ഉഴവൂർ സെന്റ് സ്റ്റീഫൻസ് കോളേജിലെ കരിയർ ആൻഡ് പ്ലേസ്‌മെന്റ് സെൽ 2025–26 പ്രവർത്തനങ്ങൾക്ക് തുടക്കം കുറിച്ചു

ഉഴവൂർ: ഉഴവൂർ സെന്റ് സ്റ്റീഫൻസ് കോളേജിലെ കരിയർ ആൻഡ് പ്ലേസ്‌മെന്റ് സെൽ 2025–26 അധ്യയന വർഷത്തെ പ്രവർത്തനങ്ങൾ കാമ്പസിൽ നടന്ന ഔപചാരിക ചടങ്ങോടെ ഉദ്ഘാടനം ചെയ്തു.

കുട്ടിക്കാനം മരിയൻ ഇന്റർനാഷണൽ ഇൻസ്റ്റിറ്റ്യൂട്ട് ഓഫ് മാനേജ്‌മെന്റിലെ ഡീൻ-അക്കാദമിക്സ് ഡോ. സാംസൺ തോമസ് പരിപാടി ഉദ്ഘാടനം ചെയ്തു. 

Environment, sustsinability and Governance -ഇ.എസ്.ജി യിൽ  വിദഗ്ദ്ധനായ സി.എ. ജോർജ്ജ് കുര്യൻ പ്രഭാഷണം നടത്തി. ഉഴവൂർ സെന്റ് സ്റ്റീഫൻസ് കോളേജ് പ്രിൻസിപ്പൽ ഡോ. സിൻസി ജോസഫ് അധ്യക്ഷത വഹിച്ച ഈ യോഗത്തിൽ ഐക്യുഎസി കോർഡിനേറ്റർ ശ്രീമതി അമ്പിളി കാതറിൻ തോമസ് കരിയർ ആൻഡ് പ്ലേസ്‌മെന്റ് സെല്ലിന്റെ കോർഡിനേറ്റർ സിഎ കുര്യൻ വി. ജോൺ എന്നിവർ പ്രസംഗിച്ചു.

വിദ്യാർത്ഥികളുടെ കഴിവുകൾ പരിപോഷിപ്പിക്കുന്നതിനും തുടർച്ചയായ വ്യക്തിത്വ വികസനത്തിന്റെ അന്തരീക്ഷം വളർത്തിയെടുക്കുന്നതിനും കോളേജ് പ്രതിജ്ഞാബദ്ധമാണ് എന്ന് പ്രിൻസിപ്പൽ അറിയിച്ചു.