പൊന്നാനി മീൻതരുവിൽ ഖിള്ർ നബി നേർച്ചയും ഇബ്രാഹിം മുസ്‌ലിയാർ അനുസ്മരണവും നടന്നു

പൊന്നാനി:   വിശുദ്ധ ഖുർആൻ പരാമർശിച്ച  ഖിള്ർ നബിയുടെ പേരിലുള്ള നേർച്ചയും പൊന്നാനി പ്രദേശത്തെ  ആത്മീയ ഉത്ഥാനത്തിന് നേതൃത്വം നൽകിയ ഇബ്രാഹിം മുസ്‌ലിയാരുടെ പേരിലുള്ള  അനുസ്മരണവും പൊന്നാനി മീൻ തെരുവ് അബൂബക്കർ മസ്ജിദിൽ  ഭക്തിസാന്ദ്രമായ പശ്ചാത്തലത്തിൽ അരങ്ങേറി.   

വർഷം തോറും നടന്നു വരുന്ന നേർച്ച - അനുസ്മരണ പരിപാടി സംസ്ഥാന ഹജ്ജ് കമ്മിറ്റി മുൻ അംഗം കെ എം മുഹമ്മദ്‌ ഖാസിം കോയ ഉദ്ഘാടനം ചെയ്തു.   ഖിള്ർ നബി സാധാരണയായി ഒരു അജ്ഞാത രൂപത്തിൽ യാത്ര ചെയ്യുകയും, പ്രത്യേക ജ്ഞാനത്തിൻ്റെ അടിസ്ഥാനത്തിൽ സാധാരണക്കാരുടെ ജീവിതത്തിൽ ഇടപെടുകയും, അവർക്ക് സഹായമോ പരീക്ഷണങ്ങളോ നൽകുകയും  ചെയ്യാറുണ്ടെന്നും അദ്ദേഹം വിവരിച്ചു.

സയ്യിദ് ഹബീബ് തുറാബ് സഖാഫിയുടെ നേതൃത്വത്തിൽ  ആത്മീയ മജ്‌ലിസ്  സദസ്സിന് അനുഭൂതിയായി.   ഇസ്മായിൽ അൻവരി മുഖ്യ പ്രഭാഷണം നടത്തി.  ഇ കെ സിദ്ദീഖ് അധ്യക്ഷത വഹിച്ചു.  

അബ്ദുല്ലത്തീഫ് മീൻ തരുവ്,  സിദ്ദീഖ് മൗലവി ഐലക്കാട്,  ഇദിരീസ് സഖാഫി,  ഉസ്മാൻ കാമിൽ സഖാഫി പൊന്നാനി,  ഹാഫിള് സഅദുദ്ദീൻ സഖാഫി,  ഷാഹുൽ ഹമീദ് മുസ്ലിയാർ പുതുപൊന്നാനി, അലി സഅദി എന്നിവർ സംസാരിച്ചു.

ഖിള്ർ നബി മാലയിലൂടെ...

ഇസ്ലാമിക ചരിത്രത്തിലും, പ്രത്യേകിച്ച് സൂഫിസത്തിലും മറ്റ് ആത്മീയ പാരമ്പര്യങ്ങളിലും, ഖിള്ർ നബിയെ സാധാരണ  വിശ്വാസികൾ കണ്ടുമുട്ടിയതായി നിരവധി സംഭവങ്ങൾ പറയപ്പെടാറുണ്ട്.    ഖിള്ർ നബിയെ സാധാരണക്കാർ കണ്ടുമുട്ടിയ സംഭവങ്ങൾ ഇസ്ലാമിക ലോകത്തെ, പ്രത്യേകിച്ച് സൂഫിസവുമായി ബന്ധപ്പെട്ട ഗ്രന്ഥങ്ങളിലും പാരമ്പര്യങ്ങളിലും ധാരാളമായി  കാണാം.

ഖുർആനിലെ  സൂറത്തുൽ കഹ് (അധ്യായം 18) മൂസാ നബിയും അദ്ദേഹത്തിന്റെ കൂടെയുള്ള പരിചാരകനായ യൂശഅ് ബ്ൻ നൂനും ഖിള്ർ നബിയെ കണ്ടുമുട്ടിയ ചരിത്രം വിവരിക്കുന്നുണ്ട്.

ഇത് കൂടാതെ സൂഫി ചരിത്രങ്ങളിൽ പ്രമുഖ സൂഫി ശൈഖുമാർ  ഉൾപ്പെടെയുള്ളവർ ഖിള്ർ നബിയെ കണ്ടുമുട്ടിയതായും, അദ്ദേഹത്തിൽ നിന്ന് അറിവ് നേടുകയോ, അല്ലെങ്കിൽ അവരുടെ ജീവിതത്തിൽ ചില മാറ്റങ്ങൾക്ക് അദ്ദേഹം കാരണക്കാരനാവുകയോ ചെയ്ത നിരവധി സംഭവങ്ങളും പ്രചാരത്തിലുണ്ട്.  ഈ ചരിത്രങ്ങളിൽ, ചില സാധാരണക്കാർക്കും  അദ്ദേഹത്തെ കണ്ടുമുട്ടാൻ ഭാഗ്യമുണ്ടായതായി പറയുന്നു.

ഖിള്ർ നബി:   ഒരു അനുഭവ വിവരണം:

സാധാരണക്കാർ ഖിള്ർ നബിയെ കണ്ടുമുട്ടിയതായി പറയപ്പെടുന്നതിൽ, പ്രശസ്തമായ ഒരു സൂഫി ചരിത്രത്തിന്റെ സംക്ഷിപ്തരൂപം  പരിപാടിയുടെ ഉദ്‌ഘാടകൻ ഖാസിം കോയ പരിപാടിയിൽ അവതരിപ്പിച്ചു.    അതെങ്ങിനെ:

"പ്രമുഖ സൂഫി വര്യനായ ശൈഖ് ബഹാഉദ്ദീൻ  നഖ്ശബന്ദിയുടെ  പ്രധാന ശിഷ്യന്മാരിൽ ഒരാളുടെ  അനുഭവത്തിൽ നിന്നുള്ള ഒരു സംഭവമാണിത്.   

ഒരു ദിവസം അദ്ദേഹം തൻ്റെ ഗുരുവായ ശൈഖ് ബഹാഉദ്ദീൻ നഖ്ശബന്ദിയെ സന്ദർശിക്കാൻ ചെന്നു.  അപ്പോൾ ഗുരു ഒരു തടാകത്തിൻ്റെ അരികിൽ വെച്ച് തനിക്കറിയാത്ത ഒരാളുമായി സംസാരിക്കുന്നത് അദ്ദേഹം കണ്ടു.  അവർ ചെന്ന് സലാം ചൊല്ലി സംസാരിക്കാൻ തുടങ്ങിയപ്പോൾ, ആ അപരിചിതൻ പെട്ടെന്ന് അവിടെനിന്ന് മാറി തോട്ടത്തിലെ മറ്റൊരു ഭാഗത്തേക്ക് പോയി.

അപ്പോൾ ഗുരു, ശൈഖിനോട് പറഞ്ഞു: "അത് ഖിള്‌റാണ്!" അദ്ദേഹം ഇത് രണ്ടുതവണ ആവർത്തിച്ചു.
എന്നാൽ ശൈഖിന് അപ്പോൾ അദ്ദേഹത്തോട് പുറമെ യാതൊരു ആകർഷണമോ അകമേ യാതൊരു താൽപ്പര്യമോ തോന്നിയില്ല.

ഏകദേശം രണ്ടോ മൂന്നോ ദിവസങ്ങൾ കഴിഞ്ഞപ്പോൾ, സൂഫി ആശ്രമമായ ഖാൻഖാഹിന്റെ തോട്ടത്തിൽ വെച്ച് അദ്ദേഹം വീണ്ടും ഖിള്ർ നബിയെ കണ്ടുമുട്ടി.   പിന്നീട്, രണ്ടു മാസങ്ങൾക്ക് ശേഷം, ബുഖാറയിലെ തുറന്ന അങ്ങാടിയിൽ വെച്ച്  ശൈഖ് ഖിള്ർ നബിയെ കണ്ടു.

അപ്പോൾ ഖിള്ർ നബി പുഞ്ചിരിച്ചുകൊണ്ട് അദ്ദേഹത്തെ അഭിവാദ്യം ചെയ്യുകയും, ആലിംഗനം ചെയ്യുകയും, വിശേഷങ്ങൾ തിരക്കുകയും ചെയ്തു.    തിരിച്ചെത്തി ഗുരുവിനെ കണ്ടപ്പോൾ അദ്ദേഹം പറഞ്ഞു: "നീ ബുഖാറയിലെ അങ്ങാടിയിൽ വെച്ച് ഖിള്‌റിനെ കണ്ടിട്ടുണ്ടല്ലോ."  എന്ന് ചോദിക്കുകയുമുണ്ടായി.    

ഈ സംഭവത്തിൽ, ഖിള്ർ നബി ഒരു പ്രവാചകനായ ഗുരുവിൻ്റെ ശിഷ്യനുമായി (ഒരു സാധാരണ ആത്മീയ അന്വേഷകൻ) ഒരു അങ്ങാടിയിൽ വെച്ച് കണ്ടുമുട്ടുകയും സംസാരിക്കുകയും ചെയ്യുന്നത് കാണാം.

കപ്പലിലെ പാവപ്പെട്ടവർ:   ഖുർആനിലെ മൂസാ നബിയുമായുള്ള സംഭവത്തിലും സാധാരണക്കാരുമായി ഖിള്ർ നബിക്ക് ബന്ധമുണ്ടായിരുന്നു.   ഖുർആനിൽ ഖിള്ർ നബി (പേര് പരാമർശിക്കാതെ) ഒരു കപ്പലിന് കേടുപാടുകൾ വരുത്തുന്നതായി പറയുന്നുണ്ട്.   മൂസാ നബി ഇതിനെ ചോദ്യം ചെയ്യുമ്പോൾ അദ്ദേഹം മറുപടി നൽകുന്നത്:  "ആ കപ്പൽ കടലിൽ ജോലി ചെയ്ത് ജീവിക്കുന്ന പാവപ്പെട്ട കുറച്ച് ആളുകളുടേതായിരുന്നു."   അതിന് മുന്നിലുള്ള രാജാവ് നല്ല കപ്പലുകളെ ബലമായി പിടിച്ചെടുക്കുന്നത് തടയാനാണ് താൻ അത് കേടുവരുത്തിയത് എന്നും, അവർക്ക് പിന്നീട് ചെറിയ പണം മുടക്കി അത് നന്നാക്കിയെടുക്കാൻ കഴിയുമെന്നും അദ്ദേഹം വെളിപ്പെടുത്തുന്നു. 

ഈ സംഭവത്തിൽ കപ്പലിന്റെ ഉടമകളായ സാധാരണക്കാരുടെ ഉപജീവനമാർഗ്ഗം സംരക്ഷിക്കാനാണ് അദ്ദേഹം അപ്രതീക്ഷിതമായി പ്രവർത്തിച്ചത്.