കൊല്ലം പള്ളിക്കലാറിൽ മീൻ പിടിക്കാൻ എത്തിയ യുവാക്കൾ വള്ളം മറിഞ്ഞ് അപകടത്തിൽപ്പെട്ടു; ഒരാളെ രക്ഷപ്പെടുത്തി, മറ്റൊരാൾക്കായി തെരച്ചിൽ തുടരുന്നു

കൊല്ലം: പള്ളിക്കലാറിൽ വള്ളം മറിഞ്ഞ് ഒരാളെ കാണാതായി. ആറ്റിൽ മീൻ പിടിക്കാൻ എത്തിയ യുവാക്കളാണ് അപകടത്തിൽപ്പെട്ടത്. കാണാതായ മാരാരിതോട്ടം സ്വദേശി അജിത്തിനായി തെരച്ചിൽ തുടരുന്നു.

ഒഴുക്കിൽപ്പെട്ട ഒരാളെ സ്കൂബാ സംഘം കണ്ടെത്തി ആശുപത്രിയിലേക്ക് മാറ്റി. ശ്രീരാഗ് എന്നയാളെയാണ് രക്ഷപ്പെടുത്തിയത്. വള്ളത്തിൽ നാല് യുവാക്കളാണ് ഉണ്ടായിരുന്നത്. രണ്ട് പേർ നീന്തി രക്ഷപ്പെട്ടു.