപ്പോൾ കാഴ്ച നഷ്ടപ്പെട്ടുവെന്നും അതിന്ശേഷം ഭാവി പ്രവചിക്കാനുള്ള കഴിവ് അവർക്കുണ്ടായെന്നും പറയപ്പെടുന്നു. മരിക്കുന്നതിന് മുമ്പ്, എല്ലാ വർഷവും സംഭവിക്കുന്ന സംഭവങ്ങൾ അവർ പ്രവചിക്കുകയും അവ കുറിപ്പുകളിൽ എഴുതുകയും ചെയ്തു.