വായനയിലൂടെ മാത്രമെ കരിയർ മെച്ചപ്പെടുത്താൻ കഴിയൂ - ജി സുധാകരൻ

ആലപ്പുഴ: വായനയിലൂടെ മാത്രമെ ഒരാളുടെ കരിയർ മെച്ചപ്പെടുത്തുവാൻ സാധിക്കു എന്ന് മുൻ മന്ത്രി ജി.സുധാകരൻ പറഞ്ഞു. ഐ.എ.എസ് ഉൾപ്പെടെ ഉന്നത വിദ്യാഭ്യാസമേഖലയിൽ വിജയം കൈവരിച്ചവർ വായനയിലൂടെ നേടിയ വിജയമാണ്. ആലപ്പുഴലജനത്തുൽ മുഹമ്മദീയ ഹയർസെക്കൻഡറി സ്ക്കൂളിൽ പി.എൻ. പണിക്കർ ഫൗണ്ടേഷൻസംഘടിപ്പിച്ച വായനദിന-മാസാചരണ പരിപാടിയുടെ ജില്ലാതല വിളംബര സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.

സ്ക്കൂൾ മാനേജർ എ.എം.നസീർ അദ്ധ്യക്ഷത വഹിച്ചു. സാനിയ സന്തോഷ് വായന ദിന പ്രതിഞ്ജചൊല്ലി കൊടുത്തു. പി.എൻ പണിക്കർ ഫൗണ്ടേഷൻ ജില്ലവർക്കിംഗ് പ്രസിഡൻ്റ് കെ. നാസർ, ജനറൽ സെക്രട്ടറി പ്രതാപൻ നാട്ടു വെളിച്ചം, പ്രിൻസിപ്പൾ അഷറഫ് കുഞ്ഞ് ആശാൻ എച്ച്.എം. സീന, രാജു പള്ളി പറമ്പിൽ, ഉത്തമ കുറുപ്പ്, വയലാർ ഗോപാലകൃഷ്ണൻ, പി.ടി.എ. പ്രസിഡൻ്റ് ഷാജി ജമാൽ 'സുധീർ ആര്യാട് എന്നിവർ പ്രസംഗിച്ചു