/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/02/21/whatsapp-2026-02-21-19-42-55.jpeg)
തിരുവനന്തപുരം : പൊതുജനത്തിന്റെ നികുതിപ്പണം ഉപയോഗിച്ച് സിപിഎമ്മിന് വേണ്ടി സര്വെ നടത്താന് ചെലവാക്കിയ നടപടി അഴിമതിയും സത്യപ്രതിജ്ഞാ ലംഘനവുമാണെന്നും അതിനാല് മുഖ്യമന്ത്രിക്ക് അധികാരത്തില് തുടരാന് ധാര്മിക അവകാശമില്ലെന്നും മുന് കെപിസിസി പ്രസിഡന്റ് എംഎം ഹസന്.
കേരള എന്ജിഒ അസോസിയേഷന് സംസ്ഥാന പ്രസിഡന്റ് എം ജാഫര്ഖാന് നയിക്കുന്ന നവജീവന യാത്രയ്ക്കുള്ള സ്വീകരണം ബ്ലിക് ഓഫീസിന് മുന്നില് ഉദ്ഘാടനം ചെയ്തു പ്രസംഗിക്കുക ആയിരുന്നു അദ്ദേഹം.
സര്ക്കാര് ജീവനക്കാരുടെ ഒന്നേകാല് ലക്ഷം രൂപ കവര്ന്നെടുക്കുകയും പെന്ഷന് കുടിശിക വരുത്തുകയും ചെയ്ത സര്ക്കാരാണ് നവകേരള സര്വെയുടെ പേരില് വലിഴ പാഴ്ചെലവ് വരുത്തിയത്. സര്ക്കാര് ജീവനക്കാരുടെ ആനുകൂല്യങ്ങള് നല്കാത്ത സര്ക്കാരാണ് കെഎസ്ആര്ടിയില് ഉള്പ്പെടെ പിആര് പരസ്യത്തിന് കോടികള് പൊടിക്കുന്നത്.
നവകേരള സര്വ്വെ റദ്ദാക്കിയ കോടതി നടപടി സര്ക്കാരിന്റെ മുഖത്തേറ്റ അടിയാണ്. ഇതില് മുഖ്യമന്ത്രിക്ക് ധാര്മിക ഉത്തരവാദത്തിമുണ്ട്.ഈ പണം മുഖ്യമന്ത്രിയില് നിന്ന് തിരികെ പിടിക്കാന് ഹൈക്കോടതി ഉത്തരവിടണം.
പണം തിരിച്ചടയ്ക്കാന് മുഖ്യമന്ത്രി തയ്യാറായില്ലെങ്കില് നിയമ നടപടി സ്വീകരിക്കാന് സര്വീസ് സംഘടനകള് മുന്നോട്ട് വരണമെന്നും എംഎം ഹസന് ആവശ്യപ്പെട്ടു.