മുളന്തുരുത്തി പള്ളിത്താഴം സമന്വയ റസിഡൻ്റ്സ് അസോസിയേഷൻ ക്രിസ്മസ് കരോൾ നടത്തി

മുളന്തുരുത്തി: പതിവുപോലെ പള്ളിത്താഴം പതിനഞ്ചാം വാർഡിലെ സമന്വയ റസിഡൻ്റ്സ് അസോസിയേഷൻ ക്രിസ്തുമസ് കരോൾ നടത്തി.  

അസോസിയേഷൻ്റെ പരിധിയിൽ വരുന്ന എല്ലാ ഭവനങ്ങളും കരോൾ സംഘം സന്ദർശിച്ച് ക്രിസ്മസ് സന്ദേശം കൈമാറി. അസോസിയേഷൻ രൂപീകൃതമായതിനു ശേഷം പതിവ് തെറ്റാതെ ക്രിസ്മസ് കരോൾ നടത്തി വരുന്നുണ്ടെന്ന് സെക്രട്ടറി കെ പി ശ്യാം പറഞ്ഞു.

മാതൃകാപരമായ ഒട്ടേറെ പരിപാടികൾ സംഘടിപ്പിയ്ക്കുന്ന അസോസിയേഷൻ, ഏതാനും ആഴ്ചകൾ മുമ്പായി നേത്രപരിശോധന ക്യാമ്പ് നടത്തിയിരുന്നു. 

കരോളിൽ സമന്വയയിലെ അമ്പതിലധികം അംഗങ്ങളുടെ സജീവ പങ്കാളിത്തമുണ്ടായത് ശ്രദ്ധേയമായി.

കരോൾ സംഘം അസോസിയേഷനിലെ എല്ലാ അംഗങ്ങളുടെയും ഭവനങ്ങളിലും കരോൾ ഗീതങ്ങൾ ആലപിച്ചു. മധുരപലഹാരം വിതരണം ചെയ്ത്, ഒരുമയുടെയും, സ്നേഹത്തിന്റെയും ക്രിസ്തുമസ് സന്ദേശം നൽകുകയും ചെയ്തു.