രേഖകളില്ലാതെ ഓട്ടോയിൽ കടത്തുകയായിരുന്ന 22.50 ലക്ഷം രൂപയുമായി യുവാവ് നാദാപുരം എക്സൈസിന്‍റെ പിടിയിലായി

നാദാപുരം : രേഖകളില്ലാതെ ഓട്ടോയിൽ കടത്തുകയായിരുന്ന 22.50 ലക്ഷം രൂപയുമായി യുവാവ് നാദാപുരം എക്സൈസിന്‍റെ പിടിയിലായി. 

കണ്ണൂർ ചെമ്പിലോട് പുതിയെടുത്ത് വീട്ടിൽ വിപിനെ(38) യാണ് എക്സൈസ് ഇൻസ്പെക്ടർ ആരോൺ കോശി വർഗീസും സംഘവും ചേർന്നു പിടികൂടിയത്. 

ഇന്നലെ രാത്രിയാണ് സംഭവം. നാദാപുരം -പെരിങ്ങത്തൂർ സംസ്ഥാന പാതയോടു ചേർന്ന റോഡിൽ വാഹന പരിശോധനയ്ക്കിടെ കെഎൽ 13 y 8221 നമ്പർ ഓട്ടോയിൽനിന്നാണ് പണം പിടികൂടിയത്. 

500 രൂപയുടെ 45 കെട്ടുകളാക്കിയായിരുന്നു പണം സൂക്ഷിച്ചിരുന്നത്. പിടിച്ചെടുത്ത പ‌ണം സഹിതം യുവാവിനെ തുടർ നടപടികൾക്കായി നാദാപുരം പോലീസിനു കൈമാറി