ആർദ്രയ്ക്കും ശ്രീരാജിനും സേവാഭാരതിയുടെ ധനസഹായം

പെരുമ്പാവൂർ: സേവാഭാരതി പെരുമ്പാവൂർ യൂണിറ്റിന്റെ ധനസഹായം കാഞ്ഞിരക്കാട് സ്വദേശിനി ആർദ്ര വിജയനും വെങ്ങോല സ്വദേശി ശ്രീരാജിനും കൈമാറി. ആർദ്ര സിവിൽ സർവ്വീസ് പരീക്ഷയ്ക്കായുള്ള കോച്ചിംഗിലാണ്. ശ്രീരാജ് ദുബായിൽ നടക്കുന്ന അന്തർദ്ദേശീയ മാസ്റ്റേഴ്സ് അത്‍ലറ്റിക് മത്സരത്തിൽ പങ്കെടുക്കാനുള്ള തയ്യാറെടുപ്പിലാണ്.

 സേവാഭാരതി ജില്ലാ ഉപാധ്യക്ഷൻ ബി. വിജയകുമാർ ധനസഹായം കൈമാറി. പെരുമ്പാവൂർ യൂണിറ്റ് പ്രസിഡന്റ് ജയലക്ഷ്മി സത്യമോഹൻ, സെക്രട്ടറി സുരേഷ് വാര്യർ,എസ്. ജയചന്ദ്രൻ നായർ എന്നിവർ ചടങ്ങിൽ സന്നിഹിതരായിരുന്നു.