കണ്ണൂരിൽ ട്രെയിനിന് നേരെ വീണ്ടും കല്ലേറ്

കണ്ണൂർ: കണ്ണൂരിൽ ട്രെയിനിന് നേരെ വീണ്ടും കല്ലേറ്. ഇന്നലെ രാത്രി 10.30-ഓടെ കണ്ണൂർ – യശ്വന്ത്‌പൂർ വീക്കിലി എക്സ്പ്രസിന് നേരെയാണ് കല്ലേറുണ്ടായത്.

കണ്ണൂരിനും തലശ്ശേരിക്കും ഇടയിൽവെച്ചായിരുന്നു സംഭവം നടന്നതെന്ന് റെയിൽവേ പ്രൊട്ടക്ഷൻ ഫോഴ്സ് (ആർ.പി.എഫ്) അറിയിച്ചു. 

കല്ലേറിൽ ട്രെയിനിലെ എസ് 7 കോച്ചിലെ ഒരു യാത്രക്കാരന്റെ മുഖത്ത് പരുക്കേറ്റു.

 തലശ്ശേരിയിൽ വെച്ച് ആർ.പി.എഫ് പ്രാഥമിക പരിശോധന നടത്തിയ ശേഷം ട്രെയിൻ യാത്ര തുടർന്നു.

ഒരിടവേളയ്ക്ക് ശേഷമാണ് കണ്ണൂർ മേഖലയിൽ ട്രെയിനുകൾക്ക് നേരെ കല്ലേറ് ഉണ്ടാകുന്നത്. സംഭവത്തിൽ ആർ.പി.എഫ് അന്വേഷണം ആരംഭിച്ചിട്ടുണ്ട്.