കണ്ണൂർ: പാപ്പിനിശേരിയിൽ ബിജെപി പ്രവർത്തകന്റെ ഓട്ടോറിക്ഷയിൽ റീത്ത് വച്ച സംഭവത്തിന് പിന്നിൽ സിപിഎമ്മെന്ന് ആരോപണം.
പുതിയകാവിന് സമീപത്തെ രാജേഷിന്റെ വീട്ടുമുറ്റത്ത് നിർത്തിയിട്ട ഓട്ടോയിലാണ് 'ആദരാഞ്ജലികൾ' എന്നെഴുതിയ റീത്ത് കണ്ടെത്തിയത്.
റീത്ത് വച്ചത് സിപിഎം ആണെന്ന് ബിജെപി നേതൃത്വം ആരോപിച്ചു.സമാധാനന്തരീക്ഷം നിലനിൽക്കുന്ന പ്രദേശത്ത് മനഃപൂർവം സംഘർഷമുണ്ടാക്കാനുള്ള സിപിഎം ഗൂഢതന്ത്രമാണിത്.
ഇത്തരം ശ്രമങ്ങൾക്കെതിരേ ജനാധിപത്യ വിശ്വാസികളെ അണിനിരത്തി ശക്തമായ പ്രതിഷേധം ഉയർത്തുമെന്നും ബിജെപി ചിറക്കൽ മണ്ഡലം പ്രസിഡന്റ് രാഹുൽ രാജീവ് പറഞ്ഞു.