തൃശ്ശൂർ തേക്കിൻകാട് മൈതാനിയിൽ പ്രദർശനത്തിന് എത്തിച്ച ബുക്കർ മീഡിയ പബ്ലിക്കേഷന്റെ പുസ്തകങ്ങൾ മോഷണം പോയി

പത്തനംതിട്ട: തൃശ്ശൂർ തേക്കിൻകാട് മൈതാനിയിൽ പ്രദർശനത്തിന്  എത്തിച്ച ബുക്കർ മീഡിയ  പബ്ലിക്കേഷന്റെ പുസ്തകങ്ങൾ  മോഷണം പോയി.ഇത് സംബന്ധിച്ച്  അവർ സോഷ്യൽ മീഡിയയിൽ കൊടുത്തിരിക്കുന്നത്  ഇങ്ങനെയാണ്:

"പുസ്തകങ്ങൾതിരികെ തരൂ... പ്രിയപ്പെട്ട മോഷ്ടാവേ.
പുസ്തക പ്രേമിയായ, വായനക്കാരനായ ഒരു കള്ളനാണോ താങ്കളെന്ന് ഞങ്ങൾക്കറിയില്ല, പക്ഷേ താങ്കൾ കവർന്നത് ജീവിതമഷികൊണ്ട് അക്ഷരങ്ങൾ അടുക്കി വച്ച ഞങ്ങളുടെ ജീവനോപാധിയാണ്.

തൃശൂർ തേക്കിൻകാട് മൈതാനിയിൽ സംഘടിപ്പിച്ച എന്റെ കേരളം പ്രദർശന വിപണന മേളയുടെ സമാപന ദിവസമായ മേയ് 25ന് രാത്രിയിൽ ബുക്കർ മീഡിയ പബ്ലിക്കേഷൻസിന്റെ 25000 രൂപ വില വരുന്ന പുസ്തകങ്ങൾ മോഷണം പോയി. പുസ്തകങ്ങൾ എവിടെയെങ്കിലും കണ്ടെത്തുന്നവർ അടുത്തുള്ള പോലീസ് സ്റ്റേഷനിലോ അല്ലെങ്കിൽ  ഞങ്ങളെ നേരിട്ടോ ബന്ധപ്പെടണമെന്ന് അഭ്യർഥിക്കുന്നു.
മൊബൈൽ നമ്പർ:  808990100, 9495369207"