ബെംഗളൂരു-കന്യാകുമാരി എക്സ്പ്രസിൽ ടിടിഇമാർക്കു നേരെ ആക്രമണം, രണ്ടു യുവാക്കൾ പിടിയിൽ

എറണാകുളം: ബെംഗളൂരു-കന്യാകുമാരി എക്സ്പ്രസ് ട്രെയിന്‍ ടിടിഇമാര്‍ക്കുനേരെ ആക്രമണം ഉണ്ടായി. കഴിഞ്ഞ ദിവസം ട്രെയിൻ വടക്കാഞ്ചേരിയിൽ എത്തിയപ്പോഴാണ് ആക്രമണം ഉണ്ടായത്.

 സംഭവത്തില്‍ കൊല്ലം സ്വദേശി അശ്വിൻ, പൊന്നാനി സ്വദേശി ആഷിഖ് എന്നിവരെ റെയിൽവേ പൊലീസ് പിടികൂടി. സ്ലീപ്പര്‍ കോച്ചില്‍ സഞ്ചരിക്കുകയായിരുന്ന യുവാക്കളോട് ടിക്കറ്റ് ചോദിച്ചപ്പോഴാണ് ടിടിഇയെ തള്ളിയിട്ടശേഷം ഓടി രക്ഷപ്പെടാൻ ശ്രമിച്ചത്.

യുവാക്കളെ പിടികൂടി ആര്‍പിഎഫ് പരിശോധിച്ചപ്പോൾ ഇവരുടെ പക്കൽനിന്നും കഞ്ചാവ് കണ്ടെടുത്തു.