വയനാട്: വെള്ളമുണ്ടയില് കാട്ടാനയുടെ ആക്രമണത്തില് വനംവാച്ചര് കൊല്ലപ്പെട്ടു. പുളിഞ്ഞാല് നെല്ലിയാനിക്കോട്ട് തങ്കച്ചന്(53) ആണ് മരിച്ചത്.
ചൊവ്വാഴ്ച പകല് 10.30ന് വെള്ളമുണ്ട ഫോറസ്റ്റ് സ്റ്റേഷന് പരിധിയിലെ ചിറപ്പുല്ല് തവളപ്പാറ ഭാഗത്തായിരുന്നു സംഭവം.
വനംവകുപ്പിന്റെ താത്കാലിക വാച്ചറായ തങ്കച്ചന് വിനോദ സഞ്ചാരികളുമായി പോകുമ്പോഴാണ് ആന ആക്രമിച്ചത്. കൂടെയുണ്ടായിരുന്നവര് ഓടി രക്ഷപ്പെട്ടു. വനപാലകരെ വിവരം അറിയിച്ചതിനെ തുടര്ന്ന് നടത്തിയ പരിശോധനയിലാണ് തങ്കച്ചനെ കണ്ടെത്തിയത്.
മാനന്തവാടി മെഡിക്കല് കോളജ് ആശുപത്രിയില് എത്തിച്ചെങ്കിലും മരണം സംഭവിച്ചു. ഭാര്യ: സുജ. മക്കള്: അയോണ, അനോള്ഡ്.